Zv.kryeministrja, Albulena Balaj Halimi, ka thënë në Prime Time të Kanal10 se, inicimi i mocionit për rrëzimin e Qeverisë Hoti nuk është serioz.
“VV-ja nuk i ka nënshkrimet as për thirrjen e seancës e lëre më ta rrëzojë qeverinë. Ngritja e një mocioni në këtë kohë pandemie është e padrejtë, kur vetë ata deklaronin se nuk duhej rrëzuar Qeveria e kaluar e udhëhequr nga Kurti, për shkak të pandemisë”, ka deklaruar Balaj-Halimi.
Duke folur për menaxhimin e pandemisë nga ana e Qeverisë Hoti, Balaj-Halimi ka thënë se në kohën kur ishim të mbyllur ka qenë më e lehtë të menaxhohej pandemia.
“Qeveria aktuale ka qenë e detyruar, siç ka qenë e gjithë bota, që ta bëjë hapjen e ekonomisë. Kemi bërë atë që ka thënë IKSHPK-ja”, ka shtuar ajo./Kanal10
