Në seancën e jashtëzakonshme të Kuvendit të Kosovës ku po diskutohet çmimi aktual i energjisë elektrike, ministrja e Ekonomisë, Artane Rizvanolli, ka fajësuar partitë opozitare, në këtë rast politikat e Partisë Demokratike dhe Lidhjes Demokratike ato të cilët kanë përkeqësuar situatën me energji elektrike në Kosovë.

Sipas saj në vitin 2017 PDK dhe LDK kanë ndërhyrë në Zyrë e Rregullatorit të Energjisë Elektrike duke detyruar këtë institucion ta largojë bllok-tarifën.

“Me largimin e bllok-tarifës 80 për qind e familjeve kanë pasur rritje të faturave të energjisë elektrike ndërsa pjesa tjetër që kanë shpenzuar më shumë energji elektrike, vetëm ata kanë pasur ulje”.

“Eli –Edona”, mobilieria me oferta më të mira në Prizren

Është kjo heqje e bllokut tarifor, sipas Rizvanollit, e cila ka sjellë situatën deri tek eksplodimi i kërkesës për energji elektrike në masa jo normale.

“Një gjë e tillë edhe pa nxitje të efiçiencës së energjisë na ka bërë përballjen me krizën shumë më të vështirë sesa që ka qenë e nevojshme ta kemi”.

Ndryshe deputeti i PDK-së, Ferat Shala, në seancën në Kuvend të Kosovës ku po debatohet për energjinë, ka propozuar rezolutën për ulje të çmimit të energjisë dhe ka kërkuar heqjen e blloktarifave.

Ai ka thënë se ky dokument është hartuar në koordinim edhe me deputetët e LDK-së dhe AAK-së.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit. /Albanianpost.com

Arbër Rexhaj, deputet i VV-së, ka pasur shumë kritika ndaj opizitës kosovare. Në një intervistë për Reporteri, ai ka theksuar se opozita është munduar të ndalojë secilën reform.

Madje, ai e akuzoi opozitën se këtë është munduar ta bëjë duke iu drejtuar Gjykatës Kushtetuese.

“Eli –Edona”, mobilieria me oferta më të mira në Prizren

“Partitë opozitare janë munduar secilën reformë ta ndalojnë duke e dërguar kështu në Gjykatën Kushtetuese. Qëllimi i tyre është i qartë ata duan të ndalojnë qeverisjen e mirë dhe nuk duan që në Kosovë të krijohet bindja se këtu mundesh me qenë në Qeveri, pa korrupsion, pa hajni, me zhvillim ekonomik dhe me drejtësi të pavarur. Këta pak a shumë duan të dëshmojnë përmes përpjekjeve të tilla të thonë se të gjithë jemi njësoj. Por, jo, nuk jemi.” – deklaroi Rexhaj.

Banesa në shitje nga Renelual Tahiri  

Ish-shefi i Misionit Vëzhgues të OSBE-së në Kosovë gjatë luftës, William Walker tha se për ish-drejtorin politik të UÇK-së, Hashim Thaçin, kishte thënë gjëra “goxha të këqija” gjatë kohës sa ai ishte president.

Walker në T7, ku tregoi një ngjarje në javët e fundit të presidencës së Thaçit, ku ia kishte shprehur pendimin e tij. Aty, diplomati amerikan tha se e ndryshoi përceprimin për Thaçin.

