Instituti Kombëtar i Shëndetësisë Publike të Kosovës ka bërë përditësimin e situatës epidemiologjike në Kosovë në dy javët e fundit lidhur me COVID-19.
Sipas njoftimit të tyre, në këto dy javë janë raportuar 46 raste pozitive dhe asnjë rast i vdekjes me COVID-19.
Në njofton thuhet se rezulton që numri më i madh i rasteve i takojnë grumoshave 40 deri në 49 vjeç, me moshë mesatare 43 vjeç.
“Prej rasteve të konfirmuara, sipas komunave rezulton se numri më i madh është raportuar nga komuna e Prishtinës dhe Kamenicës (me nga 14 raste), kurse incidenca më e lartë e rasteve në 100,000 banorë është raportuar në komunën e Kamenicës”.
“Përkundër rasteve të shënuara së fundi, situata epidemiologjike në Republikën e Kosovës me COVID-19 mbetet e qetë, ndërsa qytetarët që manifestojnë shenja të infeksionit këshillohen të testohen dhe konsultohen me mjekun për çdo dyshim në COVID-19”, thuhet në raportin e IKShPK-së.
Reklamë
RENELUAL TAHIRI prezenton tipet e banesave në kompleksin “Green Avenue” Blloku B !
Për më shumë informata na vizitoni në pikën tonë të shitjes përballë ‘Premium Park Hotel”.
Në qytetin jugor të Kosovës, Prizren, myslimanët konservatorë po nxisin agjitacion kundër gazetarit Vullnet Krasniqi. Jo një rast i izoluar. Sa i rrezikshëm është islami radikal në Kosovën realisht liberale dhe laike?
Qyteti i Prizrenit në jug të Kosovës është i njohur për diversitetin e tij. Brenda një rrezeje prej vetëm disa qindra metrash ka xhami, një kishë ortodokse dhe një kishë katolike dhe një sinagogë do të hapet së shpejti. Shqiptarët jetojnë këtu në paqe me grupet e tjera etnike, duke përfshirë turqit, romët dhe boshnjakët.
Por tani Prizreni është skena e një fushate shpifjesh që qendron për të kundërtën e diversitetit: Prej ditësh, në ekranet e mëdha të billbordeve janë publikuar fotografi dhe janë bërë thirrje për bojkot të portalit kosovar të lajmeve Nacionale. Në to shfaqen fotografitë e gazetarit të njohur Vullnet Krasniqi, i cili punon në Nacionale. Aty thuhet gjithashtu: “Liria e shtypit përfundon tek ofendimi”.
Në mes të gushtit, Krasniqi raportoi për një protestë të pjesëtarëve të komunitetit mysliman në Prizren. Një pakicë e vogël kundërshtoi një performancë të muzikantes feministe kanadeze Peaches, e cila është gjithashtu një idhull i komunitetit LGBTQ. Peaches u shfaq me grupin e saj në festivalin e filmit DokuFest në Prizren më 4 gusht 2023, me një kostum provokues me pjesë të zbuluara të trupit. Duke bërë thirrje për një tubim proteste kundër performancës së saj, u tha se performanca e këngëtares ishte e papajtueshme me traditën dhe kulturën, se rrezikonte fëmijët dhe çon në “degjenerim”.
Fotografi: Ferdi Limani
Policët pasivë
Demonstrata u zhvillua më 11 gusht 2023 para xhamisë më të njohur në Prizren, menjëherë pas faljes së namazit të xhumasë. Rreth 200 pjesëmarrës u mblodhën. Kur Vullnet Krasniqi i pyeti disa prej tyre se çfarë ishte saktësisht dëmi i fëmijës nga performanca e Peaches dhe çfarë do të thotë degjenerim, humori u kthye shpejt kundër tij. “Më erdhën demonstrues të dhunshëm, më shanë dhe më shtynë. Më kërkuan që të mos bëj pyetje dhe të mos raportoj për protestën”, tha Krasniqi për DW. Edhe kameramani i Krasniqit, Arbër Arifi, është ngacmuar dhe shtyrë. Pamjet video tregojnë oficerët e policisë që shikojnë në vend që të ndërhyjnë.
