Një grua në Suharekë ka raportuar se burri i saj, shtetas i huaj është larguar nga shtëpia dhe sipas tij, nuk dihet vendndodhja e tij.
Në raportin 24 orësh të policisë bëhet e ditur se ky rast është duke u hetuar.
“Ankuesja kosovare ka raportuar se bashkëshorti i saj shtetas i huaj, me datën e cekur ka dalë nga shtëpia dhe nuk dihet vendndodhja e tij. Rasti është duke u hetuar”, thuhet tutje në raport.
Seancat e Gjykatës Speciale, do të fillojnë të martën, kurse gjatë javës janë paraparë të mbahen katër seanca në rastin ‘Shala’.
Gjatë pushimit kur nuk janë mbajtur seanca gjyqësore dhe disa nga shërbimet jothelbësore kanë qenë në minimum.
Megjithatë, gjykata ka mbetur plotësisht funksionale dhe puna ka vazhduar në të gjitha seksionet e DHSK-së. Gjatë pushimit kanë mund të paraqiten parashtrime dhe përveç nëse gjykatësit kanë urdhëruar ndryshe, afatet gjyqësore vazhdojnë të jenë në fuqi, raporton RTKlive.
Ndërsa në rastin gjyqësore ‘Hashim Thaçi dhe të tjerët’, seancat do të fillojnë më 15 janar.
Gjatë muajit janar sipas kalendarit të Dhomave të Specializuar, do të jenë në tërësi 16 seanca gjyqësore, në dy rastet gjyqësore Hashim Thaçi dhe të tjerët’ dhe ‘Shala’.
Ylli ka shënuar fitore ndaj Istogut me rezultat 84:64 (25:17, 17:11, 19:18, 23:18), në javën e 16-të të Superligës.
Vendasit e nisën ndeshjen më mirë dhe krijuan në epërsi prej 12 pikësh në fillim, 17:5, derisa çerekun e parë e fituan 25:17. Therandasit vazhduan me lojë të mirë edhe në periudhën e dytë, ku ngritën më shumë epërsinë, që shkoi deri në 15 pikë, 40:25, ndërsa në pushim shkuan me shifrat 42:28.
Por, istogasit nuk u dorëzuan dhe në periodën e tretë rikthehen për të afruar shifrat në 48:41, por sidoqoftë ish-kampionët shkëputën sërish, ku rezultati pas 30 minutash ishte 61:46. Në dhjetëminutëshin e fundit, nuk kishte ndonjë ndryshim dhe Ylli triumfoi me 20 pikë dallim, 84:64.
Te vendasit më të mirët ishin Jalen Nesbitt me 23 pikë e 13 kërcime, Jan Palokaj me 14 pikë e dhjetë kërcime dhe Chris Harris me 13 pikë e nëntë kërcime, kurse te mysafirët u dalluan Tyres Prince me 16 pikë e 14 kërcime dhe Desmond Halloway me 17 pikë e tetë kërcime.
Golden Eagle Ylli ka dhjetë fitore e gjashtë humbje, ndërsa Istogu një fitore e 15 humbje.
Në një ndeshje mjaft të fortë, Peja ka shënuar fitore përballë Proton Cable Prizreni.
Në “Sezai Surroi”, skuadra pejane triumfoi me rezultat 93:111.
Mysafirët dominuan thuajse në të gjithë çerekët (19:32, 30:36, 31:17, 13:26).
Basketbollisti më i daluuar tek skuadra nga Prizreni ishte Cockfield me 19 pikë, pesë kërcime dhe gjashtë asistime.
Derisa tek “Shqiponjat” u dalluan dy basketbollistë, Justin Davis me 30 pikë e 12 kërcime dhe Sadio Doucoure me 18 pikë e tetë kërcime.
Peja aktualisht gjendet në vendin e dytë të Prince Caffe Superligës me 28 pikë.
Ndërkaq, Proton Cable Prizreni, është në të shtatin me 21 pikë.
