Modelja e njohur shqiptare, Angela Martini është duke shijuar pushimet e saj romantike në Ibiza.
Bukuroshja ka ndarë disa momente me fansat e saj në Instagram.
Ajo nuk e ka dëgjuar këshillën e të dashurit të saj për të mos publikuar fotot, meqë ato janë shumë seksi.
“Ai më tha të mos e postoja këtë sepse është shumë seksi. Kurrë mos e dëgjo” shkruan 30 vjeçarja krahë njërës fotografi ku shfaqet me bikini të bardha.
Motra e këngëtares së njohur, Mariah Carey, është arrestuar nën akuzën e prostitucionit.
Alison Carey u arrestua për përfitim parash në këmbim të favoreve seksuale pas një hetimi të fshehtë.
Ajo u dënua nga gjykata me burg ose mund të përfitojë lirinë me kusht nëse paguan 1000$.
Alison gjente klientët nëpërmjet internetit. Ajo postonte foto të ndryshme në të cilat shkruante: “Jam një zonjë e bukur në kërkim për djem që duan argëtim dhe kënaqësi. Këto mund t’jua ofrojë vetëm një grua me aftësi”.
Nga Akademik Rexhep Qosja
Ka kaluar një vit prej se Vija kufitare me Malin e Zi është bërë çështje politike dhe kombëtare për të cilën diskutohet në institucionet shtetërore, në partitë e Pozitës e të Opozitës, në organizatat joqeveritare, në takime e në tubime të qytetarëve dhe, sidomos, në mediet elektronike dhe ato të shtypit.
Ka kaluar një vit prej se ata që e kanë pranuar të ashtuquajturën Marrëveshje për Demarkacionin me Malin e Zi dhe bashkëmendimtarët e tyre mbledhin të dhëna, të shkruara e të trilluara, me të cilat duan të dëshmojnë se rreth 12 mijë, rreth 10 mijë, rreth 9 mijë, rreth 8 mijë e së fundi po thonë rreth 6 mijë hektarë tokë, në anën natyrore kosovare, i takojnë Malit të Zi, dhe i takojnë sepse, thonë ata, ishin, janë dhe duhet të jenë të asaj Republike!
Ka kaluar një vit prej se ata që janë kundër kësaj Marrëveshjeje, e quajtur Marrëveshja për Demarkacionin me Malin e Zi, mbledhin të dhëna, të shkruara, të mbajtura mend, të shënuara në krijimtarinë popullore, të shënuara prej një vargu historianësh tanë, me të cilat dëshmojnë se ata hektarë tokë, sado as këta ende nuk e dinë saktë se sa, nuk ishin, nuk janë dhe nuk duhet të jenë të asaj Republike.
Por, as ata që e kanë pranuar këtë Marrëveshje me bashkëmendimtarët e tyre e as këta që e kundërshtojnë këtë Marrëveshje nuk janë marrë, në asnjë rast, në asnjë mbledhje të Komisionit për Demarkacionin e në asnjë mbledhje të Kuvendit të Kosovës me një të dhënë tjetër: nuk janë marrë me të dhënën se populli shqiptar, me Ushtrinë e tij të quajtur Ushtria Çlirimtare e Kosovës, prej vitit 1997 e deri në vitin 1999 ka bërë luftë çlirimtare kundër pushtimit të Kosovës prej Jugosllavisë së mbetur, që nga viti 1992 deri në vitin 2003 e quajtur Republika Federale e Jugosllavisë, e përbërë prej Serbisë dhe Malit të Zi, kurse që nga viti 2003 e deri në vitin 2006 e quajtur Unioni Serbi – Mali i Zi.
Me këtë të dhënë tashmë historike është e kuptueshme pse nuk janë marrë dhe nuk merren pushtetarët dhe bashkëmendimtarët e tyre: nuk janë marrë dhe nuk merren ata që në Kosovë deshën s’deshën tani për tani po kryejnë detyrën që dikur e diku e kryente pseudoelita koloniale.
Por, me këtë të dhënë nuk janë marrë dhe nuk merren as në mbledhjet me Komisionin e Qeverisë për Demarkacionin me Malin e Zi, as në mbledhjet e Kuvendit as kundërshtarët e kësaj Marrëveshjeje, as bashkëmendimtarët e tyre, e as intelektualët e pavarur – ata që për këtë çështje po kryenin e kryejnë detyrën e klasës politike kombëtare dhe të inteligjencies kombëtare.