Jo një rast i izoluar: Për herë të dytë këtë verë, grupe të vogla myslimanësh konservatorë u bënë kryetituj me aktet e dhunës ndaj gazetarëve. Një gazetar së fundmi u rrah në spital për raportimin ironik, se një imam ultra-konservator nga Prizreni mori një Mercedes si dhuratë pensioni nga anëtarët e komunitetit. Dhe ky është vetëm një nga rastet më të fundit: gjatë viteve të fundit kur gazetarë të shumtë janë kërcënuar apo sulmuar fizikisht. Përveç raportimeve të tyre për korrupsionin politik, shpesh arsyeja ishte se, sipas mendimit të myslimanëve konservatorë, ata kishin shkelur gjoja vlerat apo traditat fetare.
Protesta pas shfaqjes së Peaches Fotografi: Philipp Böll/DW
Shtet laik
Islami radikal aktualisht nuk është një kërcënim politik relevant në Kosovë. Shteti kosovar është laik, me shumicën dërrmuese të kosovarëve që e shohin veten si “Myslimanë të moderuar”. Tradicionalisht, gratë nuk mbajnë hixhab apo nikab, por – në mos fare – shpesh vetëm shami të lidhura në pjesën e pasme të qafës. Konsumimi i alkoolit është i toleruar. Shumë nuk shkojnë në xhami ose vetëm rrallë.
Arbana Xharra, politologe dhe gazetare kosovare, e cila ka fituar disa çmime dhe që tani po bën kërkime në Shtetet e Bashkuara për radikalizimin islamik në Ballkan, thotë për DW: “Islami në Kosovë është liberal dhe, si të thuash, properëndimor. Por edhe në këtë formë, shumica e njerëzve e pranojnë të mos praktikohet në vend. As nuk e vendosin fenë mbi identitetin e njerëzve. Kjo është në kontrast të qartë me disa vende të Lindjes së Mesme, ku feja nuk është kulturë, por ideologji.”
Fenomen i rrezikshëm
Megjithatë, Arbana Xharra sheh një fenomen të rrezikshëm pas fushatës kundër Krasniqit: “Që nga përfundimi i luftës në vitin 1999, lëvizjet radikale islamike kanë depërtuar në Kosovë. Ata duan të ndryshojnë orientimin gjeopolitik dhe kulturor të vendit dhe të kundërshtojnë trashëgiminë e tij multikulturore, liberale dhe properëndimore. Bëhet kërcënim kur shteti i toleron këto rryma”.
Politologia ka kaluar edhe vet përvoja të ngjashme – si gazetare, ajo ishte ekspozuar ndaj fushatave të urrejtjes dhe kërcënimeve për vite me radhë për shkak të raportimeve të saj për islamistët radikalë në Kosovë dhe u ofendua. Në maj të vitit 2017, ajo u sulmua brutalisht dhe u rrah pranë shtëpisë së saj në Prishtinë. Disa muaj më vonë, ajo u largua nga Kosova pasi mësoi për komplotet e atentatit kundër saj. Është ende e paqartë se kush e sulmoi atë në 2017. “Edhe pas gjashtë vitesh policia nuk ka bërë asgjë, as prokuroria publike”, thotë Arbana Xharra.
Dhuna kundër gazetarëve nga qarqe radikale islame Fotografi: privat
Homoseksualiteti “imoral”
Në përgjithësi, situata është kontradiktore në këtë pikë: nga njëra anë, autoritetet kosovare kanë qenë shumë të ashpra në një pjesë të caktuar të spektrit të islamizmit radikal në vitet e fundit. Rreth 400 persona nga Kosova i janë bashkuar grupit të Shtetit Islamik (ISIS) në Lindjen e Mesme. Të kthyerit ndonjëherë dënoheshin me burgime të gjata ose vendoseshin nën mbikëqyrjen e shtetit.
