13.8 C
Prizren
E enjte, 28 Mars, 2024

Super sfida në Superligën e Kosovës në basketboll

Java e dytë në Superligën e Kosovës në basketboll do të dhurojë ndeshje mjaft interesante.

Ndeshja e parë do të jetë mes Vëllaznimit dhe Ponte Prizrenit, dy skuadra që shpresojnë të shënojnë fitoren e parë, pasi pësuan humbje në javën e parë. Skuadra kuqezi kishte pësuar nga Rahoveci, derisa prizrenasit nga Golden Eagle Ylli.

Takim shumë interesant shihet ai në mes Pejës dhe Rahovecit, dy skuadra që e nisën stinorin me fitore. Verdhezinjtë shpresojnë në fitoren e dytë radhazi, pasi mundën Sigal Prishtinën, kurse Vreshtarët shënuan fitore ndaj Vëllaznimit. Përballjet në edicionin e kaluar mes këtyre dy skuadrave ishin mjaft interesante dhe kështu pritet edhe të shtunën mbrëma.

Përballje mjaft interesante vlerësohet mes Golden Eagle Yllit dhe Bashkimit, dy skuadra që kanë ambicie të larta dhe e filluan stinorin në Superligë me fitore, duke shpresuar se do të vazhdojnë me fitore.

Takimi i fundit i kësaj xhiro është ndërmjet Sigal Prishtinës dhe Trepçës. Bardhekaltrit fituan Superkupën një javë më parë, por në xhiron e parë pësuan nga Peja, derisa Trepça që shpëtoi përmes Play-Out, pësoi humbje minimale nga Bashkimi.

Super sfida në SuperligëSuperliga – Java 2

E shtunë

17:00 Vëllaznimi – Ponte Prizreni

19:00 Peja – Rahoveci

E diel

17:00 Golden Eagle Ylli – Bashkimi

19:00 Sigal Prishtina – Trepça

Më Shumë

Rikthehet Superliga, vëmendja tek Malisheva–Drita

Pas pushimit për shkak të ndeshjeve të Kombëtareve, këtë vikend rikthehet Superliga me xhiron e 27-të. Këtë javë na presin dy ndeshje shumë interesante....

Hajnat futen në tri shtëpi në Rogovë, vjedhin mijëra euro dhe stoli ari

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, sidomos kur mbesin...

Lajmet e Fundit