Numri i të vdekurve nga sulmet e koordinuara natën e kaluar terroriste në aeroportin kryesor të Stambollit – Ataturk, është rritur tani në 41, sipas Associated Press.
Agjencia citon një njoftim nga guvernatori i Stambollit që jep numrin e ri e të vdekurve.
Nuk është e qartë se cilat janë arsyet për rritjen e numrit e të vdekurve.
Kylie Jenner dhe Tyga janë përsëri së bashku dhe ai shkoi edhe në shtëpinë e saj.
Çifti i ri u nda shkurtimisht duke dhënë një intervistë se si romanca e reperit me 18 vjeçaren ka “errësuar” karrierën e tij, por duket se kjo gjë është rregulluar.
Kylie ka ndarë disa fotografi në llogarinë e saj në Snapchat, ku Kylie shihet duke i dhënë një puthje reperit në faqe në një kabinë të fotografive, në ditëlindjen e Khloe-së të hënën në mbrëmje.
Kylie gjithashtu ndau një foto me dorën e tij mbi kofshën e saj.
Tyga ka nxitur thashetheme se ai ishte kthyer me Kylie javën e kaluar, kur ajo e solli atë në premierën e famshme të klipit të Kanye West, dhe tani thuhet se çifti i ri po jetojnë së bashku në shtëpinë e Kylie-së në Los Angeles.
Një burim tha për Us Weekly: “Ata janë zyrtarisht së bashku dhe ai është duke qëndruar atje me të”.
Nëna e Beyonces, Tina iu është përgjigjur thashethemeve rreth pse vajza e saj kishte për të lënë BET Awards 2016 herët të dielën, pas performancës së saj të mahnitshme me “Freedom”.
Tina ka postuar një shpjegim të gjatë në Instagram, duke shpjeguar se ajo e ka keq intepretuar atë çfarë ka thënë në skenë duke pranuar një çmim për Beyoncen.
“Përshendetje njerëz, së pari më lejoni të them se unë kam një rrëmujë që më ka acaruar që nga nata e fundit. Fakti që unë gjoja kam gënjyer në lidhje me bijën time për koncertin e saj. Para se gjithash unë kam bërë një gabim gjatë ditës. Kam pyetur pse ajo ka për ta lënë shfaqjen dhe më është thënë nga një anëtar i stafit të saj se ajo duhej të ishte në orë për koncertin e saj dhe se ajo në të vërtetë duhej të ishte atje dy ditë më parë, pasi turneu nuk është mbajtur që një muaj. Ishte e hënë dhe qyteti ishte në Londër”.
“Unë pastaj dua të pyes se cila do të ishte arsyeja që unë do të gënjeja në publik duke e ditur se dikush mund ta shoh datën e koncertit. Çdo njeri me sens të mirë mund ta shoh. Jam e lënduar dhe e zhgënjyer, sepse unë e di se çfarë lloji të punës, sakrificës, kishte bërë ajo për këtë performancë”, vazhdoi Tina.
Bashkëpunimeve të shumta muzikore këtë verë, do t’i shtohet edhe një tjetër mes Big Mamës dhe Baboo Darabuka.
Artistët e njohur do të na sjellin shumë ritëm në projektin që tashmë është drejt finalizimit, shkruan GazetaExpress.
Alban Sejdiu nga Babo Darabuka për GazetënExpress zbuloi se kënga është shumë ritmike verore ndërsa gjithçka do të jetë gati në ditët e para të korrikut.
Për këngën është kujdesur Florent Boshnjaku dhe Ilir Berani, ndërsa videoklipi xhirimet e të cilit po bëhen sot në qytetin e Shkupit po realizohet nga Tomato Production.
Nxënësja Lyra Hoxha, nga Prishtina, ka përfunduar klasën e tetë në shkollën fillore “Elena Gjika”. Për dallim nga bashkëmoshatarët e saj, ajo nuk do t’i ndjekë mësimet e klasës së nëntë, sepse është avancuar në klasën e dhjetë pasi ka përfunduar me sukses të gjitha testet, bazuar në një udhëzimin administrativ për avancim të Ministrisë së Arsimit Shkencës dhe Teknologjisë.
Këtë sukses Lyra ua dedikon edhe mësimdhënësve të saj, të cilët, siç ka thënë për KosovaLive, ishin ata që propozuan avancimin e saj, e nxitën dhe e mbështetën që të ecë përpara.
