Kryetari i Komunës së Dragashit,Bexhet Xheladini së bashku me nënkryetarin nga radhët e komuniteteve, Fejsal Halilovi?, priti sot në një takim pune ministrin e Zhvillimit Rajonal,  Fikrim Damka.

Gjatë takimit, u diskutua për ecurinë e bashkëpunimit ndërmjet Komunës së Dragashit dhe Ministrisë së Zhvillimit Rajonal (MZhR), si dhe për projektet që janë realizuar me mbështetje dhe bashkëfinancim nga kjo ministri.

“Qëllimi i këtij takimi ishte të shqyrtonim projektet e përfunduara dhe të diskutonim për mbështetjen e mëtejme financiare nga MZhR-ja, në mënyrë që të përshpejtojmë realizimin e iniciativave të reja që ndikojnë drejtpërdrejt në jetën e qytetarëve tanë,” tha kryetari i Komunës.

.

Ai shtoi se bashkëpunimi me këtë ministri ka qenë i frytshëm dhe thelbësor për zhvillimin e infrastrukturës lokale.

“Shpreh mirënjohjen time të thellë për Ministrin Damka dhe gjithë stafin e tij për përkrahjen e vazhdueshme ndaj komunës sonë. Mbështetja që kemi marrë ka qenë jetike për shumë projekte të rëndësishme.”

Nga ana e tij, ministri Damka theksoi se MZhR-ja mbetet e përkushtuar për të ndihmuar komunat si Dragashi, veçanërisht në zonat me sfida specifike zhvillimore.
“Zhvillimi rajonal nuk është i plotë pa investime të drejtpërdrejta në infrastrukturën lokale dhe pa përfshirjen aktive të komuniteteve. Dragashi do të ketë mbështetjen tonë të vazhdueshme”, u shpreh Damka.

.

Pas takimit zyrtar, delegacioni vizitoi disa lokacione të rëndësishme ku planifikohen ose janë në zhvillim projekte të ndryshme, përfshirë: zonën e varrezave të komuniteteve përgjatë rrugës Dragash–Stadium, ku parashihet ndërtimi i një muri mbrojtës; Stadiumin e qytetit në Dragash; Liqenin e Breznes; paralelen e ndarë të ShFMU “Sezai Surroi” në fshatin Zym; si dhe Amfiteatrin në fshatin Bellobrad.

Shefi i Grupit të Kuvendarëve të LDK-së në Prizren, Haziz Hodaj, ka reaguar pas dorëheqjes së anëtarit të Kuvendit Komunal, Shukri Quni, duke e cilësuar këtë veprim si një akt të lartë moral dhe njerëzor.

Ai tha se Kuvendi i Prizrenit do të jetë më i varfër pa zërin artikuluar dhe të fuqishëm të Qunit, i cili gjatë viteve ka qenë një zë konstruktiv dhe i arsyeshëm në punën e tij në Kuvend.

“Ky zë i fuqishëm, konstruktiv dhe gjithmonë i arsyeshëm vite me radhë në Kuvendin e Komunës do të shënohet me shkronja të arta në Historikun e Kuvendit të Prizrenit! Ndjej keqardhje për mungesën e tij në Kuvend, por jam krenar për bashkëveprimin e sinqertë që kemi pasur bashkë”, shkrun Hodaj.

Dorëheqja e Shukri Qunit vjen pas një aksidenti tragjik që ndodhi të shtunën mes fshatrave Grazhdanik dhe Atmaxhë, ku një 17-vjeçar, maturant i gjimnazit “Remzi Ademaj”, humbi jetën. Quni, i cili është anëtar i Nismës Socialdemokrate në Kuvendin Komunal të Prizrenit, në seancën e sotme bëri të ditur se nuk mund të qëndrojë më në këtë pozitë.

Kliko videon: https://www.facebook.com/PrizrenPress/videos/1684680412412465

Ai u shpreh se kishte paralajmëruar më herët për rrezikun në zonën ku ndodhi aksidenti dhe për mungesën e shenjave të trafikut që sipas tij kontribuuan në këtë tragjedi.