Pse do të duhej të merreshin e të merren me të?
Në luftërat ballkanike në vitin 1912 Serbia dhe Mali i Zi kanë pushtuar shumë toka shqiptare, në të cilat shqiptarët ishin ku popullsi e vetme e ku shumicë etnike. E në tokat shqiptare që në atë kohë do t’i pushtojë Mali i Zi do të përfshihet edhe një sipërfaqe mjaft e madhe e Kosovës, përfshirë këtu, natyrisht, edhe gjithë Rugovën!
Mali i Zi do të marrë pjesë edhe në kolonizimin e Kosovës midis dy luftërave botërore, por në këtë kohë pa identitetin shtetëror të cilin me dëshirën e një pjese të popullsisë ia kishte dhuruar Mbretërisë së Jugosllavisë. Numri i malazezve të sjellë si kolonë në Kosovë në atë kohë nuk ishte shumë më i vogël se ai i serbëve.
Ushtria Çlirimtare e Kosovës, e përkrahur prej Shteteve të Bashkuara të Amerikës – plotësisht dhe prej Bashkimit Evropian – pjesërisht, do ta çlirojë Kosovën në fillim të qershorit të vitit 1999 dhe do ta çlirojë prej dy pushtuesve të saj: prej Serbisë dhe prej Malit të Zi.
Si është e mundshme që tani, në vitin 2016, Malit të Zi t’i dhurohen pjesë të Kosovës të çliruara prej pushtimit të tij siç ishin çliruar pjesët e tjera të Kosovës prej pushtimit të Serbisë në sajë të luftës së UÇK-së?!
Si është e mundshme që tani, në vitin 2016, t’i dhurohen Malit të Zi ato sipërfaqe, që shtrihen në anën kosovare të vijës natyrore Kullë, Çakorr, Qafë e Diellit deri te kufiri me Shqipërinë, në të cilat nuk kanë jetuar as malazez, as serbë as farë etnie tjetër para as pas ardhjes së rugovasve, kelmendasve, në to?!
Po, është e mundshme: një të mundshme të tillë po e bëjnë ata që thonë, shikoni e dëgjoni ç’thonë, që thonë se me Marrëveshjen për Demarkacionin me Malin e Zi, domethënë me dhënien Malit të Zi të tokave etnike dhe historike shqiptare, sigurohen:
E para, sigurohet konsolidimi i shtetit, thuajse shteti mund të konsolidohet duke tjetërsuar pjesë të tij tokësore!
E dyta, sigurohet partneriteti me Shtetet e Bashkuara të Amerikës dhe me Bashkimin Evropian, thuajse ky partneritet duhet të sigurohet duke tjetërsuar sipërfaqe historike dhe etnike shqiptare?
E treta, sigurohet liberalizimi i vizave edhe për kosovarët, thuajse vizat e liberalizuara të shqiptarëve duhet të sigurohen duke tjetërsuar pjesë tokësore, thuajse udhëtimi i shqiptarëve të Kosovës pa viza në zonën Shengen duhet të blihet me tokë të Kosovës!
E katërta, sigurohet dëshmia se “në asnjë rast deputetët dhe qytetarët tanë nuk kanë vepruar kundër SHBA-së”, thuajse po nuk e votuan atë Marrëveshje për Demarkacionin me Malin e Zi deputetët e Kuvendit të Kosovës dhe shqiptarët e Kosovës do të bëjnë veprim kundër Shteteve të Bashkuara të Amerikës!
Nuk ka dyshim se me këtë gjuhë fyeshëm poltronizuese ndaj SHBA-së, ndaj shtetit më të fuqishëm botëror, të cilit nuk i nevojitet kurrfarë poltronizmi as prej ndonjë personi politik, as prej ndonjë partie, as prej ndonjë populli a ndonjë shteti, në njërën anë, dhe shantazhuese ndaj deputetëve të Kuvendit të Kosovës, në anën tjetër, mund të flasin vetëm ata njerëz të politikës, të cilët me frazeologjinë e tyre për integrimet euroatlantike, që i dëshirojnë gjithë shqiptarët, në të vërtetë po e mbulojnë “suksesshëm” despotizmin e tyre oriental në Kosovën e pushtuar prej korrupsionit dhe nepotizmit të tyre!