“Në fakt mësimdhënësit ishin ata që më propozuan dhe ma zgjatën dorën për një shteg kaq të rëndësishëm për mua. Ata jo vetëm që më mbështetën, por edhe më nxitën që të eci përpara. Edhe shoqërisë i jam mirënjohëse për përkrahjen e vazhdueshme”, ka thënë ajo.
Lyra synon që shkollën e mesme të lartë ta vazhdojë në gjimnazin “Sami Frashëri” në Prishtinë, përkatësisht në drejtimin natyror, sepse, siç ka thënë ajo, është e orientuar në lëndët ekzakte si: matematikë, kimi e posaçërisht fizikë.
“Në mesin e pasioneve të mia do të përmendja shkrimin e eseve dhe muzikën. Por, mbi të gjitha pasioni im është shkenca, më konkretisht fizika. Andaj edhe merrem me aktivitete jashtëshkollore shkencore. Unë jam anëtare aktive në klubin e astronomisë ‘Astronomy Outreach of Kosovo’. Po ashtu, pëlqej që të marrë pjesë edhe në ligjërata të ndryshme”, ka shtuar Lyra. /KosovaLive
Zyrtarët turk kanë informuar se aeroporti ‘Ataturk’ në Stamboll është rihapur, pasi sulmi terrorist ka lënë të vdekur 36 persona dhe 147 të tjerë të lënduar gjatë natë së kaluar.
Kryeministri i Turqisë Binai Yildirim u tha gazetarëve se trafiku ajror është kthyer në gjendje normale dhe se “Aeroporti ynë ka qenë i hapur për fluturime dhe nisje nga ora 02:20 sipas kohës lokale), përmes një deklarate për media në mëngjesin e së mërkurës, shkruan NewYorkPost, transmeton Indeksonline.
Ndërsa faqja e internetit turk Airline ka thënë se “operacionet e fluturimit kanë rifilluar” dhe janë udhëzuar udhëtarët për të monitoruar informacionet aktuale të fluturimeve.
Dëshmitarët e sulmit terrorist në aeroportin e Stambollit thonë se kanë përjetuar momentet paniku dhe tmerri tek sa njerëzit luftonin për jetën e tyre.
Nga momentet dramatike të aeroportin “Ataturk”, ishte në gjendje të mbijetojnë polici, Ahmed Furkan Gürtuna, i cili në momentin e shpërthimit ishte në pjesën e kontrollit të pasaportave, raporton Reuters, transmeto Indeksonline.
“Unë pashë një terrorist teksa hynte në aeroport, ai mbante me vete një “AK-47” dhe filloi të gjuante në drejtim të civilëve. Policia turke donte ta vriste atë dhe pastaj dëgjova shpërthimin e bombës “, tha Gürtuna.
Duke folur për nivelin e sigurisë së aeroportit, ai thotë se siguria mendohej se ishte “e mjaftueshme” dhe se besonte se aeroporti i Stambollit ishte një ndër më të sigurtit se në vendet e tjera.
Pavarësisht masave të mëdha të sigurisë në aeroportin e tretë më të ngarkuar në Evropë, sulmuesit dëshironin ta merrnin kontrollin e terminalit të mbërritjes, dhe pavarësisht përpjekjeve të policisë për të vrarë atë, arriti të aktivizojë rripin shpërthyese.
Dëshmitarët okularë të cilët dëshironin të mbetej anonim tha se sulmuesit hapën zjarr në mënyrë të rastësishme, dhe menjëherë është krijuar panik dhe shumë të bërtitura nga udhëtarët të cilët vraponin të gjenin strehim, por ajo ishte shumë e vështirë.
“Unë isha duke punuar, kam qenë në ndërrimin e natës … kam parë e dëgjuar rreth dhjetë të shtëna armësh, atëherë dëgjova edhe shpërthimin e parë … u përpoqëm për të dal nga zyra dhe pastaj kemi dëgjuar një shpërthim të dytë … “, ka thënë një prej punëtorëve të aeroportit.
Një tjetër dëshmitarë ka thënë se pas shpërthimit ka para shumë njerëz të mbuluar me gjak dhe më e vështira ishte se askush nuk arrinim të lëviznim nga vendi për t’i ndihmuar ata që kishin nevojë.
