Komuna e Rahovecit ka ndarë çmimin “Qytetar nderi” për gazetarin gjerman Erich Rathfelder. Me këtë titull ai nderohet për raportimin e drejtë dhe profesional të tij gjatë vitit 1998 në kohën e luftës për situatën e ndodhur në Kosovë dhe Rahovec.
Kryetari i Komunës se Rahovecit, Smajl Latifi tha se gazetari gjerman Rathfelder e meriton çmimin “Qytetarë nderi” i Rahovecit për kontributin që ka dhënë në luftën e Kosovës duke raportuar gjendjen e shqiptarëve në gazetën gjermane.
Ndwrkaq, gazetari gjerman Erith Rathfelder tha se historia e Rahovecit është shumë e prekshme dhe se raportimet e tij kanë ndikuar në ndikimin e politikës të Serbisë.
Ai tha se sot përkrahë lirinë e Kosovës dhe liria sot për popullin shqiptarë është një mesazh i njerëzve që kanë vdekur në luftë.
Ambasada Gjermane në Prishtinë, ka uruar gazetarin gjerman Erich Rathfelder për shpalljen qytetar nderi i Rahovecit.
“Puna e tij gazetareske është e lidhur, në të vërtetë e ndërthurur me këtë komunë dhe ka ndikuar edhe tek ai. Larg nga të qenit një vizitor sipërfaqësor i rajonit, ai i ka kushtuar shumë vite të jetës së tij Ballkanit Perëndimor, duke përfshirë edhe shumë udhëtime në Kosovë. Dhe kurioziteti i tij për të mësuar më shumë për këtë vend dhe njerëzit e tij është ende i gjallë! Një çmim vërtet i merituar për një mik të komunitetit dhe të Kosovës në tërësi”, shkruan në ‘Facebook”, Ambasada Gjermane në Prishtinë.