Kryetari i Komunës së Prizrenit, Ramadan Muja, dhe pesë ish-bashkëpunëtorët e tij kanë pranuar ftesat që të paraqiten në Gjykatën e Apelit më datën 14 të këtij muaji. Mirëpo pritet që të mërkurën të njoftohen për anulimin e kësaj seance në shkallën e dytë të gjyqësorit.

Kjo për arsye se Gjykata e Apelit pret një vendim nga Këshilli Gjyqësor i Kosovës për përbërjen e trupit gjykues që do të shqyrtojë rastin e Mujës dhe të të tjerëve, shkruan sot Koha Ditore.

Zyrtari për Informim në Gjykatën e Apelit, Arbër Jashari, ka konfirmuar se seanca në këtë gjykatë ka qenë e caktuar për datën 14 mars.

“Ftesat janë dërguar te palët për datën 14 mars. Por seanca është anuluar. Nesër (të mërkurën) palëve do t’u shkojë njoftimi për anulim”, ka thënë Jashari. Sipas tij, anulimi vjen për shkak se Apeli pret një vendim të Këshillit Gjyqësor të Kosovës.

Kryetari i Komunës së Rahovecit Idriz Vehapi, ka uruar me rastin e 8 marsit, Ditës Ndërkombëtare të Gruas.

Në urimin e tij Vehapi është zotuar se do të vazhdojë të luftojë çdo padrejtësi që iu bëhet grave, duke theksuar se ato përbëjnë gjysmën e popullsisë së Kosovës dhe botës.

Urimi i Vehapit
Sot është dita kur ne nderojmë nenat, gratë, motrat dhe vajzat tona. Është dita kur shprehim mirënjohjen e thelle ndaj atyre që me shumë sakrifica tregojnë çdo herë përkushtimin ndaj familjes dhe shoqërisë.

Në këtë ditë, zotohemi se do të vazhdojmë të luftojmë çdo padrejtësi që iu bëhet! Ato përbejnë gjysmën e popullsisë së Kosovës dhe të botës, janë të zonjat në çdo profesion, e mbi të gjitha janë të afta që me dashuri të madhe të bëhen baza e suksesit e secilës familje.

Nena, qofshi të bekuara! Fuqia juaj i duhet gjithmonë shoqërisë për të ecur përpara!Urime 8 Marsi – Dita Ndërkombëtare e Gruas!

Një person i dyshuar për shitblerje të drogës, është arrestuar në Prizren.

Policia njofton se pas arrestimit, i dyshuari është liruar me procedurë të rregullt.

“Njësiti për luftimin e trafikimit me narkotikë në Prizren, në mbështetje të njësive të tjera policore dhe me urdhër të gjykatës, ka bastisur shtëpinë e të dyshuarit mashkull K-Shqiptar, pasi që për të njëjtin ekziston dyshimi i bazuar se i njëjti merret me shitblerjen e lëndëve narkotike”, njofton PK.

“Gjatë kontrollit janë gjetur dhe konfiskuar 11.90 gramë substancë e dyshuar narkotike e llojit marihuanë, një peshore digjitale për matjen e narkotikëve, 2.6 gramë substancë e dyshuar narkotike e llojit kokainë si dhe letra dhe qese najloni që shërbejnë për mbështjellje të narkotikëve”.

I dyshuari është arrestuar dhe pas intervistimit është liruar në procedurë të rregullt./PrizrenPress.com/

Dy persona të dyshuar për detyrim të prostitucionit janë arrestuar në Prizren. Arrestimi i tyre është bërë me urdhër të Gjykatës Themelore në Prizren.

“Njësiti i hetimeve në bazë të urdhëresës së lëshuar nga gjykata ka arrestuar dy të dyshuar meshkuj K/Shqiptarë dhe janë konfiskuar si prova materiale: dy telefona , para në vlerë 250 euro dhe një veturë si mjet i kryerjes së veprës penale”, njofton PK.

Të dyshuarit, me vendim të prokurorit, dërgohen në mbajtje 48 orë.

Shef i grupit të kuvendarëve NISMA në Prizren, Skender Susuri vlerëson se Dita e mësuesit po politizoht në Prizren , si dhe në vendet e tjera të Kosovës.

“Se në Kosovë në përgjithësi, rrjedhimisht edhe në Prizren, kemi një politizim të skajshëm të çdo veprimtarie publike-shoqërore, duke përfshirë edhe arsimin si kategori e vacantë shoqërore, kjo është shumë e dukshme dhe për këtë fajësia bije mbi të gjithë, por padyshim më së shumti mbi ata që kanë udhëhequr me jetën publike dhe institucionale në Kosovë dhe bartësit e politikave arsimore, nga viti 2000 e në vazhdim. Por që do të politizohet edhe 7 marsi Dita e mësuesit, kjo është e skajshme, bile e pa etikë, e një gjë të tillë, po e bëjnë partite politike (s’paku disa prej tyre në Prizren) të cilat po organizojnë takime me veteran të arsimit dhe po ndajnë mirënjohje për ta, bile me simbolet e partive politike”, tha Susuri.

Mbi çfarë kritere apo moraliteti këto parti politike i ndajnë veteranët e arsimit, të kësaj apo asaj partie?- pyet ai/

“Veteranët meritojnë respektin e të gjithëve edhe të partive dhe liderëve të tyre politikë, por sigurisht me të tjera forma të mbështetjes dhe falenderimit, jo permes ndarjes së mirënjohjes për kontributin në arsim”.

“Besojë se të gjithë pajtohemi, se autoriteti për ndarjen e mirënjohjeve të tilla janë institucionet shtetërore, në rastin konkret DKA apo institucioni i kryetarit”.

“Përfundimisht një veprim i tillë më shumë i takon së kaluarës moniste, kur partia ishte vetë shteti”./PrizrenPress.com/