Pediatri i njohur nga Prizreni, Dr. Sherif Besimi, do të kujtohet gjithmonë si figurë e shquar e mjekësisë kosovare dhe si një prej njerëzve që ia kushtuan jetën qytetit të tij, profesionit dhe kombit.
I lindur më 28 nëntor 1935, në fshatin Serbicë të Prizrenit, pikërisht në Ditën e Flamurit – një datë që e nderoi përjetësisht – Sherif Besimi e nisi rrugëtimin e tij si nxënës i dalluar dhe e vazhdoi me po të njëjtin zell e disiplinë në studimet universitare, të cilat i përfundoi në Universitetin e Zagrebit në vitin 1965. Pas stazhit profesional, nisi punën në Suharekë dhe shumë shpejt u rikthye në Prizren, aty ku zemra dhe misioni i tij e thërrisnin.
Banesat më të kërkuara në Prizren – Bëhu pronar në Foleja Residence!
Si pediatër në repartin e fëmijëve dhe këshilltar në këshillimore, ai përfaqësonte një emër të besuar për prindërit prizrenas, një figurë të dashur e të respektuar. Me profesionalizëm, urtësi dhe përkushtim, ai i qëndroi pranë mijëra familjeve në momentet më të ndjeshme të jetës së tyre.
Në vitet e vështira të okupimit serb, Dr. Sherifi tregoi guxim dhe ndjeshmëri të rrallë. Ai hapi dyert e ordinancës së tij private për studentët e mjekësisë dhe për qytetarët që kishin nevojë jetike për trajtim. Në një kohë kur kujdesi shëndetësor ishte i rrezikuar dhe shërbimet ishin të kufizuara, ai u bë strehë për popullatën civile – një mjek që nuk njihte lodhje, frikë apo dallim në ndihmën që jepte.
Hotel Albes Residence – Qetësi, komoditet dhe evente të paharrueshme në zemër të Korishës së Prizrenit
Për këtë arsye, qyteti i Prizrenit e njohu dhe e nderoi si “ambasador të shëndetësisë”, një epitet që lindi nga vetë populli dhe që i qëndron denjësisht figurës së tij.
Tradita atdhetare e familjes Besimi gjeti tek Dr. Sherifi mishërimin më të plotë. Ai ishte jo vetëm mjeku i qytetit, por edhe frymëzimi i brezave të rinj, një shtyllë morale dhe profesionale për familjen dhe bashkësinë. Në luftën kundër padrejtësive dhe dhunës serbe, ai ishte aktiv, i palodhur dhe gjithmonë në shërbim të organizimeve për ndihmë mjekësore dhe humanitare, në spital dhe jashtë tij.
Figura e tij nuk ishte vetëm profesionale – ajo ishte njerëzore, qytetare, atdhetare. Ishte mishërim i vlerave që e bëjnë një njeri të pavdekshëm në kujtesën kolektive.
Dr. Sherif Besimi u nda nga jeta më 27 nëntor 2016. U varros në Prizrenin e tij të zemrës – aty ku jetoi, punoi dhe shëroi për më shumë se gjysmë shekulli.
(Marrë nga libri “Në kujtesën e qytetit,” me autor Salajdin Krasniqi)
Marketing
Hotel Albes Residence – Qetësi, komoditet dhe evente të paharrueshme në zemër të Korishës së Prizrenit
Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991
Kompleksi ‘Newco Elan’ ofron banesa të ëndrrave tuaja në zemër të Prizrenit
“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