Është e çuditshme pse ata që e kanë pranuar Marrëveshjen për Demarkacionin me Malin e Zi, me të cilën e kanë keqësuar shumë, shumë gjendjen politike në Kosovë, dhe ata që po bëjnë përpjekje për ratifikimin e saj në Kuvendin e Kosovës, nuk po mendojnë, se, si me këtë Marrëveshje ashtu edhe me të dhënat e shkruara e të trilluara kadastrale për të arsyetuar atë dhe miratimin e saj në Kuvendin e Kosovës, pse ata, pra, nuk po mendojnë se kështu, me këtë Marrëveshje e me ato të dhëna, deshën s’deshën, jo vetëm se po i japin “të drejtë” Serbisë që të kërkojë t’i jepet edhe asaj çka po i jepet Malit të Zi – që t’i jepet toka e Kosovës, jo vetëm se po e cenojnë rëndë sigurinë e shtetit të Kosovës, por, në perspektivën historike, po fusin rrezik të madh në marrëdhëniet shtetërore midis Kosovës e Malit të Zi, në të vërtetë midis Kosovës e Shqipërisë (Shqipërisë së Bashkuar), në njërën anë, dhe Malit të Zi e Serbisë, në anën tjetër.
Për këtë arsye kufiri i ricaktuar me Marrëveshjen për Demarkacionin me Malin e Zi edhe mund të quhet kufi i konfliktit. Dhe mund të quhet kështu pikërisht sepse është kufi jonatyror, sepse është kufi i vënë në brendinë gjeografike natyrore të Kosovës, nën vijën bjeshkore Kullë – Çakorr – Qafë e Diellit – Kufi i Shqipërisë, sepse është kufi që cenon kushtet jetësore të popullsisë shqiptare si popullsi e vetme e Rugovës!
Ata që kanë menduar për paqe e jo për konflikte midis popujve dhe shteteve, është thënë edhe para meje prej ndonjërit nga ata që nuk pajtohen me Marrëveshjen për Demarkacionin me Malin e Zi, ata gjithmonë janë kujdesur që kufijtë midis tyre të jenë kufij gjeografikë natyrorë, kufij të majave të bjeshkëve, kufij të lumenjve, kufij të luginave. E Marrëveshja për Demarkacion me Malin e Zi e mohoi këtë përvojë shumëshekullore të zbatuar në Evropë e më gjerë, këtë përvojë shumë të çmuar që është shkelur zakonisht vetëm prej shteteve pushtuese dhe prej shërbëtorëve të tyre nga radhët e të pushtuarve.
Mund të thuhet, më tej, se me këtë Marrëveshje Kosovës, përpos pasigurisë, do t’i sillen dëme të mëdha edhe ekonomike: do t’i tjetërsohen pyje me rëndësi të jashtëzakonshme, e para, për shkak të bimësisë, në këtë kohë të rrezikimit të bimësisë në përpjesëtime botërore, shumë të çmuar dhe, e dyta, për shkak të pyjeve të shumta me vlerë të madhe për industrinë e drurit.
Mund të thuhet kështu sepse me këtë Marrëveshje do t’i tjetërsohen Kosovës kushte shumë të rëndësishme për blegtorinë.
Mund të thuhet kështu sepse me këtë Marrëveshje, me Marrëveshjen për Demarkacionin me Malin e Zi, do t’i tjetërsohen Kosovës vise me vlera të mëdha turistike, çfarë janë të rralla jo vetëm në Ballkan, por edhe në Evropë në përgjithësi.
Të shpresojmë, ndërkaq, se zyrtarët, që janë pajtuar me këtë Marrëveshje, që janë autorët e saj, do të mendojnë për të gjitha këto pasoja që ua sjell ajo shtetit të Kosovës dhe popullit shqiptar në përgjithësi, që ua sjell ajo ekonomisë së Kosovës, sigurisë së Kosovës dhe sigurisë së marrëdhënieve mes Kosovës e Malit të Zi, dhe do të heqin dorë prej presionit ndaj deputetëve dhe kërcënimeve ndaj Opozitës, sidomos, ndaj Vetëvendosjes.
