Arbër Rexhaj, deputet i zgjedhur i Lëvizjes Vetëvendosje e ka komentuar marrëveshjen e Teuta Rugovës, deputete e zgjedhur e LDK-së me Ramush Haradinajn, kandidat i PAN-it për kryeministër.

Postimi i plotë:

Dhe krejt ky koalicion individual i Teuta Rugovës, ne shtëpinë e presidentit të ndjerë Ibrahim Rugova nuk ka pasur qëllimin e marrjes të një vote në përkrahje të kandidatëve të PAN-it për kryeparlamentar dhe kryeministër por fillimin e ribashkimit mes PAN-it dhe LDK-ës, respektivisht LAA-së.

Prandaj të gjithë ata të cilët votuan këto dy koalicione të klaneve dhe interesave të ngushta të cilat po e shkatërrojnë të ardhmen e shtetit tonë duhet së bashku me ne të sjellin një realitet të ri në Kosovë. Realitetin që e tha qytetari në këto zgjedhje parlamentare që kaluam. Ndryshimin!

Anëtarët e Kuvendit të Komunës së Malishevës, në saje të votës së dyfishtë të kryesuesit, Aziz Thaçi, në seancën e fundit plenare kanë miratuar vendimin për ndalimin e ekskursioneve të nxënësve të shkollave të mesme jashtë vendit, përjashtuar vizitat studimore apo ato me karakter edukativo-arsimor, shkruan sot Koha Ditore.

Por ky vendim i organit më të lartë lokal është cilësuar si skandaloz nga këshilltari i lëvizjes Vetëvendosje, Valon Hoti, i cili ka vlerësuar se nxënësve u mohohet vizita në Shqipëri për shkak se institucionet përgjegjëse kanë dështuar në menaxhimin e këtij procesi.

Deputetja e Lidhjes Demokrtike të Kosovës, Teuta Rugova e ka thyer heshtjen në situatën nëse do të votojë Ramush Haradinajn për kryeministër të Kosovës.

Ky është postimi i plotë i deputetes Teuta Rugova lidhur me marrëveshjen e arritur për ta votuar Haradinajn për Kryeministër:

“Së pari dua t’ju falënderoj të gjithëve për besimin që më keni dhënë që t’ju përfaqësoj në Kuvendin e Republikës së Kosovës. Njëkohësisht uroj të gjithë kolegët që janë zgjedhur dhe ju siguroj se do të vazhdojmë të gjithë së bashku të punojmë me përgjegjësinë më të lartë për shtetin tonë. Më vije keq për koleget të cilët nuk janë zgjedhur, duke u ndëshkuar nga elektorati për arsye të respektimit të vendimeve të partisë, në votimet e ndryshme që kemi pas në Kuvend.

Unë e di se me qëndrimin tim në sallën e Kuvendit dhe me pjesëmarrjen time në votimin për president ne shkurtin e vitit te kaluar mund të ju kam zhgënjyer, mirëpo kjo ka qenë drejtpërdrejtë vazhdimësi e traditës së babait tim, Presidentit historik Dr. Ibrahim Rugova, që të respektojmë marrëveshjet dhe të bëjmë kompromise të mëdha.

Babai im, Presidenti historik Dr. Ibrahim Rugova, gjithmonë ka punuar për një Kosovë të Pavarur, Demokratike e integruar në Bashkimin Evropian, në NATO dhe në lidhje dhe miqësi të përhershme me SHBA-të. Presidenti Rugova nuk e ka krijuar LDK-në për opozitë, sepse LDK është thelbi i shtetësisë së Kosovës dhe gjithmonë do të jetë.

Sot familja jonë priti në një vizitë miqësore z. Ramush Haradinaj në shtëpinë tonë. Ishte një takim shumë miqësor sepse z. Haradinaj është një mik i madh i familjes tonë që nga viti 2004 kur presidenti Rugova lidhi marrëveshje koalicioni me të dhe e zgjodhi Kryeminister, prandaj vizitat e tij gjithmonë janë shumë të mirëseardhura për ne.

