“Nëse nuk mund të luash, nuk mund të luash. Majft!”, ky është mesazhi i Urbano Cairo, presidentit të Torino, i cili qartazi shprehet se nëse kampionati nuk vazhdon i plotë për të mbrojtur shëndetin e njerëzve, atëherë nuk do kishte kuptim të luheshin playoff dhe playout.
Edhe pse presidenti i FIGC, Gabriele Gravina, pranoi ditë më parë se po e marrin parasysh këtë opsion, klubet kanë dalë kundër. Arsyet për këtë janë të shumta dhe normalisht paratë janë ato që kanë ndikimin e madh.
SKY, DAZN dhe IMG nuk janë të gatshëm të paguajnë këstin e plotë për të drejtën televizive dhe kjo është e drejtë, duke parë që numri i ndeshjeve që do të transmetojnë do të jetë më i vogël. Kështu, kësti i gjashtë për klubet do të ishte më i vogël.
Në kushtet aktuale, çdo qindarkë nga e drejta televizive është shumë e vlefshme për klubet. Në lidhje me playoff dhe playout ka mbajtur një qëndrim edhe Giovanni Malago, presidenti i CONI, i cili thekson se takimet o të luhen të gjitha, ose të ndërpritet gjithçka.