Për fat, Mali i Zi, si shtet tashmë, i shkëputur pothuaj në të gjitha pikëpamjet prej tutorizmit të njohur të Serbisë, nuk është më ai Mali i Zi i dikurshëm, ashtu sikundër as Kosova nuk është më ajo Kosova e dikurshme. Mali i Zi është sot shtet me demokraci gjithnjë e më të zhvilluar. Mali i Zi është sot shtet me orientim të dëshmuar euroatlantik. Mali i Zi është sot shtet me rol të çmuar në rajon. Mund të shpresojmë, prandaj, se ky Mal i Zi, se udhëheqja politike e shtetërore e këtij Mali të Zi do të mendojë se nuk ka të drejtë as historike, as etnike, as kurrfarë të drejte tjetër, të kërkojë që të bëhen të tij pjesë natyrore, gjeografike, historike dhe etnike të shqiptarëve, në të cilat, e dinë mirë, se kurrë nuk kanë jetuar as malazez e as serbë.
Mund të shpresojmë, prandaj, se ky Mali i Zi, se udhëheqja politike e shtetërore e këtij Mali të Zi, do të mendojë, më në fund, për pasojat e sotme dhe për pasojat historike, sidomos historike, që ajo Marrëveshje, fort në kundërshtim me vullnetin e popullsisë së Rugovës dhe të popullit shqiptar në përgjithësi, do t’i sjellë sigurisë së Malit të Zi dhe sigurisë së Kosovës, që do t’u sjellë marrëdhënieve midis dy popujve.
Për të gjitha arsyet e sipërthëna kjo Marrëveshje për Demarkacionin me Malin e Zi nuk do të duhej të paraqitej në mbledhje të Kuvendit të Kosovës.
E në qoftë se, megjithatë, zyrtarët që janë pajtuar me të, e paraqesin, deputetët e Kuvendit nuk do të duhej ta votojnë atë Marrëveshje.
Për të gjitha arsyet e sipërthëna është obligim i tyre politik, historik, atdhetar, etik, që t’i thonë Jo kësaj Marrëveshjeje!
Ata, të cilëve u është dhuruar besimi i popullit për ta përfaqësuar, nuk duhet të lejojnë, nën kurrfarë kushtesh e trysnish, që emrave të tyre t’u ngjitet turpi i Ahmet Zogollit, i cili pushtetin e tij do ta blejë edhe duke dhënë toka të popullit të vet.
Vuthaj, 23.8.2016
Redaksia online
(e.r. / epokaere.com)
Mediat lokale italiane të qytetit të Breshës përcjellin sot historinë e një 15 vjecari shqiptar, i cili kishte nisur udhëtimin në këmbë nga Brindisi drejt veriut të Italisë me destinacion final Gjermaninë.
15 vjecari shqiptar me inicialet F.Q pasi kishte mbërritur me traget nga Shqipëria në portin e Barit, kishte udhëtuar në këmbë për 4 ditë rresht në drejtim të Veriut të Italisë.
Minoreni shqiptari kishte përshkruar 1244 km, derisa sa kishte mbërritur në provincën e Breshës.
Në rrugën që lidh komunat Castrezzato e Chiari, rreth orës 5 të pasdite së djeshme. 15 vjecari shqiptar është gjetur nga një punëtor po shqiptar, rezident në Castrezzato, i cili me makinën e tij po kthehej nga puna në shtëpi.
Sipas rrëfimit të punëtorit shqiptar 15 vjeçari F.Q ecte në buzë të rrugës në një zonë të shkretë e me sjellen e një personi që kishte humbur rrugën. Pasi e kishte pyetur nëse kishte nevojë për ndihmë, kishte kuptuar se nuk fliste italisht e në gjuhën shqipe, 15 vjecari shqiptar kishte treguar se kish udhëtuar i vetëm e në këmbë nga Bari deri aty në afërsi të Breshës.
Qëllimi i minorenit shqiptar ishte të mbërrinte në Gjermani duke kaluar përmes veriut të Italisë.
Punëtori shqiptar e ka dorëzuar minorenin në stacionin e Policisë rrugore të qytezës Chiari.
Në mbrëmje e djeshme 15 vjecari shqiptar është sistemuar në qëndrën për minorenë të pashpoqëruar Don Milani.
