Lionel Messi pritet të bëhet futbollisti më i paguar në botë.

Zërave për një largim të mundshëm të Messit nga Barcelona në përfundim të stinorit po u vjen fundi, pasi që klubi katalanas shumë shpejt do t’i ofrojë atij një kontratë të re.

Siç shkruan e përditshmja spanjolle Mundo Deportivo, Barça ka përgatitur një kontratë pesëvjeçare për Messin, me një pagë prej 35 milionë eurosh në vit, që do ta bënte argjentinasin lojtarin më të paguar në botë.

Problemi i vetëm deri tani pse Messi nuk pranonte të vazhdonte kontratën ka qenë paga që i ofronte Barcelona, por me ofertën e re vështirë se pesë herë fituesi i Topit të Artë do t’i thotë jo një rroge të tillë.

Sonte mbrëma zhvillohet ndeshja kthyese mes Arsenalit kundër Bayern Munich në stadiumin ‘Emirates’ të Londrës.

Ndeshja e parë ka përfunduar në favor të gjermanëve me rezultat të thellë 5-1, shkruan Gazeta Metro.

Skuadra londineze do ta ketë të vështirë të kualifikohet dhe për këtë, Manuel Neuer ka shprehur bindshmërinë e tij se Bayern Munich do të kualifikohet lehtësisht, duke lëshuar disa fjalë thumbuese.

“Erdha në Londër për të bërë disa fotografi, sepse me Arsenalin është punë e kryer”, ka thënë portieri gjerman.

Gianluigi Donnarumma po refuzon kategorikisht të nënshkruaj kontratën e re me Milanin.

Sipas Calciomercato.com, portieri italian nuk do të vazhdoj kontratën me Rossonerët, e ardhmja e të cilit është ende pezull.

Mediat italiane shkruajnë se Juventusi dhe Manchester United do t’i nisin kontaktet me Mino Raiolan për ta bërë të vetin Donnarumman.

18-vjeçari ka marrëveshje me kuqezinjtë deri në verën e vitit të ardhshëm dhe aktualisht në treg kushton rreth 20 milionë euro.

Ndërkohë, shitja e skuadrës nga Milano është shtyrë pasi kompania kinez nuk ia ka transferuar parat presidentit, Silvio Berlusconi.