Opozita deklaron se nuk janë të njoftuar se deri ku ka mbërritur një projekt i tillë, ndërkohë kryetari i Prizrenit shpreson që deri në pranverë, të ketë një projekt të detajuar nga agjencia qeveritare e Zvicrës “Sëis Contact”.
Në kalanë e Prizrenit, ata që mund të ngjiten deri atje, mund të marrin informacione historike që nga koha e neolitit. Por ata që nuk mund të ecin, mundësinë e vetme e kanë që kalanë ta shikojnë nga poshtë.
Komuna kishte premtuar ndërtimin e një teleferiku për bartjen e vizitorëve, për t`u ofruar qasje të gjithëve që ta shohin kalanë dhe nga atje Prizrenin, por pakkush ka informacion se çfarë ndodhi me këtë plan. Madje as kuvendarët opozitarë nuk kanë informacion për fatin e projektit.
“Na është thënë se është duke u bërë plani i fizibilitetit, janë duke punuar ekspertët për gjetjen e formës se si do të implementohet ky projekt. Megjithatë shkuan dy vite qeverisje dhe nuk ka asnjë lëvizje drejt realizimit të këtij projekti”, tha Haziz Hodaj nga LDK.
Kurse, Karanfil Haxhillari nga Vetëvendosje thekson se si kuvendarë i Komunës së Prizrenit, nuk ka parë ndonjë projekt ideor apo para-projekt për teleferikun.
Ndërtimi i teleferikut mirëpritet nga ata që kanë detyrë të merren me kalanë e Prizrenit sikurse menaxheri i saj, arkeologu Shafi Gashi.
” Shpresoj në një debat konstruktiv se si do të implementohet ky projekt, sepse duhet parë maksimumi që të ketë qasje kalaja, por jo qasje të tillë që e dëmton monumentin”, tha ai.
Për këtë projekt është pyetur edhe kryetari i Prizrenit, Shaqir Totaj. Ai thotë se në fillim të vitit 2023 u nënshkrua marrëveshje trepalëshe mes komunës, agjencisë qeveritare zvicerane Sëis contakt dhe Ministrisë së infrastrukturës.
“Në emelin e fundit që e kam marrë nga kjo agjenci më kanë tregu për pengesat objektive që e pamundësuan realizimin e këtij projekti. Më kanë tregu për bashkëpunimin e mirë të infrastrukturës rreth ndarjes së mjeteve, që plani detal implementues të finalizohet. Unë pres që, në pranverë ta kemi atë plan implementues, pastaj pjesa tjetër do të varet nga alokimi i mjeteve nga ministria dhe procedurat tenderuese”, tha ai.
Kështu, shpresat për ndërtim e shpejt të teleferikut duken shumë të vogla. Në bazë të propozimeve të deritanishme, ishte parashikuar që teleferiku të vendoset në pjesën e pasme të kalasë së Prizrenit, pa dëmtuar zonën e mbrojtur të qytetit.RTK
Një rast i grabitjes ka ndodhur sot rreth orës 11:00 në rrugën “Xhavit Bajraktari” në Prizren.
Një person i maskuar dhe nën kërcënimin e thikës ka arritur që viktimës, burrë i moshuar (rreth 94 vjeçar) që t’ia marrë 140 euro.
Rastin për Klankosova.tv e konfirmuar edhe zëdhënësi i policisë për rajonin e Prizrenit, Vesel Gashi.
Gashi tha se në momentin e grabitjes viktima ka qenë i vetëm në shtëpi.
“Hetimet po zhvillohen nga stacioni policor dhe hetuesit rajonal në Prizren”, tha Gashi.
Ai theksoi se i moshuar nuk ka pësuar ndonjë lëndim nga ky rast.
Gjatë 24 orëve të kaluara janë evidentuar gjithsej 55 aksidente, ku 34 shoferëve u janë konfiskuar patentë shoferi per shkelje të ndryshme të rregullave në trafik.
E pas kësaj, policia ka apeluar të gjithë pjesëmarrësit tjerë në trafik që të jenë vigjilent dhe gjatë pjesëmarrjes në rrugë të respektojnë dispozitat ligjore.
