Marr parasysh faktet e publikuara në të përdishmen “Koha Ditore” lidhur me komplotin gjyqësor ndaj kryetarit të “NISMA PËR KOSOVEN” z.Fatmir Limaj dhe të 8 akuzuarve të tjerë , krijohet përshtypja se drejtësia në Kosovë ka ikur e humbur pa kthim. Menduam dhe besuam shumë se me ardhjen e misionit të EULEX –it në Kosovë , së paku do të gjurmohet mbi drejtësinë në këtë vend , porse ky mision me të bëmat e tij sidomos ditëve dhe mujve të fundit , po i jep një ngjyrë akoma më të errët drejtësisë ,një virtyt ky themelor për ekzistencializmin dhe funksionalizimin e çdo shteti në botë .
Athua na qenka shumë e vështirë dhe e pakalueshme rruga që shpie kah drejtësia ?! Kur shohim dhe dëgjojmë se çfarë na qenka përgatitur nga Partia Demokratike e Kosoves në krye me njerëzit e nëntokes dhe në bashkëpunim edhe me misionin e EULEX –it , vijmë në perfundim se Kosova është shumë larg krijimit dhe instalimit të një shteti të drejtë dhe demokratik . Veprimet e fundit të pushtetarëve të cilët nuk din së ngopuri me pushtet , por edhe të argatëve të huaj të cilët thirren në atë se në Kosovë kanë ardhur në emer të drejtësisë , të rendit dhe ligjit , qojnë drejtë një humnere të pafund . Pra jemi ardhur në një situatë të atillë ku nuk po e dijmë se në Kosovë a po punohet për instalimin e një sistemi të drejtësisë apo të padrejtësisë në këtë vend.
Qytetaret e këtij vendi janë deshmitar se që nga paslufta gjatë 15 viteve është eksperimentuar me Kosoven . Pra Kosova ka qenë një vend eksperimental dhe pikërisht këto eksperimente kanë vë në sfond të gjitha të ligat dhe të këqijat që i janë bërë këtij vendi. Por ama të tentohet të eksperimentohet edhe me sistemin e drejtësisë në një vend ku më së shumti ka nevojë për drejtësi , është tepër ç’njerëzore , dhe imorale , sepse prekë direkt në dinjitetin , vlerat , dhe të drejtat njerëzore të atyre që janë të përfshirë në atë shoqëri .
Në mos ditshim më shumë , një gjë e dijmë shumë mirë se në një shtet të qeverisur mirë , instalohet drejtësia , sikurse e dijmë poashtu se edhe në një shtet të qeverisur keq , instalohet padrejtësia .Kjo pra nënkupton se të gjithë ata që janë të përfshirë në atë shoqëri , duhet detyrimisht t’i ndjekin një numer të caktuar rregullash. Funksionimi i mirë i sistemit të drejtësisë në një vend , është i mundur vetëm në saje të ligjeve dhe të atyre që i zbatojnë ato ligje . Por nëse ata të cilët thirren në emer të drejtësisë e nuk janë vet të ndershëm , sistemi bëhet i padrejtë . Dhe prap vijmë në atë situaten e lartëpërmendur se , a po punohet që në Kosovë të instalohet sistemi i Drejtësisë , apo i Padrejtësisë .
Kujtojmë se shteti mund të jetë i drejtë , për aq sa njerëzit që qeverisin më të janë të drejtë , sepse kjo mvaret pikërisht nga veprimet e tyre , qofshin ato veprimetë drejta ose padrejta. Kujtojmë poashtu që secili prej atyre që janë zotuar për të qeverisur dhe të atyre që kanë ardhur për të ndihmuar gjoja në shtetndërtimin e Kosoves , janë aq të drejtë për aq sa i kryejn punet e veta në mënyrë të drejtë , por jo për të penguar dhe denuar veprimet e njerëzve të drejtë , të ciët aq shumë kanë bërë dhe vazhdojnë të bëjnë për vendin. Mirëpo kjo ndodhë pikërisht kështu ,sepse sistemi i drejtësisë i instaluar në Kosovë është shumë i padrejtë . Dhe rrjedhimisht vijmë në situaten ku ne si qytetar të Kosoves , nuk mund të besojmë në shtetin tonë pë arsyen e vetme , se nuk mund të pajtohemi me pandershmërinë e njerëzve të cilet e kanë kapur shtetin , të njerëzve që po keqëpërdorin pasurinë shtetërore edhe pse u është besuar ruajta e kësaj pasurie , të njerëzve që u kemi thënë miq në të mirë e në të keq , të njerëzve që tani edhe traditat dhe zakonet e shqiptarisë i kanë harruar , të njerëzve që edhe shoket e tyre të luftës po i tradhtojnë duke u vënë prita e komplote vetëm e vetëm për të mos u zhvilluar dhe formësuar në mënyrë të drejtë dhe njerëzore .
