Prej 22 qershorit 2025, në Spitalin e Përgjithshëm “Prim. Dr. Daut Mustafa” në Prizren po qëndron një ekip i ekspertëve të kardiologjisë nga Universiteti “Izmir Bak?rçay””, Fakulteti i Mjekësisë – Departamenti i Kardiologjisë. Ata janë duke mbajtur trajnim intensiv për stafin e repartit të Kardiologjisë Invazive dhe Laboratorit të Kateterizimit.

KLIKO VIDEON:https://www.facebook.com/PrizrenPress/videos/1256066368861200

Ekipi nga Turqia, i udhëhequr nga Prof. Dr. ?lker Gül dhe Doc. Dr. Oktay ?enöz, u prit sot nga përfaqësues të institucioneve turke në Kosovë dhe deputetë të Kuvendit të Kosovës, në një takim të organizuar nga Spitali i Përgjithshëm në Prizren.

“Ky bashkëpunim është shumë domethënës për ne. Ne e vlerësojmë shumë përkushtimin e stafit të këtij spitali dhe jemi të gatshëm të ofrojmë mbështetje të mëtejshme për ngritjen e kapaciteteve profesionale në fushën e kardiologjisë”, tha z. Celal Do?an, përfaqësues i Konsullatës së Turqisë në Prizren.

Në vizitë morën pjesë edhe znj. Fulya Öztürk, koordinatore e TIKA-s në Kosovë, si dhe deputetët Fitim Damka dhe Enis Kervan.

Drejtoresha Ekzekutive e Spitalit, Dr. Narqize Arënliu Hoxhaj, falënderoi përzemërsisht miqtë nga Turqia për bashkëpunimin e deritanishëm dhe ndihmën e pakursyer në ngritjen profesionale të stafit.

“Faleminderit për mbështetjen e vazhdueshme. Ky trajnim është një mundësi e artë për stafin tonë që të përfitojë përvojë direkte nga ekspertë ndërkombëtarë dhe të ofrojmë shërbime më cilësore për qytetarët tanë”, u shpreh ajo.

Nga ana e saj, znj. Fulya Öztürk theksoi se TIKA është e përkushtuar të mbështesë zhvillimin e sektorit shëndetësor në Kosovë përmes projekteve konkrete.

“Ne e ndjejmë Kosovën si vend mik dhe jemi të përkushtuar të investojmë në projekte që ndikojnë drejtpërdrejt në mirëqenien e qytetarëve”, tha ajo.

Dr. Fazli Berisha, shef i repartit të Kardiologjisë, informoi se gjatë dy ditëve të para të këtij bashkëpunimi janë realizuar 13 raste të koronarografisë, ndërsa në 6 prej tyre është kryer edhe vendosja e stentit.

“Një ndërhyrje urgjente u bë vetëm 15 minuta pas pranimit të një pacienti 40-vjeçar me infarkt akut. Ndërhyrja përfundoi me sukses dhe pacienti është në gjendje stabile”, tha ai.

Pjesë e pritjes ishin edhe anëtarët e Këshillit Drejtues të Spitalit: Dr. Hasan Arzoallxhiu (Drejtor Mjekësor), Rrahim Selmani (Drejtor i Infermierisë) dhe Sami Ahmetaj (Drejtor i Administratës dhe Shërbimeve të Përbashkëta).

Ky bashkëpunim me Universitetin “Izmir Bak?rçay” dhe mbështetja e institucioneve turke konsiderohen një hap i rëndësishëm drejt avancimit të kapaciteteve mjekësore dhe përmirësimit të shërbimeve për qytetarët e Prizrenit dhe më gjerë.

Një burrë nga Suhareka ka vdekur të hënën në QKUK, pasi më 18 qershor dyshohet se ishte rrëzuar në vendin e tij të punës.

Policia bën të ditur se me urdhër të prokurorit trupi i pajetë i viktimës është dërguar në IML.

KLIKO VIDEON:https://www.facebook.com/PrizrenPress/videos/1256066368861200

“Me datën e lartcekur viktima mashkull kosovar dyshohet se ishte rrëzuar në vendin e tij të punës me ç’rast është dërguar për tretman mjekësor, ndërsa me datën 23.06.2025 është raportuar se I njëjti ka ndërruar jetë në QKUK. Me urdhër te prokurorit trupi i pa jetë i viktimës dërgohet në IML”, thuhet në raportin e policisë.

Drejtoresha e Arsimit në Komunën e Prizrenit, Luljeta Veselaj-Gutaj, ka bërë të ditur sot se në bashkëpunim me Organizatën Ndërkombëtare për Migracionin (IOM), janë përuruar laboratorë super modernë të shkencave në tri shkolla fillore dhe të mesme të ulëta në komunë.

Laboratorët e rinj janë vendosur në shkollat: “Nazim Kokollari”, “Haziz Tola” në Prizren, si dhe “Dy Dëshmorët” në fshatin Piranë.

Freski e përditshme me çmim të zbritur – zgjidh aparatet e ujit Bruno!

Këto hapësira të reja janë ndërtuar sipas standardeve më të avancuara dhe do të shërbejnë për zhvillimin e orëve të biologjisë, fizikës dhe kimisë në mënyrë inovative dhe praktike.

“Tanimë nxënësit do të kenë mundësinë të mësojnë në laboratorë modernë, që u krijojnë kushte për një proces mësimor më cilësor dhe bashkëkohor”,u shpreh znj. Veselaj- Gutaj.

Sipas saj,  ky projekt është pjesë e një plani më të gjerë të investimeve në laboratorët shkencorë nëpër shkollat e komunës, me synim rritjen e cilësisë së arsimit dhe unifikimin e bazës didaktike në të gjitha institucionet arsimore.

Ky hap shihet si një investim i rëndësishëm për të përgatitur më mirë gjeneratat e reja në fushat e shkencës dhe teknologjisë, duke ndërtuar ura ndërmjet teorisë dhe praktikës në mësimdhënie.