Kuvendi i Republikës së Kosovës, sot vazhdon punimet me pikat e mbetura nga seanca e kaluar.
Duke filluar nga ora 10:00, bëhet votimi i pikave të mbetura nga seanca e fundit, ndërsa pas përfundimit të tyre, do të fillojë seancë e re.
Pas deklarimeve jashtë rendit të ditës dhe pyetjeve parlamentare, pritet të mbahet interpelanca e ministrit të Punëve të Jashtme Hashim Thaçi, lidhur me procesin e demarkacionit të kufirit në mes Republikës së Kosovës dhe Republikës së Malit të Zi.
Më pas, do të shqyrtohen disa projektligje, raporte e rekomandime.