Një njeri që ishte turist atje thotë se ka shpëtuar për një fije peri pasi plumbat i kaluan shumë afër, ai rrëfen edhe momente tragjike të fëmijëve të mbuluar me gjak.
“Nuk arrija ta besoja që po përjetonim një rast si ai, pash shumë njerëz me gjak të mbuluar ishte vet tmerri. Ajo që ende me rri para sysh janë disa fëmijë që qanin vazhdimisht dhe ishin në gjendje shumë të rëndë”, tha vizitori.
Të paktën 36 persona u vranë dhe rreth 150 u plagosën në këtë sulm nga tre terroristë, që pretendohet se ishin anëtarë të ISIS-it. /Indeksonline/
Mbrëmë në Aeroportin e Stambollit pati disa sulme terroriste që lanë të vdekur rreth 50 persona dhe 174 të lënduar, raporton Gazeta Kosova Sot Online.
Në mesin e viktimave që kanë humbur jetë kishte dhe fëmijë.
Kjo foto e publikuar në mediet ndërkombëtare e ka tronditur botën, në foto shihet një fëmijë i cili është i mbuluar i tëri më gjak pas sulmeve makabre që ndodhën mbrëmë së Stamboll, kjo foto tregon se jeta e fëmijëve nga terroristët është në rrezik, sulme të ngjashme kanë ndodhur edhe në Bruksel e Paris ku edhe aty shumë fëmijë ishin viktima të terroristëve.
Pas një pune tri javore, grupi hetimor i Stacionit të Policisë në Prizren ka arritur t’i identifikojë e më pas t’i arrestojë dy të dyshuar të cilët në bashkëveprim, në orët e vona të mbrëmjes të datës 5 qershor, kishin depërtuar me forcë në një shtëpi në fshatin Zhur dhe sipas pronarit, nga aty kishin vjedhur stoli të arta në vlerë rreth 6900 euro dhe para kesh rreth 1120 euro, shkruan PrizrenPress.
Policia Rajonale në Prizren thotë se të dyshuarit janë intervistuar nga hetuesit në prani të avokatit mbrojtës dhe në njërin rast edhe të një prindi pasi që njëri nga të dyshuarit është i mitur.
“Gjatë intervistës është bërë e ditur mënyra se si është kryer vjedhja dhe kush i ka përvetësuar gjësendet e vjedhura. Lidhur me rastin është informuar prokurori i shtetit i cili ka urdhëruar që i dyshuari me mbiemër Elezkurtaj të ndalet nën masën e arrestit policor”, njofton Policia.
Policia thekson se këta dy të dyshuar janë të njohur edhe për raste tjera. /PrizrenPress.com/
Pesë ambasadorë të Kosovës të emëruar që nga viti 2008 pritet të kthehen shpejt në Kosovë.
Tashmë Ministria e Jashtme e Kosovës, pas koordinimit me Presidencën dhe Qeverinë, do të nisë zyrtarisht tërheqjen fillimisht të pesë ambasadorëve të cilën janë në shërbimin diplomatik që në vitin 2008 dhe kanë arritur pothuajse dy mandate.
Gazeta Express mëson nga burime brenda MPJ-së se këta janë ambasadorët që do të kthehen në Kosovë:
Ambasadori Ilir Dugolli nga Suedia; Ariana-Zherka nga Cekia, Shkendije Geci nga Kroacia, Avni Spahiu nga Turqia dhe Nexhmi Rexhepi nga Sllovenia.
“Vendimet pothuajse janë marrë dhe do t’iu dërgohen shumë shpejt zyrtarisht secilit ambasador. Të gjithë këta ambasadorë kanë kryer një punë të jashtëzakonshme gjatë shërbimit të tyre diplomatik. Tani po arrijnë gati dy mandate dhe është koha për t’i kthyer në Kosovë, përkatësisht në MPJ. Edhe vendi do të përfitoj shumë nga përvoja e tyre pas kthimit dhe shërbimit që mund ti ofrojnë” i ka thënë burimi gazetës.
Me kthimin e tyre, dhe të disa ambasadorëve më parë që tashmë janë bërë publik, pritet edhe të nivelizohet numri i ambasadorëve që janë në shërbimin diplomatik. /Gazetaexpress