Pas të gjithë atyre sakrificave për liri dhe pas luftes së pastër çlirimtare të mijra bijëve e bijave të Kosoves , dhe poashtu pas rënjes së mijra heronjëve në altarin e lirisë , kush do të mund të mendonte se do të vie dita që nuk do të çmohen dhe vlerësohen ata njerëz që janë të prirur nga vlerat morale dhe njerëzore , ata njerëz që janë shquar për veprimet e tyre të fuqishme si në luftë ashtu edhe në paqe dhe sidomos ata njerëz që mbi supet e tyre kanë bartur procese shumë të rëndësishme për Kosoven , siç është z.Fatmir Limaj . E pse pra në një shtet ku një mision i huaj pretendon instalimin e një sistemi të drejtësisë , sistem ky i bazuar edhe në vlerat evropiane , u dashka të denohen ata njerëz të cilët asnjëherë nuk kanë shkelur betimin e dhënë se do të punojnë paster dhe ndershëm për këtë vend . Pse u dashka të denohej njeriu i cili asnjëherë nuk është pajtuar dhe i cili vazhdon të mospajtohet edhe tani me të keqen .Pse u dashka të denohej njeriu i cili është i prirur të bëjë ndryshime pozitive për vendin , njeri ky me një kreativitet politik , ideator dhe inicues për procese të reja dhe njeri ky që beson thellë se edhe politika është art që bazohet në realen , e jo në gënjeshtra dhe mashtrime. Ndoshta u dashka të dënohej për faktin se tani shihet si një konkurrent i denjë politik , edhe pse kjo konkurrencë çonë në zhvillim një shoqëri ku është i instaluar pluralizmi politik dhe sistemi demokratik .
Këtë mbase mund t’a kenë pasur nga frika , sepse nëse marrim për bazë atë se vetëm për tre muaj aktivitet politik , bëri një shtrirje fascionuese në tërë vendin dhe me këtë z.Fatmir Limaj dhe Nisma e tijë arriti të bëhet faktor politik dhe determinues në politiken kosovare . Por të mjerët dhe të ligët i frigohen konkurences , ata nuk kanë diapazon të kuptojnë se kjo është në të miren e vendit .
Atyre të cilët kurdisin vendime të padrejta ,qofshin vendor apo ndërkombëtar , u bëjmë me dije se një njeri kaq i madh siç është z.Fatmir Limaj ,nuk është i vetëm . Ai është i çmuar nga të gjithë , është njëri nga më të votuarit në shumë palë zgjedhje në Kosovë dhe për dallim nga ju , ai është njeri që vlerëson drejtë dhe ndershëm . Sikurse thuhet se drejtësia vonon por del në shesh , edhe ne , ju dhe të gjithë duhet të bindemi se këtij njeriu është duke iu bërë padrejtësi dhe se shumë shpejtë drejtësia do të ngadhënjejë.
Duke marr parasysh të gjitha ato sfida me të cilat është ballafaquar z.Limaj ku çdoherë doli fitimtar , me bindje të plotë themi se ai edhe pas të gjitha këtyre shantazheve , komploteve ,ai prap do të qëndroj , pa u tërhequr asnjëherë nga fisnikëria , deri sa përfundimisht të ngadhënjejë .
Në fund fare meqë jemi në kujtim të pervjetorit të epopesë së Jasharajve , ku nderimet dhe lavdia u takon atyre dhe të gjithë të rënëve për këtë tokë , si mund t’u themi atyre se njerëzit tuaj të gjallë janë duke jetuar keq , se shteti të cilin aq shumë e deshtëm , është në duart e atyre që po degradojnë çdo vlerë të kësaj shoqërie , se fëmijët dhe nipërit tuaj tani më morën përsëri rrugen e mërgimit me shpresën e mbytur dhe me dëshirën për të mos u kthyer kurrë.
A.Bekteshi Anëtar i “Nisma për Kosovën”