6.8 C
Prizren
E martë, 19 Mars, 2024

Serie A po kthehet, zbulohen datat

Garat kampionale në Serie A të Italisë nuk do të anulohen dhe se institucionet shtetërore e kanë paralajmëruar rifillimin e tyre qysh në muajin që po vjen.

Është qeveria italiane ajo e cila i ka hequr dyshimet rreth mundësisë së anulimit të kampionatit të ndërprerë nga koronavirusi, i cili në Itali ka shkaktuar rreth 15 mijë viktima, shkruan Gazeta Express.

Italia po bën përpjekje ta mposht pandeminë dhe rifillimi i futbollit do të konsiderohej si shenjë triumfi.

Të enjten do të mbahet një samit ndërmjet qeverisë, shëndetësisë dhe futbollit kur pritet të vendoset edhe data e rifillimit të kampionatit.

Madje, ministri italian i sportit, Vincenzo Spadafora, i ka përmendur dy datat opsionale të rifillimit të kampionatit.

“Dy datat e mundshme për rifillimin e kampionatit janë 13 dhe 20 qershori. Më 28 maj e kam thirrur një takim për të vlerësuar së bashku datën e rifillimit. Pra, duam të vendosim së bashku nëse kampionati duhet të rifillojë dhe datën se kur mund të rifilloj”, ka deklaruar ministri, transmeton Gazeta Express.

Ai ka treguar se e ka marrë një protokoll nga federata italiane dhe liga rreth asaj se kur duhet të rifillojë kampionati, kur duhet përfundoj dhe si duhet menaxhuar me situatën duke aplikuar masa mbrojtëse nga koronavirusi.

Ndeshjet planifikohen të zhvillohen pa shikues, kurse të gjithë personat zyrtarë, futbollistë e trajnerë paraprakisht duhet t’iu nënshtrohen testimeve.

Më Shumë

Nënkryetari i Rahovecit monitoroi procesin e aplikimit të fermerëve për pagesa direkte/subvencione për vitin 2024

Nënkryetari i Komunës së Rahovecit, Fatmir Iska, i shoqëruar nga shefi i kabinetit të kryetarit, Ali Morina, ka vizituar zyrat e Drejtorisë së Bujqësisë,...

Prizren/ Gjeti në rrugë kuletën me mbi 500 euro, qytetari e dorëzon atë në polici

Një qytetar në Prizren ka dorëzuar në polici shumën prej 500 euro. Policia njofton se qytetari kishte gjetur paratë dhe më pas i ka dorëzuar...

Lajmet e Fundit