16.8 C
Prizren
E enjte, 28 Mars, 2024

E jashtëzakonshme, Adem Mikullovci dha shfaqje para familjes dhe vdiq në krahët e bashkëshortes

Adem Mikullovci aktor i njohur dhe ish-deputet, është varrosur sot në Prishtinë. Ai vdiq në moshën 81 vjeçare.

Për shkak të pandemisë COVID-19, numri i pjesëmarrësve në varrim ishte i vogël, por që nuk munguan bashkëpunëtorët e tij, nga aktrimi e politika, të cilët u panë shumë të mërzitur.

Lumnije Mikullovci, bashkëshortja e Ademit, tha se i ndjeri mbrëmë e ka luajtur një shfaqje në banesën e tij, por që më vonë iu përkeqësua gjendja e tij shëndetësore, ku si pasojë ka ndërruar jetë.

“Mbrëmë e ka luajtur një shfaqje për neve dhe pas asaj, më ka thënë, ‘Lume nuk jam mirë, dhe unë i kam thënë se je mirë. E ke kaluar sfida edhe më të rënda por që vërtetë ai nuk ishte mirë dhe më ka rënë në supe tima dhe ka vdekur”, tha ajo.

Gjithashtu u tha se për shkak të pandemisë nuk do të mbahet e pame në familjen Mikullovci.

Mikullovci, ishte njëri ndër aktorët më të njohur të Kosovës. Përveç aktrimit ai u mor edhe më politikë. Ai ishte delegatë i Kuvendit të Kaçanikut, dhe po ashtu deputetë në Kuvendit e Kosovës në legjislaturën e fundit.

Me rastin e vdekjes së tij, kontributi i Mikullovcit, u vlerësua lartë si në fushën e kinematografisë, ashtu edhe në atë të çështjes kombëtare.

 

Më Shumë

Kot grindem me hënën

Enver Sulaj Fjalët e shenjta më vijnë si profeci Si magji Si ankth Dhe më lënë pa frymë, pa fjalë. Sonte mori fund vuajtja Fjalët ikën tej reve Ti dridhesh si...

Hamza: Qytetarët e dinë, kur unë them diçka, e realizoj

Kandidati i Partisë Demokratike të Kosovës (PDK) për kryeministër, Bedri Hamza, ka deklaruar se përkrahja e tij për këtë post do të jetë nga...

Lajmet e Fundit