0.8 C
Prizren
E diel, 29 Janar, 2023

Veteranët në pritje

Rektorati-protesta e veteraneveNgërçi politik në Kosovë ka prekur edhe Universitetin e Prishtinës.

Organet e rektoratit të UP-së kanë mbetur të varura nga Qeveria e Kosovës lidhur me memorandumin e bashkëpunimit që Universiteti i Prishtinës kishte nënshkruar me shoqatat e dala nga lufta.

Ministri i Arsimit, Arsim Bajrami tha se në mbledhjen e parë të Qeverisë së re do të diskutohet lidhur me memorandumin dhe se javën tjetër pritet që veteranëve tu ipet një përgjigje lidhur më atë se a do të pranohen më shumë se njëmijë studentë të shoqatave të dala nga lufta apo jo. “Po pritet mbledhja e parë e qeverisë ku kjo gjë do të diskutohet. Tani për tani nuk ka asnjë lajm”, ka thënë Arsim Bajrami për gazetën Tribuna.

Edhe kryetarja e Këshillit Drejtues të UP-së, Shefkije Islami, tha se tani për tani asnjë vendim brenda Rektoratit nuk është marrë lidhur me memorandumin e OVL-së. “Ne ende nuk kemi mbajtur ndonjë mbledhje se u ndërruan qeveritë. Pas herës së parë që jemi mbledhur të nesërmen u formua qeveria tash ministritë janë ndërruar. Nuk e dimë nëse javën tjetër do të kryen punët”, ka thënë Islami.

Edhe për përfaqësuesin shoqatave të dala nga lufta ngërçi institucional dhe ndërrimi i shefave të ministrive ka bërë që ende të mos jepet një përgjigje e saktë lidhur me vendimin e ministrit për memorandumin. “Ka pasur krizë institucionale, nuk jemi të informuar. Tash po shikojmë institucionet e reja”, ka thënë Elezi.

Ani nuk e përjashtoi mundësinë e protestave nëse familjarët e tyre nuk pranohen në UP. “OVL është këmbëngulëse në interesat e veta për realizimin e regjistrimit të këtyre nxënësve. Po presim vendim dhe përkrahje nga ministri i ri Arsim Bajrami i cili pritet që të vazhdoj punën e atij që e ka lënë në gjysmë”, ka thënë Elezaj./Tribuna/

Më Shumë

Giroud: Dua ta përfundoj karrierën në Milan

Futbollisti francez, Olivier Giroud, ka thënë se dëshiron ta vazhdojë kontratën me Milan-in edhe për një sezon dhe ta mbyllë karrierën me kuqezinjtë. Në një...

Zelensky bën thirrje për dërgimin e shpejtë të tankeve në Ukrainë – nga Perëndimi kërkon edhe raketa me rreze të gjatë dhe aeroplanë luftarakë

Presidenti i Ukrainës ka falënderuar liderët perëndimorë për dërgimin e tankeve për të dhënë mbështetje në luftën kundër Rusisë, por tha se ato duhet...

Lepuri me doreza

Lajmet e Fundit