Unë jam deputete e zgjedhur e LDK-së dhe ashtu si kam vepruar e votuar në të kaluaren do të veproj edhe gjatë këtij mandati duke pasur interes primar gjithmonë ndërtimin dhe fuqizimin e shtetit të Kosovës.

Nëse dikush dëshiron inate dhe bllokada, ja ku është Serbia, ja ku është Mitrovica, ja ku është inati me BE-në që po na mbanë të izoluar, ja ku janë shtetet që nuk na njohin dhe ja ku janë grupet politike që anatemojnë shtetin tonë! Unë e di se si do të kishte vepruar babai im, Presidenti historik Dr. Ibrahim Rugova! E dini edhe JU! Andaj veproni!

Demokracia zhvillohet kur të fuqizohet pavarësia e shtetit tonë, sakaq edhe trinomi i babait tim, Presidentit historik Dr. Ibrahim Rugova: Liri, Pavarësi dhe Demokraci që nënkupton lirinë qe e fituam më 1999, pavarësinë e Kosovës të njohur më 17 shkurt 2008, por duhet të punojmë shumë që të bëhemi shtet anëtar i plotë i OKB-së dhe atëherë e kemi sigurinë tonë dhe mund të përqendrohemi në demokratizimin e vendit si pikë e tretë e trinomit të Presidentit Rugova. Demokracinë tonë në Kosovë që është ende e re, po e mbanë peng reforma shumë e nevojshme zgjedhore, që duhet të ndodhë sa më parë, me qëllim të tejkalimit të ngërçeve që po ndodhin secilën herë pas proceseve zgjedhore.

Unë kërkoj nga strukturat udhëheqëse të LDK-së, që në Qeverinë e gjerë dhe stabile që po kërkohet nga miqtë tanë të përhershëm, SHBA-të dhe BE-ja, në marrëveshjen e koalicionit, para ndarjes së përgjegjësive qeveritare të vendosen prioritetet për qytetarët e Kosovës, e që janë: formimi i ushtrisë, zgjidhja e problemit të demarkacionit që do të rezultonte me liberalizim vizash, reforma zgjedhore dhe përmirësimi i jetës së qytetarëve të Kosovës.

Nuk është e drejta jonë të injorojmë votën e qytetarit, por nuk është as e drejta jonë të injorojmë bashkëpunimin e ngushtë të babait tim, Presidentit historik Dr. Ibrahim Rugova, me Ramush Haradinajn. Unë ju siguroj se babai im, Presidenti historik Dr. Ibrahim Rugova, në situatën e sotme kurrsesi nuk do të kishte udhëhequr LDK-në në asi mënyre që të bllokoj proceset dhe të injoroj rekomandimet e miqve tanë të përhershëm, SHBA-ve dhe BE-së” shkruan Teuta Rugova në sqarimin e saj./

Zëdhënësi i AAK-së, Muharrem Nitaj e ka konfirmuar lajmin se është nënshkruar marrëveshja ndërmjet PAN-it dhe Teuta Rugovës.

Ai këtë konfirmim e bëri në një prononcim të shkurtër për Gazeta Blic. “Po, është nënshkruar marrëveshja me Teuta Rugovën”, tha ai për Gazeta Blic.

Ndryshe, ‘GazetaBlic’ gjatë ditës së sotme ka raportuar për takimin ndërmjet Ramush Haradinajt dhe Teuta Rugovës.

Ky takim u mbajt në rezidencën e Ibrahim Rugovës, në Prishtinë.

Kandidati i koalicionit për kryeministër LDK-AKR-Alternativa, Avdullah Hoti, ka reaguar pas mbështetjes që familja Rugova i dha Ramush Haradinajt për formimin e Qeverisë.