Nuk është hera e parë që një minoren shqipar i pashoqëruar mbërrin në territorin italian. Pak kohë më parë mediat italiane përcollën histroinë e dëshpëruar të një minoreni nga Shqipëria, i cili ishte braktisur nga nëna e tij sapo ksihte mbërritur në tokën italiane.
Minorenët e pashoqëruar me origjinë shqiptare janë një fenomen preokupues për autoritetet italiane. Ata renditen të vend të dytë në numrin e përgjithshëm të minorenëve që udhëtojnë të vetëm drejt italisë.
Por nëse minorenët e tjerë të huaj që gjënden në tookën italiane, vijnë nga zona lufta, e udhëtojnë me anije përmes Adriatikut, minorenët shqiptar largohen nga vendi i tyre në kërkim të kushteve më të mira ekonomike./Ora News/
Në fshatin Shirok të Suharekës, janë ka arrestuar dy persona të dyshuar të cilët kishin sulmuar zyrtarët policor gjatë implementimit të një plani operativë, thuhet në raportin e Policisë së Kosovës, shkruan PrizrenPress.
Në raport thuhet se gjatë arrestimit lëndime trupore ka pësuar zyrtari policor i cili ka pranuar tretman mjekësor.
Me urdhër të prokurorit pas intervistimit të dyshuarit janë dërguar në mbajtje. /PrizrenPress.com/
Partitë në pushtet janë të bindura se seanca për ratifikimin e Marrëveshjes për Demarkacionin me Malin e Zi duhet të mbahet, pavarësisht tensioneve dhe deklarimit të disa deputetëve të tyre se janë kundër kësaj marrëveshjeje. Megjithatë, krerët e shtetit vazhdojnë t’i thërrasin deputetët t’i lënë anash interesat personale dhe ta votojnë Demarkacionin me shtetin fqinj, duke siguruar se Kosova nuk e humb asnjë metër katror me këtë marrëveshje.
Deputetët e partive në pushtet theksojnë se seanca duhet të mbahet pavarësisht tensioneve, ndonëse, sipas tyre, ajo mund të shtyhet, por jo edhe të anulohet sepse deputetët duhet ta shprehin vullnetin e tyre me votë, pro ose kundër. Por, presidenti i Kosovës Hashim Thaçi shprehet i bindur se Demarkacioni do të kalojë.
“Nuk ka dështim, Demarkacioni do të kalojë, është marrëveshje e saktë, është e drejtë. Është në interesin e dyanshëm, është në interesin e konsolidimit të shtetit tonë, është edhe në interesin e frymës dhe agjendës euroatlantike për domosdoshmërinë edhe të liberalizimit të vizave, edhe të themelimit të Forcave të Armatosura të Kosovës”, ka thënë Thaçi, duke kujtuar përgjegjësitë e deputetëve.
“Tanimë dilema nuk ka, gjithçka është e qartë dhe pritet përgjegjësi e lartë e çdo deputeti që të dalë mbi emocionet e politikës së çastit apo mentalitetit provincial dhe të votojë në interes të shtetit”, ka shtuar ai.
Se duhet mbajtur seanca për ratifikimin e Marrëveshjes për Demarkacionin e thonë edhe deputetët e partive në koalicionin qeverisës. Deputeti i Lidhjes Demokratike të Kosovës, Sadri Ferati, thotë se presioni dhe tensionet nuk duhet të ndikojnë në punën dhe parimet e Kuvendit dhe deputetëve.
“Unë mendoj se tensionet nuk duhet të ndikojnë në principet dhe parimet e Kuvendit sepse pikërisht ata që bëjnë presion momentalisht, gjithmonë thirren në pavarësinë e punës së Kuvendit. Prandaj deputetët dhe Kuvendi duhet të jenë të pavarur dhe jashtë tensioneve për të debatuar dhe për të marrë vendimet e arsyeshme”, ka thënë Ferati, duke theksuar se seanca mund të shtyhet, por jo edhe të mos mbahet fare, pavarësisht deklarimit të disa prej kolegëve të tij se janë kundër kësaj Marrëveshjeje për Demarkacionin.
“Jo nuk e di a do ta bëjë të pamundur. Por mendoj që seanca duhet të mbahet, ajo mund të shtyhet, por seanca duhet të mbahet dhe nëse nuk ekziston vullneti i deputetëve, ata do ta tregojnë një vullnet, ose do të votohet, ose nuk do të votohet”, është shprehur ai.