“Siguria në trafikun rrugor është prioritet për të gjithë, respektoni shenjat e trafikut për një siguri më të madhe rrugore Gjatë 24 orëve të kaluara janë evidentuar gjithsej 55 aksidente në trafikun rrugor, Policia e Kosovës me zyrtarët e saj janë duke kryer aktivitete në teren me qëllim që të parandalohen aksidentet rrugore, por edhe janë duke ndërmarr masa ndëshkuese ndaj atyre personave që nuk respektojnë rregullat dhe shenjat në trafik”.
“Gjatë 24 orëve të kaluara në këtë fushëveprim në nivel vendi janë realizuar 545 pika kontrolli të automjeteve, përderisa 34 shoferëve iu janë konfiskuar patentë shoferi per shkelje të ndryshme të rregullave në trafik. Apelojmë tek të gjithë shoferët, por edhe pjesëmarrësit tjerë në trafik që të jenë vigjilent dhe gjatë pjesëmarrjes në rrugë të respektojnë dispozitat ligjore që burojnë nga ligji mbi trafikun rrugor, në mënyrë që secili të kontribuon në zvogëlimin e statistikave të aksidenteve rrugore”, thuhet në njoftimin e policisë.
Sipas Instituti Hidrometeorologjik i Kosovës parashihen dhe dy episode me temperatura tipike dimërore. Java e fundit e janarit sërish parashihet me temperatura mbi vlerat e mesatareve. Temperatura dimërore parashihen në mesin e shkurtit dhe dekada e parë e muajit mars gjithashtu parashihet me temperatura tipike dimërore.
Parashihen ngrica dhe mjegull në ultësira dhe vise të larta, duke e vështirësuar qarkullimin normal të komunikacionit. Kujdes i shtuar për të gjithë pjesëmarrësit në komunikacion.
Të hënën do të jetë mot kryesisht i vranët dhe vende-vende me reshje shiu të cilat në pjesën e dytë të ditës parashihen të shndërrohen në borë. Gjithashtu shënohen edhe rënie të ndjeshme të temperaturave. Minimalet parashihen të lëvizin ndërmjet -3 deri -1 gradë celsius, ndërsa maksimalet e ditës parashihen të lëvizin ndërmjet 1-4 gradë Celsius.
Ditën e martë moti do të jetë kryesisht i vranët dhe vende-vende me fjolla bore. Temperaturat minimale do të lëvizin ndërmjet -3 deri -1 gradë Celsius, ndërsa maksimalet e ditës parashihen të lëvizin ndërmjet -1 deri 1 gradë Celsius.
Të mërkurën do të majë mot me vranësira dhe intervale me diell, por i ftohët. Temperaturat minimale do të lëvizin ndërmjet -6 deri -3 gradë Celsius, ndërsa maksimalet e ditës parashihen të lëvizin ndërmjet -2 deri 0 gradë celsius.
Ditën e enjte do të jetë mot kryesisht i ngjashëm me ditën e mërkurë por me temperatura për 2-3 gradë më ulët në vlerat e minimaleve. Temperaturat minimale do të lëvizin ndërmjet -8 deri -6 gradë celsius, ndërsa maksimalet e ditës parashihen të lëvizin ndërmjet -2 deri 2 gradë Celsius.
Të premten do të mbajë mot i vranët dhe me intervale me diell. Vranësirat vende-vende mund të sjellin fjolla të dobëta bore, kryesisht në viset e larta. Temperaturat parashihen të jenë afërsisht të ngjashme me të ditës së enjte, si minimalet , ashtu dhe ato maksimalet.
Ish-ushtari i Ushtrisë Çlirimtare të Kosovës, Hasan Dakaj është arrestuar mëngjesin e së premtes nga autoritetet e Serbisë në pikëkalimin kufitar në Merdarë.