Nga ana tjetër, shteti shpeshherë mbetet joaktiv për çështje të caktuara. Për shembull, në rastin e sulmeve ndaj gazetarëve të padëshiruar – autoritetet shpesh hetojnë vetëm me gjysmë zemre ose aspak. Politikanët shpesh heshtin për çështjet polarizuese. Kështu ndodh edhe me temën e LGBTQ-së, të cilën myslimanët konservatorë po e zbulojnë gjithnjë e më shumë vetë për t’u shfaqur në propagandë. Nominalisht, të drejtat e njerëzve queer mbrohen me Kushtetutën e Kosovës. Në realitet, ata vështirë se gëzojnë ndonjë mbrojtje. Jo vetëm që shumë kosovarë kanë paragjykime ndaj tyre – komunitetet myslimane dhe shumica e politikanëve, pavarësisht nga orientimi i tyre, e konsiderojnë homoseksualitetin si “imoral”.
“Dorëheqja nuk është një opsion”
Kryeministri i Kosovës, Albin Kurti, kohë më parë është shprehur pro njohjes së martesave të të njëjtit seks. Kosova do të ishte vendi i parë mysliman në botë me një ligj të tillë. Por nisma dështoi me një zhurmë në pranverën e vitit 2022. Madje shumë anëtarë dhe deputetë në vetë partinë e Kurtit, Vetëvendosje, e kundërshtuan atë – edhe pse partia nominalisht përfaqëson vlerat e majta dhe socialdemokrate dhe fillimisht u themelua si lëvizje për të drejtat civile.
Në protestën e Prizrenit, Vullnet Krasniqi nuk pa asgjë nga “islami i moderuar”. Sulmet ndaj tij mund të kenë të bëjnë edhe me faktin se ai mbështet publikisht të drejtat LGBTQ. Sido që të jetë, ai është ende i tronditur nga veprimi. “Pamjet e sulmit sollën mijëra reagime dhe komente në Facebook, shumica e të cilave e mirëpritën sulmin ndaj nesh”, thotë gazetari. “Edhe unë mora shumë mbështetje, por nuk e prisja nivelin e urrejtjes në komentet në Facebook”.
Vetë Krasniqi nuk ka frikë. “Dorëheqja nuk është një opsion”, thotë ai. Dhe vazhdimi është e vetmja mënyrë për t’u treguar sulmuesve se nuk kam frikë prej tyre”./DW
Fermerët nga Mamusha sivjet thonë se kanë pasur një vit shumë profitabil, ata fillimisht kanë shitur domaten me 1.20 cent derisa në fund të sezonit çmimi sillej 60 deri 65 cent. Në emisionin “Toka” në RTK, ata janë shprehur të kënaqur me prodhimin e domates.
Kryetari i Shoqatës së Fermerëve në Mamushë, Nexhat Morina, si dhe fermerët tjerë thonë se sivjet ka pasur rendiment të bollshëm dhe çmim të mirë për domate dhe perime tjera.
Ata janë shprehur të kënaqur edhe me eksportin e prodhimit të tyre. Sivjet, sipas tyre çmimi mesatar i domates së eksportuar a qenë rreth 70 cent. Fermerët thonë se cilësia luan rol vendimtar në eksportimin e domatës.
Kryeministri i Kosovës, Albin Kurti javën e kaluar ka qëndruar për vizitë në dy komuna në Maqedoninë e Veriut, në Tetovë dhe Çair, ku pas kësaj ka shkuar për vizitë në Prizren.
Kurti atje ka vizituar edhe lokacionin ku pritet të kaloj tuneli Prizren-Tetovë, ku ka thënë se në bazë të parallogaritjeve që janë bërë kostoja e gjithmbarshme do të jetë rreth 200 milionë euro.
