16 C
Prizren
E premte, 1 Gusht, 2025
type here...
Home Blog Page 6164

Gjykata e Krimeve të Rënda lë në burg Shukri Xhelilin

admin
-
0
Gjykata e Krimeve të Rënda lë në burg Shukri Xhelilin

Gjykata e Krimeve të Rënda konfirmoi masën e sigurisë “arrest me burg” për ish-kreun e Bashkisë së Dibrës, i shkarkuar nga detyra pak ditë më parë pasi dyshohet për “shpërdorim detyre” dhe “korrupsion pasiv”.

Xhelili u denoncua nga një 20-vjeçare, e cila pretendon se ai i ka kërkuar favore seksuale në këmbim të një vendi pune.
Pas video-skandalit, që u transmetua në televizionin Ora News, qeveria shqiptare mori vendim që të shkarkojë nga detyra kreun e Bashkisë së Dibrës, Shukri Xhelili.

Në filmimet e transmetuara, Xhelili i kërkon favore seksuale një vajze të re për një vend pune.

Të gjitha veprimet proceduriale janë kryer nën kryesimin e Prokurorit të rrethit Gjyqësor Dibër.

Seks në Eurovision, këngëtarja serbe në shtrat me këngëtarin britanik

admin
-
0
Seks në Eurovision, këngëtarja serbe në shtrat me këngëtarin britanik

Pjesëmarrjet e Serbisë në Eurovision tash e disa herë po përfundojnë në mënyrë skandaloze. Kësaj radhe, këngëtarja Sanja Vuçiç, thuhet se ka kryer marrëdhënie seksuale me përfaqësuesin e Britanisë së Madhe në këtë festival

Ballkani tash e shumë vite është pjesë e këtij festivali të madh europian. Mirëpo, kësaj radhe sipas mediave britanike, thuhet se pjesëmarrësja në Eurovision nga Serbia, Sanja Vuçiç, ka kryer marrëdhënie seksuale me britanikun Joe Woolford, i cili gjithashtu ishte pjesëmarrës në këtë festival duke përfaqësuar Britaninë e Madhe.

Mediat britanike thonë se këngëtarja serbe ka flirtuar me britanikun në ceremoninë e hapjes në Stokholm, ku më pas kishin përfunduar në dhomën e hotelit.

Këngëtari britanik Joe Woolford ka përformuar me këngën “You’re not alone”, duke përfaqësuar kështu Britaninë e Madhe.

Megjithatë, kujtojmë skandalin e fundit nga pjesëmarrësja e Serbisë në Eurovision në vitin 2007, Marija Sherifoviç, e cila në vitin 2007 e kishte fituar vendin e parë në këtë festival, por zyrtarët e Eurovisionit, e kishin kuptuar se ajo e ka vjedhur këngën nga këngëtarja shqiptare Soni Malaj.

Pas këtij zbulimi se kënga e Sherifoviç u vodh nga këngëtarja shqiptare, Eurovision vendosë që t’ia heq titullin e vendit të parë të këngës fituese./GazetaExpress/

Eqrem Kryeziu kujton Ukshin Hotin

admin
-
0
Eqrem Kryeziu kujton Ukshin Hotin

Ish-nënkryetari i LDK-së Eqrem Kryeziu ka kujtuar veprimtarin çështjes kombëtare, Ukshin Hotin.

Ai në llogarinë Facebook, ka treguar edhe për vizitat që Hoti ia kishte bërë gjatë studimeve në Beograd,transmeton PrizrenPress.

Postim në Facebook

Tubimet për Ukshin Hotin i përcjell me emocion të theksuar. Më nderonte me vizita të herëpashershme kur isha student në Beograd, ndërkaq ai ishte në studime pasuniversitare aty. Edhe i them vetes: E sheh? Nuk ishin të gjithë kuislingë!

Pusetat pa kapakë, rrezik për banorët e fshatit Korishë (Foto)

admin
-
0
Pusetat pa kapakë, rrezik për banorët e fshatit Korishë (Foto)

Pusetat e kanalizimeve kanë mbetur të hapura në trotuarin e rrugës në fshatin Korishë të Prizrenit. Ato po rrezikojnë jetën e banorëve të këtij fshati.

