Njazi Kryeziu nga PDK dhe Sali Morina nga LDK, janë përplasur rreth qeverisjeve të kaluara nga këto dy parti.

Kryeziu ka akuzuar Lidhjen Demokratike për keqeverisje, duke u shprehur se Isa Mustafa ka treguar performancën më të dobët në të gjitha qeveritë e pasluftës.

Ai u shpreh se Partia Demokratike e Kosovës gjithmonë ka marrë vendime në të mirë të vendit, pa e shikuar interesin e saj.

Duke shtuar se vet lidhja e koalicionit me Lidhjen Demokratike dhe lënia e postit të kryeministrit për Isa Mustafën, tregon se për PDK-në primare është qytetari I vendit, e jo egoja për pushtet.

Sipas tij njëjtë ka ndodhur edhe me koalicionin e fundit me AAK-në dhe NISMËN, ku u shpreh se Kadri Veseli ka hequr dorë nga egoja për t’u bërë kryeministër, vetëm e vetëm për të mirën e vendit./tribuna/

Djali i Ukshin Hotit, aktivistit nga Kosova që ishte mbajtur për shumë vite në burg nga regjimi serb, Ukshin Hoti ka thënë se zgjodhi të inkuadrohej në PDK për shkak të rolit të kësaj partie në proceset e mëdha.

Andin Hoti, i cili është përfshirë në listën e kandidatëve të Partisë Demokratike të Kosovës (PDK), ka thënë se në politikë është kyçur edhe për shkak të trashigimisë familjare.

“Po, është e vërtete qe pas propozimit qe me është bere dhe përkrahjes se strukturave te Partisë Demokratike, unë jam sot kandidat për deputet ne zgjedhjet Parlamentare të 11 qershorit,” ka thënë Hoti në një intervistë me Gazetën Express.
“Në politikë, në fakt, natyrshëm jam kyçur, duke e pasur edhe trashëgimi familjare, si dhe duke qene njëra nder rrugët, që unë si individ, mund te jap kontributin tim ndaj vendit tim,” bën të ditur më tej.

Ndërsa e shpjegon edhe zgjedhjen e tij politike duke thënë se ”PDK-në e zgjodha, sepse PDK-ja ka përfaqësuar natyrshëm proviniencën te cilës i takoj. Roli i saj ne proceset historike, qasja e lidershipit ndaj gjeneratës se re dhe hapësira e veprimit ne kuadër te saj, janë arsyet kryesore pse i jam bashkuar, pavarësisht fenomeneve negative qe e kane prekur dhe qe mendoj se janë pasoje e te qenit ne pushtet. PDK-ja është fuqi e madhe politike dhe me kapacitete te mëdha te vetëkorrigjimit, do ta tregoje koha këtë.”

Andin Hoti thotë se nëse merr besimin e qytetarëve në Kuvend do të përfaqësojë rrugën që babai i tij kishte nisur dekada më parë, në të mirë të vendit. /Insajderi.com

Kryetari i Nismës, Fatmir Limaj, ka kërkuar nga struktura e partisë së tij në Prizren, që të mobilizohen për zgjedhjet e 11 qershorit.

Ai tha se këto zgjedhje janë të nevojshme për të mirën e qytetarëve.

Shtabi zgjedhor i Nismës në Prizren, ka premtuar se kërkesës së Limajt për mobilizim, do t’i përgjigjen pozitivisht në këto zgjedhje.

Kryetari i Degës, Zafir Berisha tha se angazhimi i degës në Prizren nuk do të ndalet deri në fitoren e projektit të Nismës./PrizrenPress.com/

Dega e partisë më të re në vend ‘Alternativa’ në Prizren ka bërë sot prezantimin e kandidatit për deputet në Kuvendin e Kosovës.

“Alternativa’ ka zgjedhur që të kandidojë ish- gazetarin Kastriot Jahaj, i cili së fundmi i është bashkuar kësaj partie.

Me këtë rast, Jahaj ka arsyetuar aderimin e tij në këtë parti, duke vlerësuar se është vendi i duhur nga ku mund të bëhet ndryshimi i rrënjësishëm i jetës së qytetarëve të Kosovës.

Sipas Jahajt ‘Alternativa’ që në nismën e saj është dëshmuar për transparencë dhe llogaridhënie.

“Alternativës bashkë me mua i janë bashkuar shumë të rinj e të reja politikanë pasiqë nuk pretendojnë të kenë një të ardhme politike në vend, por të cilët besojnë në institucione demokratike në institucione që i japin llogari qytetarit dhe ne këtë e kemi dëshmuar. Një parti politike e cila në të ardhmen do ti japë llogari qytetarit, duhet të bëjë publike veprimet e brendshme që i ka marrë për të ardhmen e qytetarit”, tha Jahaj.

Jahaj konsideron se tashmë vendit i duhen politikanë të rinj e me mendësi të re, meqë sipas tij, që nga paslufta në Kosovë qeverisin njerëzit e njëjtë dhe se të tillët nuk e kanë dëshmuar se kanë pasur prioritet jetën e qytetarëve.

Qytetarët sipas tij, tashmë kanë një zgjidhje dhe nuk kanë nevojë të votojnë politikanë të korruptuar apo ti riciklojnë figurat e vjetra politike.

“Qysh nga përfundimi i luftës Kosovën e udhëheqin politikanët e njëjtë, dhe ka ardhur koha për politikanë të rinj me institucione që garantojnë transaparencë. Jam kandidat Alternativës nga qyteti i Prizrenit, edhe ky qytet ka mundësi të zgjedh politikanë që kanë për qëllim përmirësimin e jetës së qytetarëve të vet”, tha Jahaj.

Duke u bërë thirrje qytetarëve të Prizrenit që të votojnë për koalicionin LDK-AKR-Alternativa, Jahaj tha se bashkëthemeluesit e kësaj të fundit Mimoza Kusari-Lila dhe Ilir Deda, janë dy figura të cilat e kanë dëshmuar vetën si në qeverisjen në nivelin qendror poashtu edhe në atë lokal.

Jahaj shtoi se marrëveshja e nënshkruar me Lidhjen Demokratike të Kosovës është në pajtueshmëri të plotë me programin dhe parimet qeverisëse të Alternativës të cilat garantojnë zhvillim të përshpejtuar ekonomik, sistem të drejtësisë të reformuar, luftë të pakomrpomistë kundër korrupsionit dhe krimit të organizuar, sistem të edukimit, si dhe marrëdhënie më të mira me rajonin dhe botën. /kp/

Një person e ka sulmuar fizikisht bashkëshorten duke i shkaktuar lëndime të lehta trupore, ku viktima ka pranuar tretman mjekësor në Qendrën Kryesore të Mjekësisë Familjare në Rahovec.

Lidhur me rastin është njoftuar prokurori i cili ka urdhëruar që i dyshuari të dërgohet në mbajtje