Rreth kësaj ka folur, Ali Ahmeti nga Bashkimi Demokratik për Integrim, ku ka thënë se kjo rrugë nuk ndërtohet nga shoqatat humanitare.
“Me shoqata humanitare nuk bëhet as tunel as autostradë 2 miliardë euro, vetëm korridori i 8 bashkë me korridorin e 8D, 2 miliardë është kostoja. Kostoja mbi 300 milionë e aneksit Tetovë-Prizren, shoqata Nëna Tereza nuk mund t’i bëjë këtë.” – ka thënë ai.
Ahmeti tutje në RTK ka thënë se këto projekte janë marrëveshje ndërshtetërore, duke thënë se këto marrëveshje nuk bëhen mes komunave.
“Nuk bëhen nga komunat, këto janë projekte shtetërore, as komuna e Prizrenit, as komuna e Tetovës nuk mund ta bëjë këtë. Këto janë projekte nga marrëveshjet ndërshtetërore, ashtu sic i kemi bërë marrëveshjet me Shqipërinë për korridorin e 8, ashtu janë bërë marrëveshjet edhe me Qeverinë e Kosovës. Kosova nuk ka bërë marrëveshje me kryetar komunave këtu, ka bërë marrëveshje dhe ka nënshkruar me institucionet e shtetit, me kryeministrin, me ministrin përkatës, me ata është bërë edhe jo me ndërmarrjen publike për pastrimin e qytetit të Tetovës as të Shkupit.” – ka thënë ndër të tjera Ahmeti.
Reklamë
RENELUAL TAHIRI prezenton tipet e banesave në kompleksin “Green Avenue” Blloku B !
Për më shumë informata na vizitoni në pikën tonë të shitjes përballë ‘Premium Park Hotel”.
Kampioni i Kosovës Ballkani sonte do të zhvillojë një sfidë jo të lehtë në shtëpi ndaj klubit të njohur nga Bjellorusia, BATE Borisov në kuadër të raundit të ‘play-off-it’ për Ligën e Konferencës.
“Xhebrailat” janë vetëm 180 minuta larg përsëritjes së suksesit të vitit të kaluar, duke mbërritur në fazën grupore të këtij kompeticioni.
Ballkani do ta pres Borisovin në “Fadil Vokrri”, një sfidë që pritet të jetë e zjarrtë.
Skuadra nga Suhareka, fatkeqësisht do të duhet t’ia dalë pa dy mesfushorët Qëndrim Zyba dhe Lindon Emërllahu që mungojnë shkaku i lëndimeve, gjë që e ka konfirmuar edhe Ilir Daja në konferencën e djeshme për media.
Borisov mbetet favorit në ‘letër’, megjithatë, skuadra jonë shpeshherë ka ditur të befasojë edhe skuadra e mëdha.
Ndeshja Ballkani-BATE Borisov fillon në orën 20:45.RTKLive
Sot mbi vendin tonë parashihet të mbajë mot me diell dhe vranësira të shpërndara, të cilat gjatë ditës mund te sjellin riga shiu të shoqëruara me shkarkime rrufesh.
Sipas Institutit Hidrometeorologjik të Kosovës, vlerat e temperaturave minimale do të lëvizin ndërmjet 14-17 gradë Celsius, ndërsa maksimalet e ditës parashihen të lëvizin ndërmjet 29-33 gradë Celsius.
Gjatë ditëve në vazhdim parashihet se do të fryjë erë nga drejtimi i veriut dhe verilindjes e lehtë dhe lokalisht e fortë. Indeksi UV mbetet i lartë prandaj këshillohet respektimi i udhëzimeve të IKSHP-së, thuhet në njoftimin e IHMK-së.
Ministri i Shëndetësisë, Arben Vitia ka reaguar për vdekjen e 35-vjeçares në Malishevë e cila kishte shkuar në një klinikë private për ta hequr një dhëmb. Ai përmes një postimi në Facebook ka thënë se të gjithë janë të tronditur nga ky rast.
