Kryetari i degës së LDK-së në Prizren, Driton Selmanaj, zhvilloi sot një takim me grupin e këshilltarëve komunalë të partisë së tij, ku u diskutua rreth agjendës së Kuvendit Komunal dhe koordinimit të veprimeve për periudhën në vijim.

Selmanaj theksoi rëndësinë e përkushtimit dhe punës së palodhur të grupit të tyre kuvendar, duke vënë në dukje se numri i anëtarëve të LDK-së në Kuvend është rritur nga gjashtë në tetë gjatë dy viteve të fundit.

“Puna dhe përkushtimi serioz i yni ka bërë që grupi ynë kuvendar të rritet nga gjashtë sa ishte para dy vitesh, në tetë anëtarë të Kuvendit Komunal, gjë që reflekton besimin në rritje dhe angazhimin serioz të LDK-së në nivel lokal”, tha ai.

Gjatë takimit u diskutua për prioritetet e qytetarëve, sfidat aktuale dhe hapat që do të ndërmerren për të qenë zëri i tyre në institucionet lokale.

“Diskutuam për prioritetet e qytetarëve, sfidat aktuale dhe hapat që do t’i ndërmarrim për të qenë zëri i tyre”, tregon Selmanaj.

Po ashtu, u dakorduan për një mobilizim të shtuar në të gjitha proceset e ardhshme, me fokus të vazhdueshëm tek interesi publik dhe zhvillimi i komunës së Prizrenit.

“Po ashtu, u dakorduam për një mobilizim të shtuar për të gjitha proceset që na presin, duke pasur gjithmonë në fokus interesin publik dhe zhvillimin e komunës sonë”.

“LDK në Prizren vazhdon të jetë e përkushtuar në ndërtimin e institucioneve transparente, efikase dhe përgjegjëse ndaj qytetarëve, duke ruajtur besimin e tyre dhe duke forcuar angazhimin në nivel lokal”./PP/

Kompania Rajonale e Ujësjellësit “Hidroregjioni Jugor” në Prizren ka njoftuar konsumatorët për ndërprerjen e përkohshme të furnizimit me ujë në disa lagje e rrugë për shkak të dëmtimit të një gypi furnizues, si pasojë e shembjes së dheut gjatë punimeve për ndërtimin e rrugës Prizren-Tetovë.

“Për shkak të një shembjeje dheu në trasenë ku po kryhen punimet për ndërtimin e rrugës Prizren–Tetovë, është dëmtuar gypi furnizues Ø160 mm që lidh burimin “Cvilen” me rezervuarin e Tusuzit. Si pasojë, ka ndërprerje të furnizimit me ujë të pijshëm dhe rënie të presionit në këto zona: Rr. Sefedin Laçi (pjesërisht); Lagjja Hoça Mahalla (zona e sipërme); Rr. Alajdin Xhezairi; Rr. Rugova; Rr. Astrit Poniku; Rr. Ramadan Zaskoci; Rr. Beran Gashi; Rr. Nora Kelmendi (zona e sipërme); Rr. Dokleatet; Rr. Justin Rrota; Zona mbi rezervuarin “Tusuz””, thuhet në njoftimin e KRU “Hidroregjioni Jugor”.

Zyra Komunale për Komunitete dhe Kthim ka njoftuar se edhe sivjet do të subvencionojë familjet skamnore nga radhët e komuniteteve jo-shumicë të Komunës së Prizrenit me nga 3 metra kub dru për ngrohje.

Përmes thirrjes publike, të publikuar nga Komuna e Prizrenit, janë ftuar të gjithë të interesuarit që të aplikojnë për përfitim të këtij subvencioni.

“Dokumentet e nevojshme për aplikim janë si në vijim: Kërkesa e palës (mund të merret në Zyrën për Komunitete dhe Kthim); Dokumenti valid i identifikimit i Republikës së Kosovës (kopje); Certifikata e bashkësisë familjare (Origjinal); Vërtetim nga zyra e punësimit për të rriturit mbi 18 vjeç (Origjinal); Vendimi i pensionit invalidor ose e pensionit me aftësi të kufizuara (kopje); Raport nga mjeku me diagnozë, për të sëmurin në familje (për sëmundje të rënda kronike jo më i vjetër së gjashtë muaj – kopje); Vërtetimi ose kontrata se është i punësuar nga punëdhënësi; Dëshmi që vërteton se është nënë vetushqyese / baba vetushqyes”, thuhet në njoftim.

Sipas këtij njoftimi, thirrja publike për këtë subvencion do të jetë e hapur prej datës 27 maj 2025 deri më 27 qershor 2025.

Deputeti i LDK-së, Anton Quni, ka thënë se zyrtarë të LVV-së dhe ndërmjetës të kësaj partie, po i kontaktojnë deputetët e LDK-së.

