Teqja e Madhe Autoqefale Ballkanike ka kërkuar lirimin sa më të shpejtë të kryetarit të Aleancës për Ardhmërinë e Kosovës, Ramush Haradinaj.
Në komunikatën e dërguar për media kërkojnë lirimin e tij nga ndalimi, mbajtja dhe padrejtësia, që po i bëhet atij dhe mbarë luftës sonë për liri, nga një gjykatë franceze në Colmar.
“Lufta e UÇK-së ishte e pastër, e drejtë dhe çlirimtare. Këtë e ka dëshmuar edhe në dy procese të mbajtura ndaj tij në Tribunalin Ndërkombëtar të Hagës, vetë z. Haradinaj dhe shumë bashkëluftëtarë të tij”, vijon më tutje komunikata.
Aty po ashtu përshëndetet nisma e presidentit Hashim Thaci për dhënien e autorizimeve ushtarake Forcës së Sigurisë së Kosovës.