Edhe analistët politikë theksojnë se shtyrja e seancës është blerje kohe, meqë nuk ka shmangie pa votimin e kësaj Marrëveshjeje për Demarkacionin.
Megjithatë, analisti politik Blerim Burjani thotë se koalicioni qeverisës është në krizë mes ratifikimit të marrëveshjes apo edhe shkuarjes në zgjedhje të parakohshme.
“Ky koalicion tërë kohën e përmend liberalizimin si kusht, në anën tjetër në fjalorin e tyre politik dominon presioni që kanë nga bashkësia ndërkombëtare. Pra, ky koalicion është duke u përballur me situata kritike për ekzistimin e tij si koalicion politik, ose ta ratifikojë marrëveshjen, ose nuk është larg mendsh të shkohet në zgjedhje të jashtëzakonshme, po qe se presioni ndërkombëtar rritet fuqishëm në raport me politikën vendore”, ka thënë Burjani, sipas të cilit shtyrja e seancës për ratifikimin e Demarkacionit është shtyrje kohe, pasi nuk ka shmangie nga ratifikimi.
“Shtyrja është blerje kohe, por s’ka shmangie nga ratifikimi. Prandaj ideja e shtyrjes është sikur ideja për të shkuar në zgjedhje më vonë, edhe pse realisht shtyrja mund të ndodhë një javë, por jo më shumë, pra pak ka fitim prej kësaj teme”, është shprehur ai, duke thënë se edhe shtyrja e seancës me konsensus është i vështirë, pasi që palët janë diametralisht të kundërta në qëndrime për këtë pikë./Zeri.
Analistë të politikës dhe fushës së drejtësisë shprehin habinë e tyre se pse iu deshën Prokurorisë së Shtetit që të presë 6 vjet pas kohës së përgjimeve të aferës “Pronto” dhe vetëm pas presionit të fuqishëm publik të vendosin për të filluar hetimet për këtë skandal.
Ata shfaqin dyshimin e tyre se këto përgjime më së paku mund të dëmtojnë figurat kryesore politike dhe nëntokës kosovare, pasi prokuroria ka pasur dhe ka edhe përgjime të tjera shumë më të rënda e më kriminale që implikojnë klanin “Ponto”, por dhe bizneset oligarkike, prapa të cilave qëndrojnë ata vetë. Thonë se po të mos ishin publikuar këto përgjime në mediet vendëse, sigurisht se edhe këto përgjime do të kalonin në heshtje dhe pa hapur as edhe një rast të vetëm.
Për këto përgjime me kohë ishte njoftuar deri në detaje ish-kryeprokurori Ismet Kabashi, i cili përmes po aferave dhe protagonistëve “Pronto” ishte emëruar në krye të Prokurorisë së Shtetit që nga viti 2010″. Madje, ka mendime të analistëve se vetë ish-kryeprokurori Kabashi me urdhër të grupit “Pronto” kishte bllokuar e mbyllur hetimet, kundërligjshëm dhe në dëm të interesave të qytetarëve dhe vendit, shkruan gazeta Kosova Sot.
Ata shprehën se edhe Kabashi duhet që të hetohet sa më shpejt nga Prokuroria e Shtetit për këtë rast dhe të gjitha rastet e tjera nga viti 2008-2014, porse ata pak besojnë se do të ndodhë kjo.
Analistët janë skeptikë edhe nisjen e hetimeve dhe ngritjen e aktakuzave ndaj politikanëve të lidhur me nëntokën, për të cilët dihet fare mirë se realisht këta mafio-politikanë janë pronarët e vërtetë të disa kompanive super të mëdha oligarkike dhe mbi ligjin, të cilët kanë përfituar qindra miliona euro në kurriz të qytetarëve. Veç saj, ata thonë se nuk pritet që të zbardhet fytyra dhe identiteti i plotë i pronarëve të vërtetë të këtyre mafiooligarkëve dhe mafio-politikanëve, të cilët janë në kontakt të përditshëm me këta të ashtuquajtur biznesmenë, që kanë të gjitha monopolet dhe kanë monopolizuar tregun kosovar.
