Vjedhje e rëndë në Krajk të Prizrenit, hajnat vjedhin 50 mijë euro dhe stoli ari në vlerë prej 40 mijë euro.
Nga kjo çantë u vodhën 50 mijë euro.
Por, hajdutëve që arritën te futen në këtë shtëpi në fshatin Krajk te Prizrenit duket se nuk i mjaftoi kjo shumë e parave.
Dy persona, që të enjten rreth orës 18:00, arritën të futen në këtë shtëpi kishin vazhduar të kërkonin edhe gjëra të tjera me vlerë.
E ato arritën ti gjejnë në dhomën e njërit prej familjarëve, që sapo ishte martuar.
Këtu hajdutët morën stoli ari.
Vlera e tyre sipas familjarëve ishte 40 mijë euro.
E gjithë kjo ngjarje u filmua nga kamerat e sigurisë brenda shtëpisë.
Në pamjet qe T7 ka siguruar, aty shihet se 2 hajna që u futën brenda ishin të maskuar.
Madje njëri prej tyre duket se po mbante dëgjuese dhe po komunikonte me dikë tjetër.
Aty shihet se hajdutët janë futur brenda duke e dëmtuar këtë dritare.
Ky mur u shërbeu atyre për të arritur deri tek dritarja.
Ndërkaq, pasi kryen këtë vepër ata u larguan përmes këtij livadhi.
Përderisa po kryhej vjedhja, familjarët e kësaj shtëpi thonë se ishin duke qëndruar në një shtëpi tjetër që gjendet afër.
Ata nuk kanë dashur të prononcohen për media, por kanë thënë që dyshojnë se këtë gjë e ka kryer ndonjë i afërm që e njeh terrenin e shtëpisë.
Rastin e ka konfirmuar edhe Policia e Kosovës.
Zyrtari për Informim nga Rajoni i Prizrenit, Shaban Osmanollaj ka thënë se rasti është duke u hetuar.
Për këtë ngjarje kanë dëgjuar edhe banorët e tjerë të fshatit Krajk të Prizrenit.
Banorët këtu thonë se vjedhjet në këtë zonë janë shtuar kohëve të fundit