Avokati i tij, Xhevdet Smakiqi, ka thënë se informatat e fundit që i ka janë se tashmë Dakaj është dërguar nga Qendra e Ndalimit në Kushumli në Qendrën Kryesore të Paraburgimit në Beograd, në rrugën Bacvanska.
“Informatat e fundit per rastin e arrestimit e Hasan Dakaj qe i kam marrur janë se tashmë Ztr. Hasan Dakaj është dërguar nga Qendra e Ndalimit ne Kushumli ne Qendren Kryesore te Paraburgimit ne Beograd ne rrugen Baçvanska.”
Sipas Smakiqit, Prokuroria e Serbisë pretendon se ai në vitin 1999 ka kryer krime lufte.
“Pjestari i UÇK-se Hasan Dakaj pretendohet nga Prokuroria serbe se kinse ai ne vitin 1999 ka kryer krime lufte si 19 vjeçar. Sipas detyres zyrtare Hasan Dakaj i është caktuar një avokat nga Serbia, ku ne intervistimin para prokurorit serb Hasan Dakaj është deklaruar i pafajeshem edhe per faktin se fare nuk ka qenë në ato lokacione sipas dyshimeve te prokurorise se serbise dhe se është ngatrruar ne identitet me dikend tjetër.
Smakiqi ka bërë të ditur se të martën do të mbahet seanca dëgjimore lidhur me kërkesën për caktimin e masës së paraburgimit.
“Te Marten 2024 pritet dhe nje seance degjimore per te shqyrtuar kerkesen e Prokurorise serbe lidhur me masen e paraburgimit. Ne cilësinë e avokatit te Familjes Dakaj jamë në kontakt orë pas ore me te ngarkuarin ne Zyren Nderlidhëse te Kosoves në Beograd dipomatin Jetish Jasharin dhe e falenderoi per qasjen profsionale. Por duke qenë se arrestimi i Hasan Dakaj është ndalim politik për te iu hakmarrur pjestareve te UÇK-së për arrjtjen e pavarësisë dhe qe mos ti lejojë ta gezojnë liberalizimin e vizave kategoria qe ka kontribuar për këtë ditë përbën çështje poltike dhe fare pak juridike.”
Ai i ka bërë thirrje kryeministrit Kurti, ministers Gërvalla dhe diplomatëve që të bëjnë presion që Dakaj të lirohet sa më shpejtë.
“Prandaj i bëjë thirrje Kryeministrit, Minstres Gervalla dhe secilit diplomatë te bëjë presionin adekuat diplomatik e politikë qe ndermjetesit e dilogut dhe ambasadat e vendeve mike te ndikojnë qe Hasan Dakaj i pafajeshem te lirohet sa me shpejtë. Kurse thirrjet e kujdoqoftë nga zyrtaret e shtetit te Kosoves qofshin dhe diplomatë te Kosoves qe qytetaret e Kosoves te mos levizin neper territorin e Serbisë janë tërsishtë jo profesionale dhe legjitojnë arrestimet poltike te kundërligjshme. Liberalizimi levizja e lirë nuk është parciale as selektive iu takon secilit shtetas te Republikes se Kosoves edhe ish pjestarëve te UÇK-se.”
Sahit F. Osmani
Dita e sotit në pasqyrën e kalendarit historik,
17 Kallnori i Motit të Madh
Kishte ethe, koha bënte të ftohtë,
nga ethet thonë, vdiq Kryetrimi arbëror.
Dita e sotit në pasqyrën e kalendarit historik,
të Motit të trishtë më 17 në muajin janar.
Kishte tradhëti, koha bënte acar,
ngriu heronjtë me plumba tradhëtar.
Dita e sotit, si sot i thërriste lirisë,
ditës që vjen, të rilindë mrekullitë.
Në agim me shkëlqimin e diellit,
të përflakë përgjithmonë pabesitë.
Sot, në pasqyrën e kalendarit historik
dita e shënuar me gjak shton pasuritë.
Dhimbshëm, kujtimet shpirtin përtërijnë.
Në janarin diellor, duke mposhtur tradhëtitë.