Kryeministri i Kosovës, Albin Kurti, deklaroi se janë paralajmëruar edhe sanksione të tjera nga Bashkimi Evropian, por sipas tij, aktualisht Kosova i ka të ngujuara miliona kredi dhe grante, që duhet të kalojnë nëpërmjet Kuvendit.

Ai deklaroi të hënën se rreth 149 milionë euro janë të bllokuara.

Java e parë e korrikut do të fillojë me mot më të nxehtë dhe me diell, ndërsa të mërkurën do të ketë rrebeshe shiu dhe bubullima.

Prishtina Weather ka njoftuar se temperaturat maksimale do të arrijnë në vlera edhe prej 30C e 31C ditën e martë.

Njoftimi i plotë:

Java e parë e korrikut fillon me mot më të nxehtë dhe me diell. Të mërkurën rrebeshe e bubullima.

2.07.2023 – Ditët e para të javës së parë të korrikut pritet të fillojnë me kushte të një moti më stabil, më të nxehtë, kryesisht me diell. Temperaturat maksimale arrinë në vlera edhe prej 30C e 31C ditën e martë.

Ditën e mërkurë sërish pritet përkeqësim i motit, ku orëve të pasdites priten zhvillime të rrebesheve me bubullima, që lokalisht edhe mund të jenë më të stuhishme. Riga lokale shiu mund të paraqiten ditën e enjte, edhepse do të dominohet më shumë nga intervale më të gjata me diell. Mundësi për rrebeshe shiu paraqiten sërish ditën e premtë. Temperaturat pësojnë një rënie të lehtë në 26C e 27C. Minimalet kryesisht zbresin në 14C e 15C.

Indeksi i cilësisë së ajrit kryesisht do të jetë në vlera të pranueshme dhe të mira. Orëve të pasdites, nën kushte të motit të nxehtë dhe me diell, rritje shënon ozoni sipërfaqësor, që edhe shtynë indeksin e cilësisë së ajrit të kaloj në vlera mesatare.

3.07 – Më nxehtë e kryesisht me diell. Në mëngjes përgjatë ultësirave mundësi për mjegull.

4.07 – Kryesisht me diell e nxehtë. Pasdite rreth viseve malore mund të ketë ndonjë rrebesh të shkurtër shiu.

5.07 – Paradite intervale me diell. Pasdite priten zhvillime të rrebesheve me bubullima.

6.07 – Intervale më të gjata me diell. Pasdite do të ketë zhvillime të vransirave lokale, që mund të shoqërohen edhe me riga lokale shiu.

7.07 – Fillimisht me diell, e pasdite rrebeshe shiu dhe bubullima.

Era do të fryjë drejtimesh të ndryshme, e dominuar më shumë nga krahu verior 3-8m/s.

Shtypja atmosferike luhatet përreth vlerave normale, me tendencë të rritjes në fundjavë.

Deputetes së Kuvendit të Kosovës, Duda Balje i është hapur një Instagram fals me emër dhe fotografi të saja.

E shqetësuar, deputetja ka bërë thirrje që t’i bëhet report këtij profili pasi që ajo thotë së nuk është i saj.

Ky profil që ka mbledhur 17 mijë ndjekës me foto të deputetes, ka dhe një përshkrim jo fort të këndshëm, shkruan Insajderi.

Aty shkruhet se për klientë mund të ofrohet shërbime seksuale duke lënë edhe një numër kontaktues.

 

 

Kosovarët nuk e tradhtojnë Durrësin: E kemi si detyrim të vijmë.

Turizmi patriotik sjell me qindra-mijëra turistë nga Kosova drejt plazheve të Durrësit çdo vit. Pas përfundimit të luftës në Kosovë, në më shumë se dy dekada, qyteti bregdetar i Durrësit është kthyer në hapësirën turistike më të preferuar për ta.

Zeqir Haxha nga Mitrovica, pushon në plazhin e Durrësit prej të paktën 20 vitesh. Ai tregon disa nga arsyet që shqiptarët e Kosovës kalojnë masivisht pushimet në Durrës.

“Ne në Kosovë nga mungon deti, sigurisht marrëdhëniet tona vëllazërore që nga lufta, ndihma juaj, kështu që e kemi si detyrim të vijmë”, tha ai.

Zeqiri thotë se Shqipëria u ka munguar ndër vite, aq sa dhe fëmijëve u kanë vendosur emra të qyteteve apo vendeve shqiptare.

“Ne më herët na ka munguar Shqipëria. Unë personalisht e kam djalin me emrin Berat. Kemi shumë familjarë me Valbonë. Patriotizmi nuk ka munguar e as nuk do mungojë kurrë”, tha një tjetër.

Të tjerë pushues nga Kosova janë po aq besnik të këtij plazhi ndër vite, ku krahas bukurisë natyrore, ata shprehen se në plazhet e Durrësit ndjehen si në vendin e tyre.

“Më tepër më tërheq plazhi që nuk ka gurë. Për fëmijët deti është pa gropa dhe mund ta frekuentojnë pa problem”, tha një pushues.

Edhe pse vitet e fundit pushuesit e Kosovës po eksplorojnë plazhet në Shëngjin e Velipojë, apo në jug të vendit, ata vazhdojnë të përbëjnë numrin më të madh të pushuesve në plazhet e Durrësit, me mbi 60 përqind të tyre.