Analistët shprehen se Prokuroria nuk do të ketë guximin që të bëjë aktakuzën e parë kundër mafio-biznesmenëve dhe mafio-politikanëve, figura të nivelit të lartë në Kosovë, të cilët realisht janë pronarët e këtyre bizneseve, që kanë marrë tregun kosovar në të gjithë sektorët më fitimprurës në Kosovë, madje edhe ato raste pa as edhe një investim nga ana e tyre.
Gjithashtu analistët janë skeptikë se Prokuroria e Shtetit do t’i kërkojë gjykatës autorizimin për leximin dhe hetimin e të gjitha tabulateve të përmbajtjeve e bisedave telefonike të grupit ‘Pronto’ që i kanë pasur si zyrtarë të lartë publikë me mafio-oligarkët financiarë për zhvatjet e qindra milionave të shtetit, që nga viti 2007 kur kanë ardhur në pushtet dhe deri më sot.
Vetëm një veprim serioz i prokurorisë do t’i detyronte oligarkët e vendit që të përballen me drejtësinë. Me gjithë pyetjet e dërguara në adresë të Prokurorisë së Kosovës për këto çështje, gazeta nuk ka marrë përgjigje ditën e diel. /Kosova Sot/
A e dinit se gjatë ejakulimit, sperma mund të shkojë deri në një largësi prej 29.7 centimetra. Ky është rekordi i vendosur deri më sot. Ndërkohë që më poshtë janë listuar disa prej kurioziteteve për spermatozoidet.
Nga çfarë përbëhet sperma?
91.8% është ujë. Në çdo një litër ka 45 gram proteina dhe 60 miligramë acid urik. Përveç kësaj ka edhe vitamina E, C dhe B12, fruktozë, acide dhe lipide.
A mund ta rrisësh sasinë e spermës?
Mesatarisht një mashkull ejakulon deri në një lugë çaji me spermë ose 3.5 centimetra kub. Nga puthjet dhe ledhatimet përpara seksit mund të rritet edhe sasia e spermës që derdhet. Sasia e spermës që derdhet gjatë aktit seksual është 20% më e madhe se ajo që derdhet gjatë masturbimit.
Sa spermë prodhon njeriu?
Gjatë gjithë jetës së tij, një person mesatar prodhon deri në 50 litra spermë. Ai ejakulon deri në 14 mijë herë.
Sa gjatë jetojnë spermatozoidët?
Në vaginë jetojnë disa orë, në qafën e mitrës deri në shtatë ditë, në testikuj deri në një muaj.
Sa të shpejtë janë spermatozoidët?
Tre deri në katër milimetra për minutë. Shpejtësia e derdhjes është 17 kilometra në orë.
A e bën kafeja spermën më të shpejtë?
Shkencëtarët e Universitetit të San Paolos kanë zbuluar se meshkujt që konsumojnë më shumë se tre kafe në ditë, e kanë spermën më të lëvizshme. Por kjo nuk është e provuar për burrat evropianë.
Sa spermatozoide ka një derdhje?
Deri në 600 milionë. Ato përmbajnë nëntë milionë gigabajt të dhëna, pra informacion gjenetik. Me të do mbusheshin hardrajverat e 1.5 milionë kompjuterëve.
Është sulmuar me granatë të dorës shtëpia e drejtorit të Radio Televizionit të Kosovës, Mentor Shala.
Persona tash për tash e kanë hedhur granatën e dorës në shtëpinë e Shalës në Matiqan.
Policia aktualisht ndodhet në vendin e ngjarjes duke bërë ekzaminimin e provave.
Sulmi ka ndodhur rreth orës 22 e 10 minuta, ndërsa nuk ka viktima, bën të ditur RTK.
Ditë më parë, objekti i RTK-së është sulmuar me granatë dore, nga persona ende të panjohur.
Besart Berisha zyrtarisht ka pranuar se do jetë pjesë e Kombëtares së Kosovës.
Lajmin e bëri të ditur përmes emisionit Koha Shtesë, të cilën e udhëheq Vlera Isufi Fetahu, e cila është edhe e afërmja e sulmuesit kosovar.
Nga tani Bunjaku mund të llogarisë në shërbimet e sulmuesit, i cili aktivizohet në ligën e Australisë.
Kujtojmë që Berisha nuk do luaj ndeshjën e parë mirëpo do jetë i gatshëm për Kroacinë. /Sportali.net