Drejtoria Komunale e Arsimit në Dragash ka marrë vendim që ditën e enjtë me datë 6 shkurt të pezulloj mbajtjen e mësimit në këtë komunë përshkak të reshjeve të shumta të borës. Këtë njoftim përmes rrjetit social ‘Facebook’ e ka bërë Drejtori i Arsimit në këtë komunë, Vloran Cenaj.
Njoftimi i plotë i Cenajt:
Njoftim
Njoftohen të gjithë nxënësit dhe mësimdhënësit e komunës së Dragashit se për shkak të reshjeve të shumta të borës, erërave të forta dhe rrezikshmërisë që mund të hasin nxënësit gjatë udhëtimit për në shkollë, drejtoria e arsimit në Dragash ka marrë vendim që nesër me datë 06.02.2020 të pezullohet mësimi. Dita e humbur do të zëvendësohet në një ditë të shtunë.
Mësimi i rregullt vazhdon të premten me datë 07.02.2020.
Me respekt
Drejtori i Arsimit në Dragash
MSc. Vloran Cenaj
