Rreth 200 familje të lagjes “Tusuz” në Prizren, po përballen që një kohë të gjatë me mungesë të ujit.
Banorët shprehën të shqetësuar për këtë problem jetësor. Ata tregojnë se për këtë problem janë takuar edhe me përgjegjësit e Kompanisë së Ujësjellësit “Hidroregjioni- Jugor”.
“Kemi kërkuar që të zgjidhet ky problem i ujit”, shprehen njëzëri banorët e “Tusuzit”.
Kryeshefi Ekzekutiv i “Hidroregjionit- Jugor”,Besim Baraliu thotë se është i njohur me shqetësimin e këtyre banorëve. Ai shpreh besimin se qysh në muajin e parë të pranverës do të ketë furnizim normal në këtë lagje pas zbulimit të disa burimeve të reja.
Sipas tij, kompania ka bërë një zgjidhje momentale për të përmirësuar furnizimin në këtë lagje nga dita e djeshme,pas vënies në funksion të një pompe për shpërndarjen e ujit në këtë zonë .
Ai po ashtu përmenden edhe faktin se borxhet e konsumatorëve edhe në këtë lagje janë të larta.
“Prandaj, apeloj që të përmbushen detyrimet ndaj kompanisë për shkak të shpenzimeve të shumta që bënë kompania jo vetëm në këtë lagje për të pasur një furnizim sa më normal me ujë/TV Prizreni/
.