Nesër do të bëhet ndërrimi i orës kur akrepat do të kthehen 60 minuta prapa.

Ndonëse pyetjes se “a do të flemë një orë më shumë apo më pak” nuk mund t’i japim përgjigje, sepse është individuale se sa mund të fle njeriu, megjithatë kalimi në matjen dimërore të kohës nënkupton se dita shkurtohet për një orë – që do thotë se do të errësohet një orë më shpejt se më parë.

Ndryshimi i orës do të bëhet në mëngjesin mes të shtunës dhe të dielës së fundit të muajit tetor – nga ora 3:00 do të bëhet 2:00.

Matja dimërore e kohës do të qëndrojë në fuqi deri fundjavën e fundit të muajit mars, e diel 31 mars.

“Eli –Edona”, mobilieria me oferta më të mira në Prizren

Kryeministri i Shqipërisë, Edi Rama, nëpërmjet një postimi në median sociale X, thekson se nuk mund ta fshehë kënaqësinë që lidershipi i Kosovës më në fund bëri gjënë e duhur në takimin e djeshëm në Bruksel.

“Kosova është në një pozitë shumë më të mirë sot duke pranuar me mençuri propozimin e BE-së më 21 tetor – një hap shumë domethënës përpara”.

Sipas tij, është koha që edhe Serbia të bëjë të njëjtën gjë.

“Çdo gjë e pranuar dhe dakordësuar deri tani duhet të zbatohet pa vonesë. U bëj thirrje partnerëve tanë perëndimorë që të mbajnë këtë momentum dhe të shtyjnë palët drejt zgjidhjes përfundimtare”.

Për numrin një të Qeverisë duhet t’i thuhet mjaft muhabeteve të vjetra dhe të rrezikshme.

“Mjaft më me shmangien e paqes dhe ushqimin e fantazma të së kaluarës për hir të vogëlsisë së politikës së brendshme. Shikoni jo shumë larg nga këtu se çfarë u ndodh atyre që i shmangen paqes dhe angazhohen në lojëra ‘o të gjitha o asgjë’. Ne kemi nevojë për paqe, stabilitet dhe bashkëpunim në këtë lagje të Evropës”.

Ai këmbëngul se ne kemi nevojë për paqe, stabilitet dhe bashkëpunim në fqinjësinë tonë.

“Bëni paqe paj Zotin dhe shikoni përpara”, është thirrja e fundit e Ramës.

Kryeministri nuk humbi aspak kohë duke e përgëzuar publikisht homologun e tij kosovar, Albin Kurti, lidhur me pranimin e një plan-propozimi të ri evropian, sa i takon dialogut mes Kosovës dhe Serbisë – një ditë më parë

Rama shkroi se zgjidhja debllokuese e Asociacionit të Komunave me shumicë serbe përmes instrumenteve të vetë-menaxhimit si kornizë për negociatat e ardhshme.

“Ky është me të vërtetë një moment historik i rëndësishëm”, shkruan kryeministri. “Liderët e Kosovës dhe Serbisë duhet të demonstrojnë lidership dhe të punojnë ngushtë me partnerët tanë perëndimorë për zbatimin e menjëhershëm të Marrëveshjes Themelore për normalizimin e marrëdhënieve, pa vonesa të mëtejshme”.

Më tej, ai cek edhe për rajonin, ku nuk ngurron të thotë se Ballkani Perëndimor meriton paqen, stabilitetin dhe bashkëpunimin për një të ardhme të përbashkët, më të mirë, në vend të konflikteve, lojërave të fajësimit dhe pengesave që na dëmtojnë të gjithëve.

“20 minuta secili” – Kurti e Vuçiç përfundojnë takimet me Macron, Scholz e Meloni
Ashtu siç edhe ishte paralajmëruar kryeministri i Kosovës, Albin Kurti, e presidenti i Serbisë, Aleksnadër Vuçiç, në Bruksel ditën e djeshme i kanë takuar ndarazi, udhëheqësit evropianë, në margjinat e samitit të krerëve të 27 vendeve anëtare të BE-së të enjten në kryeqendrën evropiane në Bruksel.

I pari i cili takoi kancelarin gjerman, Olaf Scholz, presidenti francez, Emmanuel Macron, dhe kryeministren italiane, Giorgia Meloni, ishte kryeministri Kurti.

Takimi zgjati rreth 20 minuta.

Pas largimit të Kurtit, në sallën brenda hotelit ku u mbajt takimi, hyri presidenti Vuçiç.

Vuçiç, njëjtë si Kurti, takoi Scholz, Macron e Meloni.

Edhe takimi mes tyre zgjati rreth 20 minuta.Albanian Post

Kryetari i Aleancës për Ardhmërinë e Kosovës, Ramush Haradinaj i ka përshëndetur hapat e ndërmarrë nga kryeministri Albin Kurti të enjten në Bruksel, pasi u shpreh i gatshëm ta nënshkruajë edhe Marrëveshjen Bazë, edhe draftin e ofruar për Asociacionin.

Në seancën e sotme të Kuvendit të Kosovës, Haradinaj tha se të enjten Kosova ka bërë një hap të madh në rrugën e saj përpara.

“Dje Kosova ka bërë një hap të madh përpara. Kryeministri Kurti e ka vendos Kosovën në pozicion të duhur pas shumë gabimeve dhe pas një kohe të gjatë të humbur në dialog”, ka thënë Haradinaj.

“Besoj që edhe presidenti Macron ndihet mirë. Kosova i ka mbajtur fjalët. I ka mbajtur fjalët kryeministri Kurti. Udhërrëfyesi i Ohrit është konfirmuar dje me gatishmërinë për zbatim. Lus BE-në që të vazhdojë me liberalizimin e vizave sepse qytetarët e kanë merituar këtë me kohë”, ka thënë kreu i AAK-së.

Qëndrime të kundërta nga AAK-ja lidhur me zhvillimet në procesin dialogues kanë mbajtur partitë e tjera opozitare.

Deputetja e PDK-së, Blerta Deliu tha se kryeministri Kurti dje i ka bërë “dëm të pariparueshëm funksionimit të shtetit të Kosovës”.

Ndërkaq, shefi i Grupit Parlamentar të LDK-së, Arben Gashi e kritikoi Kurtin për pranimin e Asociacionit për të cilin tha se “u vranë njerëz në këtë vend”.