“Deri kur u bë president, unë pata raport të njëjtë me të, siç kisha me Ramushin ose me të tjerët politikanë, si Limaj… përmendni ju. Ai ishte dikush që e vizitoja pothuaj sa herë që vija këtu. Gjatë pjesës më të madhe të presidencës së tij, kam qenë kritik ndaj Hashim Thaçit. Shpesh disa gjëra që i kam thënë, kur i shikoj mbrapa, ishin goxha të këqija për Hashim Thaçin, kryesisht për qeverinë e asaj kohe. Gjatë javëve të fundit të presidencës së tij, unë isha këtu dhe ishte shtruar një darkë për nder timin nga vetë ai dhe nga Behgjet Pacolli. Ishte një numër i madh njerëzish dhe në fund të darkës sikur u ndjeva disi i qetë dhe u ngrita dhe thashë disa fjalë, e shikova presidentin Thaçi dhe i thashë: tash pendohem që kam thënë shumë gjëra negative për ty dhe disa prej tyre shpresoj të mos i kesh marrë si personale. Nuk e dija se si do të përgjigjej. Ai u ngrit dhe tha disa gjëra shumë, shumë të bukura. Ai tha se i kujtohen shumë nga këto gjëra që ia kisha thënë, por kurrë nuk i kam marrë si kritika personale. Gjithmonë i kam marrë ato si përpjekje tuaja për të më bërë mua dhe Kosovën një vend më të mirë. Dhe nuk ka ndjenja të vështira. Aty e ndryshova perceptimin tim për Hashim Thaçin”, tha Walker.

“Loyola-Gymnasium” në Prizren shpall konkurs për një mësimdhënës/e të gjuhës gjermane

Tash, ai tha se ndjen obligim që të kontribuojë që Thaçi dhe ish-krerët tjerë të UÇK-së të liroheshin nga ndjekja penale e Gjykatës Speciale në Hagë, ndërsa paralajmëroi se mund të paraqitet si dëshmitar i Mbrojtjes.

“Më pas, kur ai hasi në vështirësitë në të cilat ndodhet edhe tani, jo vetëm sepse ai po i nënshtrohet një ndjekjeje shumë të padrejtë në Hagë, por gjithashtu ndjehem i obliguar të përpiqem të bëj diçka të bëj gjërat më mira për të. Edhe për Kadri Veselin, edhe për Jakup Krasniqin. Mendoj se ata po trajtohen në mënyrë shumë të padrejtë nga Gjykata e Hagës. Unë jam përpjekur të bëj ç’është e mundur për t’i ndihmuar ata dhe shpresoj të paraqitem si dëshmitar mbrojtës kur prokuroria përfundimisht t’i japë fund ndjekjes penale. Ndaj, ndjej se kam qenë shumë i padrejtë ndaj tij kur ishte president, se i personalizova disa gjëra që nuk do të duhesha, dhe do të doja të kontribuoja që drejtësia të vendoset në Hagë, e cila mendoj se nuk po ndodh aktualisht”, tha Walker.

“Eli –Edona”, mobilieria me oferta më të mira në Prizren

Aleanca për Ardhmërinë e Kosovës dhe Nisma Socialdemokrate kanë lidhur koalicion parazgjedhor, raporton Gazeta Sinjali.

Zyrtarizimi i koliaiconit është bërë ndërmjet Ramush Haradinajt, kryetarit të AAK-së dhe Fatmir Limajt, kryetarit të NISMA-s.

Në marrëveshjen mes dy partive, bëhet e ditur se të dyja dakordohen që të krijojnë rreshtin e përbashkët për shtetin e Kosovës, teksa bëhet e ditur se të dy partitë janë të hapura që ta zgjerojnë koalicionin.

 

 

“Të dyja partitë dakordohen që të krijojnë rreshtin e përbashkët për shtetin e Kosovës dhe përcaktohen të hapura për zgjerim të koalicionit me të gjitha ato parti politike, nisma qytetare apo shoqata që përfaqësojnë sfera të ndryshme interesi e që për synim kanë ndaljen e degradimit të shtetit, rikthimin e demokracisë si parakusht të një zhvillimi të qëndrueshëm e afatgjatë, si dhe integrimin e Kosovës në strukturat euro-atlantike, kjo në partneritet të përhershëm me aleatët strategjikë, ShBA dhe BE”, thuhet në dokumentin e marrëveshjes.

Ky nuk është koalicioni i parë i tyre. AAK dhe Nisma kishin bërë koalicion parazgjedhor edhe në prill të vitit 2016.

Bëhet fjalë për vitin 2017 deri në vitin 2019, kur Haradianaj ishte kryeministër e Limaj zëvendës i tij.