Ministrja në dorëheqje e Drejtësisë, Albulena Haxhiu, ka reaguar për krimin që ndodhi në një familje turke që po qëndronte në Prizren tash e gjashtë muaj.

Atje dyshohet që babai theri për vdekje vajzën e tij 15-vjeçare, ndërsa ka plagosur vajzën tjetër 10-vjeçare dhe gruan e tij.

Haxhiu tha se ky akt i tmerrshëm përbën një krim që duhet të dënohet maksimalisht.

“Me pikëllim të thellë morëm lajmin për ngjarjen e rëndë që ndodhi sot në Prizren, ku një shtetas turk me banim të përkohshëm në Republikën e Kosovës vrau vajzën e tij të mitur dhe plagosi rëndë vajzën tjetër 11-vjeçare. Ky akt i tmerrshëm i dhunës në familje është i papranueshëm dhe përbën një krim që duhet të dënohet maksimalisht. Në emrin tim personal dhe si Koordinatore Kombëtare për Mbrojtje nga Dhuna në Familje, shpreh ngushëllimet më të sinqerta për familjarët e vajzës së ndjerë dhe solidarizohem me qytetarët që me të drejtë ndjejnë zemërim dhe trishtim përballë këtij akti kriminal. Uroj shërim të shpejtë për vajzën që po merr trajtim mjekësor dhe përkujdesje të vazhdueshme për të kaluar këtë traumë të rëndë”.

Haxhiu shtoi se “dhuna, në çdo formë të saj, është e patolerueshme”.

“Fëmijët janë e ardhmja jonë dhe kanë të drejtën e patjetërsueshme të rriten të sigurt, të dashur dhe të mbrojtur dhe askush nuk ka të drejtë t’ua mohojë këtë të drejtë themelore. Institucionet përgjegjëse janë duke trajtuar rastin me prioritet të lartë”.

Një rast i dëmtimit të varrezave ka ndodhur pasditen e së hënës në Rahovec.

Në raportin 24 orësh të policisë bëhet e ditur se lidhur me rastin është informuar edhe prokurori.

Policia ka dalë në vendin e ngjarjes dhe është duke e hetuar rastin.

Një vrasje e rëndë ka ndodhur sot brenda një familje në Prizren.

Një burrë, M.Gorenc, 45 vjeçar dyshohet se e ka vrarë me thikë vajzën e tij 15 vjeçare, S.Gorenc.

Lëndime trupore kanë pësuar edhe vajza tjetër e moshë 10-vjeçare si dhe vet i dyshuari.

Për gjendjen e tyre shëndetësore për Klankosova.tv ka folur Afrim Jahaj, specialist i Qendres Emergjente.

“Rreth orës 06:15, është pranuar vajza, me plagë në regjionin e qafës. Ajo është trajtuar në ORL dhe më pas është transferuar për trajtim të mëtutjeshëm në QKUK në Prishtinë. Rreth orës 06:30 është pranuar edhe burri, i cili dyshohet se e ka shkaktuar ngjarjen e rëndë. Ai ka pasur disa plagë, duket se ka tentuar ta lendojë vetën, pra të kryejë vetëvrasje. Ai është ende duke u trajtuar dhe më pas të shohim nëse do të pranohet në klinikë apo edhe do të lirohet”, deklaroi ai për Klankosova.tv.

Jahaj theksoi se në Qendren Emergjente, është pranuar edhe gruaja e të dyshuarit.

“Ajo nuk ka lëndime trupore, veçse është e tronditur nga ngjarje e rëndë”, theksoi ai.

Një vrasje e rëndë ka ndodhur sot në Prizren.

M. Gorenc, dyshohet se e ka vrarë me thikë vajzën e tij 15 vjeçare S.Gorenc.

Plagë nga thika ka marrë edhe vajza tjetër e të dyshuarit, e cila është dërguar për trajtim në Qendren Emergjente në QKUK.

Lidhur me gjendjen e saj shëndetësore, për Klankosova.tv ka folur drejtori i QE-së, Naser Syla.

Syla tha se gjendja e saj është stabile.

“Duke u trajtuar është tek ne. Ta shohim pas ekzaminimeve ku do ta dërgojmë. Sipas të gjitha gjasave në ORL do të shkojë”, tha Syla

Ka vdekur sot në mëngjes  Kaqusha Jashari, një aktiviste në jetën politike në Kosovë e njohur për angazhimin e saj në mbrojtjen e të drejtave të njeriut.

Kjo u bë e ditur edhe nga vajzat e saj Nora dhe Teuta Jashari në rrjetin social social në Facebook.

Sipas njoftimit varrimi do të bëhet sot me datë 06.05.2025 nga ora 13:00 në varrezat e qytetit në Prishtinë.

Stërnipi i heroit kombëtar Gjergj Kastrioti – Skënderbeut, Loris Kastrioti, është nderuar sot me mirënjohje nga Komuna e Malishevës.

Kryetari i kësaj komune, Ekrem Kastrati, priti në takim Kastriotin dhe i ndau një mirënjohje institucionale në shenjë respekti për trashëgiminë historike të familjes së tij.

“Në vlerësim dhe me mirënjohje institucionale për rolin dhe kontributin historik të Gjergj Kastriotit – Skënderbeu dhe familjes së tij në mbrojtjen e Shqipërisë dhe vlerave kombëtare të popullit shqiptar”, thuhet në mirënjohjes.

Në këtë takim morën pjesë edhe përfaqësues të Komunës së Malishevës, si dhe Qëndrim Kryeziu, pronar i Korporatës Kryeziu, i cili një ditë më parë mirëpriti Loris Kastriotin në Aeroportin Ndërkombëtar “Adem Jashari”, shkruan TV Malisheva.