“Kur fjalët nuk mjaftojnë, veprat flasin. Përgjegjësia institucionale mungoi. Për këtë arsye morale, sot deklaroj dorëheqjen time nga posti i anëtarit të Kuvendit” deklaroi Quni./PrizrenPress.com

Kryetari i Lidhjes Demokratike të Kosovës në Prizren, Driton Selmanaj, ka reaguar pas dorëheqjes së anëtarit të Kuvendit Komunal, Shukri Quni, duke e cilësuar veprimin e tij si një akt të lartë moral dhe njerëzor.

“Ky është një rast kur vlerat morale dhe njerëzore i mbi valojnë interesat e politikës ditore. Veprimi i asambleistit z. Shukri Quni meriton një mirënjohje dhe respekt të madh publik”, ka shkruar Selmanaj.

Deklarata e tij vjen pas publikimit të lajmit për dorëheqjen e Qunit, anëtar i Nismës Socialdemokrate në Kuvendin Komunal të Prizrenit, i cili hoqi dorë nga mandati i tij pas aksidentit tragjik që ndodhi të shtunën mes fshatrave Grazhdanik dhe Atmaxhë, ku humbi jetën 17-vjeçari Geltijan Shala, maturant i gjimnazit “Remzi Ademaj”.

Në seancën e sotme të Kuvendit Komunal, Quni deklaroi se nuk mund të qëndrojë më në këtë pozitë, duke theksuar se kishte paralajmëruar më herët për rrezikun në atë zonë dhe për mungesën e shenjave të trafikut.

“Kur fjalët nuk mjaftojnë, veprat flasin. Përgjegjësia institucionale mungoi. Për këtë arsye morale, sot deklaroj dorëheqjen time nga posti i anëtarit të Kuvendit” u shpreh ai./PrizrenPress.com/

Marketing

Kliko videon: https://www.facebook.com/PrizrenPress/videos/1684680412412465

Kompania Rajonale e Ujësjellësit “Gjakova” ka bërë të ditur se gjendja e furnizimit me ujë të pijshëm në qytetin e Rahovecit është aktualisht stabile. Sipas njoftimit zyrtar, i gjithë qyteti është duke u furnizuar me ujë pa ndërprerje gjatë ditës.

Megjithatë, për të ruajtur këtë stabilitet, sidomos në Zonën 2 dhe Zonën 3, kompania do të vazhdojë me reduktime të përkohshme të furnizimit me ujë në rreth 80% të Zonës 1. Këto reduktime do të aplikohen gjatë orëve të natës, konkretisht nga ora 23:00 deri në 05:00, dhe pritet të zgjasin deri të enjten.

KRU “Gjakova” ka falënderuar qytetarët për mirëkuptimin dhe bashkëpunimin e tyre, duke theksuar se do të vazhdojë të informojë publikun për çdo ndryshim të mundshëm në orarin ose intensitetin e reduktimeve.

Marketing

Kliko videon: https://www.facebook.com/PrizrenPress/videos/1684680412412465

Kryetari i Komunës së Rahovecit, Smajl Latifi, ka takuar studentët që ndjekin studimet në universitetet publike, në profile dhe drejtime të ndryshme.

Në këtë takim, ai ka nënshkruar kontratat për ndarjen e bursave komunale për 203 studentë dhe 50 nxënës, të vlefshme për këtë vit akademik dhe shkollor.

“Mbështetjen dhe përkrahjen për studentët dhe nxënësit tanë më të talentuar, e kemi filluar me një numër simbolik prej 63 bursave në vitin 2018. Mirëpo, këtë numër të ndarjes së bursave e kemi rritur çdo vit akademik në 96 bursa, pastaj në 124, 156, 174 dhe 196 në vitin e fundit. Ndërkohë që, për këtë vit akademik kemi ndarë numër rekord të bursave, me gjithsej 203 bursa për studentë dhe 50 bursa për nxënës shembullorë të Shkollave të Mesme të Larta dhe të IAAP-së”, ka thënë Latifi.

“Studentëve dhe nxënësve përfitues të bursave, ju urojmë shëndet dhe suksese të mëdha në studime dhe ju bëjmë me dije se si çdoherë, por edhe më shumë, do ta kenë përkrahjen nga komuna jonë”, është shprehur kryetari Latifi.

Marketing

Kliko videon: https://www.facebook.com/PrizrenPress/videos/1684680412412465