Ministri Vitia, ka deklaruar se ky rast tragjik shënon një moment vendimtar për ndalimin e pandëshkueshmërisë dhe papërgjegjshmërisë në praktikat e licencimit.
“Kam kërkuar me gjithë fuqinë që më jep ligji që të kontrollohet çdo hap e veprim i komisionit vlerësues që i paraprinë licencimit. Dhe çdo procedurë. Ndaj përgjegjësve, do të ketë masa. Në rast të evidentimit të shkeljeve penale ato do të procedohen menjëherë në organet e drejtësisë”, ka shkruar ai.
Vitia ka thënë se ky rast nuk do të kalojë as në heshtje dhe as nuk do të tretet në harresë.rtklive
Zëvendësministri i Ministrisë së Mjedisit, Planifikimit Hapësinor dhe Infrastrukturës (MMPHI), Hysen Durmishi, është deklaruar rreth ngritjes së aktakuzës për korrupsion ndaj 10 zyrtarëve të kësaj ministrie, duke thënë se çështja ka të bëjë me projektin e rrugës Prizren-Prevallë.
“Po kjo ka të bëjë me një rast të vitit 2019 që ka të bëjë me sa e di unë me rrugën Prizren-Prevallë, domethënë është ish-sekretari, ish-shefja e prokurimit, janë disa të bordit të OSHP-së aty, janë komisioni vlerësues”, ka thënë Durmishi në për “Betimi për Drejtësi”.
Durmishi ka thënë se lidhur me këtë çështje ka diskutuar disa herë në publik, duke e konsideruar si rast flagrant me të cilën është dashur të merret Prokuroria, andaj shtoi se “më në fund e paskan ngritur një aktakuzë, e që nuk e kam parë aktakuzën, nuk e di çka ka”.
Reklamë
RENELUAL TAHIRI prezenton tipet e banesave në kompleksin “Green Avenue” Blloku B !
Për më shumë informata na vizitoni në pikën tonë të shitjes përballë ‘Premium Park Hotel”.
Ndërkaq, burimet bëjnë të ditur se të akuzuarit kanë shkaktuar dëm mbi 12 milionë euro.
Aktakuza është ngritur ndaj zyrtarëve B.R, V.B, Z.A, J.A, E.M, B.D, N.P, G.M, I.B dhe M.G.
Sipas PSRK-së, të akuzuarit ngarkohen se me dashje vepruan në kundërshtim me Ligjin e Prokurimit, Ligjin për ndarjet buxhetore të vitit 2019, Ligjin për menaxhimin e financave publike dhe përgjegjësitë, si dhe me aktet tjera ligjore dhe nën ligjore.
“Prokuroria Speciale njofton se të pandehurit e lartcekur në cilësinë e personave zyrtar, në bashkëkryerje duke shfrytëzuar detyrën dhe autoritetin zyrtar, si dhe, duke tejkaluar kompetencat e tyre ligjore, me dashje vepruan në kundërshtim me Ligjin e Prokurimit, Ligjin për ndarjet buxhetore të vitit 2019, Ligjin për menaxhimin e financave publike dhe përgjegjësitë, si dhe me aktet tjera ligjore dhe nën ligjore”, thuhet në njoftim të PSRK-së.
Me këto veprime, të pandehurit B.R, V.B, Z.A, J.A, E.M, B.D, N.P, G.M, I.B dhe M.G ngarkohen se në bashkëkryerje kanë kryer veprën penale “Keqpërdorim i pozitës apo autoritetit zyrtar”, nga neni 414, paragrafin 2, lidhur 31 të Kodit Penal të Republikës së Kosovës.
“Ndërkaq, e pandehura V.B. akuzohet edhe për veprën penale ‘Falsifikimi i dokumentit zyrtar’, nga neni 427 paragrafi 1 të Kodit Penal të Republikës së Kosovës”, thuhet në njoftim. /BetimipërDrejtësi
