Trajner i Manchester Cityt, Pep Guardiola ka folur rreth të ardhmes së yllit të Barcelonës, Lionel Messit, transmeton Insporti.
Tekniku katalunas i cili ditën e djeshme nënshkroi kontratë të re dy vjeçare me “Qytetarët” ka folur rreth të ardhmes së lojtarit më të mirë në botë, Lionel Messit.
“Si fans i Barcelonës, unë dua që Messi ta përfundoj karrierën atje” – tha ai.
“Por e di që këtë vit ai do ta përfundoj kontratën e tij me klubin dhe nuk e di se çfarë ka në mendje” – u shpreh ai.
Ditëve të fundit është folur shumë për lidhjen e një parakontratë të Messit me Manchester City-in.
Spekulimet u rritën së fundmi kur Messi u rikthye nga Argjentina dhe tha se është lodhur duke qenë fajtori kujdestar për gjithçka çfarë shkon keq në Barcelonë.