Quni tha se edhe ai vetë është kontaktuar nga këta eksponentë.

“Kontaktohen të gjithë deputetët në forma të ndryshme, kontaktohem edhe unë. Kontaktohemi nga zyrtarët e LVV-së dhe nga ndërmjetësit e tyre”, u shpreh Quni.

Deputeti i LDK-së tha se janë dy deputete të grupit parlamentar të partisë së Abdixhikut te të cilat fokusi është më i veçantë. “Është fakt se dy deputetet e LDK-së janë në fokus të veçantë të interesimit të autoriteteve të LVV-së”, deklaroi Quni.

Ai tha se format e presionit janë të ndryshme, e ndër to janë edhe ofrimi i benefiteve të ndryshme për bizneset e tyre familjare.

Ndër të tjera, Quni tha se “zgjidhja në këto rrethana është dakordimi për qeveri gjithëpërfshirëse për një kohë të caktuar me agjendë dhe plan të saktë. Prandaj ne, nga LDK, gjithnjë do të insistohet në racionalitet, respekt reciprok dhe gjuhë të përbashkët për ndërtimin dhe funksionalizimin e institucioneve të Kosovës”, tha deputeti i zgjedhur i LDK-së, Anton Quni. /Klankosova.tV

Marketing

Komuna e Rahovecit ka nisur zyrtarisht punimet në rrugën “Halil Hamza”, një projekt që përfshin asfaltimin e rrugës, ndërtimin e kanalizimit si dhe instalimet tjera nëntokësore, të cilat janë jetike për mirëqenien dhe sigurinë e banorëve të kësaj zone.

Nisjen e këtyre punimeve e ka bërë të ditur nënkryetari i komunës së Rahovecit, Fatmir Iska, i cili në njoftimin e postuar në profilin e tij në Facebook ka cekur se ky është një investim i rëndësishëm për banorët e komunës së Rahovecit.

“Me përkushtim dhe vizion për zhvillim, kanë nisur punimet për ndërtimin e rrugës, kanalizimit dhe instalimeve të tjera nëntokësore në rrugën “Halil Hamza”, në Rahovec, një investim ky tejet i rëndësishëm për komunitetin tonë.”, u shpreh Iska.

Ky investim i rëndësishëm është pjesë e një plani më të gjerë për zhvillim infrastrukturor dhe urban të komunës së Rahovecit, dhe synon jo vetëm lehtësimin e qarkullimit dhe rritjen e sigurisë rrugore, por edhe përmirësimin e kushteve të jetesës për qytetarët e kësaj komune./Telegrafi/

Ministria e Arsimit, Shkencës, Teknologjisë dhe Inovacionit (MAShTI), njofton maturantët se, nga sot, 27 maj 2025, do të fillojë aplikimi për Provimin e Maturës Shtetërore.

MASHTI njofton se aplikimi bëhet përmes platformës e-Kosova dhe do të zgjasë deri më 10 qershor 2025, ndërsa aprovimi i aplikimeve nga koordinatorët e shkollave do të bëhet nga 01 deri më 11 qershor 2025.

Testi do të zhvillohet në një ditë të vetme dhe do të përfshijë katër lëndë: Gjuhë Shqipe, Gjuhë Angleze, Matematikë dhe një lëndë me zgjedhje. Secila lëndë do të ketë nga 25 pyetje, me gjithsej 100 pyetje”, thuhet në njoftim.

Ka dështuar për herë të 22-të përpjekja për konstituim e legjislaturës së nëntë të Kuvendit të Kosovës.

Edhe kësaj radhe nuk pati kuorum të mjaftueshëm për formimin e komisionit për votim të fshehtë. 54 deputetë votuan pro, një kundër dhe nuk pati abstenim, teksa deputetët e tjerë nuk morën fare pjesë në votim. Kësisoj, kryesuesi i seancës Avni Dehari njoftoi se seanca ndërpritet për të vazhduar të enjten me fillim prej orës 11:00.

====

Kuvendi në aktin e 22-të: Zgjidhje apo përsëritje

Kuvendi i Kosovës do të mblidhet sërish sot në përpjekje për t’u konstituuar, në seancën që është thirrur për orën 11:00.

Kjo është seanca e 22-të me radhë që mbahet pas 21 përpjekjeve të dështuara.

Për shumë herë me radhë tashmë, brenda parlamentit tentohet të votohet kandidatja e LVV-së, Albulena Haxhiu për kryetare të Kuvendit.

Kjo nuk po realizohet pasi deputetët nuk po pranojnë të votojnë me komision të fshehtë por edhe nuk janë të pajtimit me emrin e kandidates pasi për shumë prej tyre, ajo nuk është kandidate unifikuese./Klankosova.tv.

Marketing