Artan Ukaj, banor i fshatit Korishë thotë se nga pusetat pa kapakë më të rrezikuar janë nxënësit.

“Mungesa e kapakëve pamundëson lëvizjen e lirë dhe rrezikon më së shumti jetën e nxënësve të shkollës”, thotë Ukaj.

Sipas tij, nxënësit e shkollës janë frekuentuesit më të shpeshtë të kësaj rruge.

“Kapakët prej betoni të vendosur në kanalin e ujit mbi trotuarë janë dëmtuar, dhe se askush nuk ka ndërmerr asgjë në rregullimin e tyre”, tregon Ukaj për “PrizrenPress”

Ai kërkon nga Kryesia e fshatit, por edhe nga Komuna e Prizrenit, që të marrin masa në vendosjen e kapakëve të pusetave.

“I bëj thirrje Kryesisë së fshati, dhe Komunës së Prizrenit, që të ndërmirren masa sa më shpejtë që është e mundur në eleminimin e këtij rreziku”, shprehet ai./PrizrenPress.com/

puseta2

Kosova sot dhe synimi i saj për të ardhmen

admin
-
0
Kosova sot dhe synimi i saj për të ardhmen

Shkruan: Zafir Berisha

Si produkt i abuzimit me pushtetin, i keqqeverisjes, i kriminalitetit dhe i monopoleve, Kosova sot radhitet ndër shtetet me : demokraci të brishtë, institucione të pabesueshme, ekonomi në vendnumërim,vend potencial për trafikim të qenieve njerëzore, drogave dhe kontrabandim të mallrave, papunësi në
rritje, administratë të politizuar dhe joefikase, arsim dhe shëndetësi jo cilësore, rrjedhimisht shumë larg përmbushjes së standardeve për liberalizim të vizave , integrim në Bashkimin Evropian dhe në NATO.

Partitë dhe elitat politike të cilat kanë “udhëhequr” me Kosovën nga viti 2000 e në vazhdim, në mungesë të dijeve, vizionit dhe vullnetit politik:

• Nuk arritën të ndërtojnë shtetin e së drejtës dhe të konsolidojnë demokracinë në Kosovë,
•Nuk arritën të garantojnë zgjedhje të lira e demokratike,
• Nuk arritën të sigurojnë zhvillim të qëndrueshëm ekonomik,
• Nuk arritën të ndërtojnë administratë efikase dhe profesionale,
• Nuk arritën të zhvillojnë sistem arsimor, shëndetësor dhe shërbime të tjera primare cilësore
• Nuk arritën të krijojnë mjedise ekologjike…

Kosova shtet demokratik parlamentar, e cila reflekton energji pozitive, jeton në paqe me vetveten dhe të tjerët, e zhvilluar ekonomikisht, me administratë funksionale, mjedise urbane dhe rurale të avancuara,arsim dhe shërbime shëndetësore cilësore, ambiente ekologjike dhe tërheqëse për investime e integruarnë Bashkimin Evropian dhe në NATO. .

Kosova, sot ka nevojë për qytetarë të vetëdijshëm të cilët nuk I nënshtrohen presioneve dhe shantazheve të krimit të organizuar në pushtet dhe për këtë duhet guxim qytetarë sepse fati I vendit dhe e ardhmja e fëmijëve tanë nuk guxon të mbetet në duart e matrapazëve dhe profiterëve të cilët e kanë kapur shtetin.
Kosova synon ndërtimin e një sistemi te mirëfilltë funksional dhe transparent të qeverisjesdhe administrimit në nivel qendror dhe lokal, një qeverisje e cila garanton autonominë dhe ndarjen e pushtetit në atë ligjvënës, ekzekutiv dhe gjyqësor. Mbi ketë bazë synon funksionalizimin e plotë te jetëspublike, politike, ekonomike, arsimore, kulturore etj. ne nivel vendi dhe atë lokal. Për materializimin e kësaj politike synojmë rritjen e vazhdueshme të kapaciteteve të administratës publike në kontekstinprofesional dhe të teknologjisë – informative me qëllim që e njëjta të jetë efektive, efikase dhe e përgjegjshme duke synuar:

• Krijimin e një rrjeti institucional efektiv ,
• Ofrimin e shërbimeve për qytetarët,
• Ndërtimin e partneritetit dhe krijimin e besimit,
• Përmirësimin e menaxhimit të resurseve njerëzore,
• Ngritjen e nivelit të organizimit, të aftësive, të kapaciteteve institucionale dhe individuale të
punëtorëve të administratës publike, duke inkorporuar edhe përpjekjet për rritjen e mundësive
buxhetore për të krijuar më shumë dinjitet dhe cilësi në këto shërbime,
• Transparencë dhe llogaridhënie
• Zhvillimin e teknologjisë informative dhe kompetencave të komunikimit.

Vataj hapi punimet e Simpoziumit Ndërkombëtar

admin
-
0

Në Universitetin “Ukshin Hoti” në Prizren të mërkurën ka nisë punimet Simpoziumi Ndërkombëtar me temë “Rëndësia e Arsimit Profesional në Botë”, ku po marrin pjesë studiues të shumtë të fushës.

Hapjen e punimeve të këtij simpoziumi e ka bërë Rektori i UPZ-së, Prof. Dr. Ramë Vataj, në cilësinë e nikoqirit. Në fjalën e tij Rektori Vataj theksoi se ka nderin dhe privilegjin që të bënë hapjen e punimeve të simpoziumit, duke i falënderuar partnerin e UPZ-së, Universitetin e Yalovës së Turqisë gjithashtu dhe këshillin organizativ. Ai theksoi se serioziteti i këtij simpoziumi vërehet edhe me pjesëmarrjen e 300 studiuesve kryesisht nga universitetet turke, të disa vendeve të tjera evropiane në mesin e tyre edhe nga Kosova.

Vataj theksoi se arsimi profesional është mundësi e mirë për rritjen e punësimit dhe mirëqenies së qytetarëve.

“Ne si universitet me shumë kënaqësi kemi pranuar ofertën që ky simpozium të mbahet në hapësirat e kampusit tonë, që njëherë ia mundëson qindra profesorëve dhe hulumtuesve nga vendet e ndryshme, përveç që të shkëmbejnë përvojat e tyre, të njihen edhe me kushtet të cila ne punojmë, të njihen me kulturën dhe traditen e pasura që ofron qyteti i lashtë dhe historik i Prizrenit”, theksoi Rektori Vataj duke shtuar se në Prizren do të gjejnë mikpritjen, kulturën dhe llojet e ushqimit që nuk dallojnë shumë nga Turqia.

Në fund Rektori Vataj uroi që nga ky Simpozium të dalin konkluzione të dobishme në mënyrë që ekspertët e arsimit profesional të përfitojnë nga këto përvoja dhe pastaj të hartojnë dokumente të rëndësishme për Ministrinë e Arsimit, që të përmirësohen kurrikulat dhe të rritet cilësia e programeve që mund të ofrojnë shkollat profesionale te ne në Kosovë.

Zv. Ministrja e Arsimit, Shkencës dhe Teknologjisë, Drita Statovci, e cilësoi si shumë të qëlluar organizimin e këtij simpoziumi me këtë temë mjaft të rëndësishme. Ajo shtoi se Kosovës i duhet të rritë kapacitet për të ofruar arsimim cilësor në këtë fushë për të siguruar kapital njerëzor të arsimuar për të zhvilluar vendin në të gjitha aspektet.

Edhe Mahir Yagcilar, Ministër i Administratës Publike e vlerësoi si shumë të rëndësishme mbajtjen e kësaj konference në UPZ, duke i dëshiruar suksese të gjithë pjesëmarrësve.

Kryetari i Këshillit të UMYOS-it dhe Prorektori i Universitetit të Yalovës, Rexhep Hayri Eren, e falënderoi Rektori e UPZ-së, Prof. Dr. Ramë Vataj për mundësinë e dhënë për bashkë organizim të këtij simpoziumi të rëndësishëm dhe shprehi besimin e tij se participuesit do të japin kontribut me punimet e tyre në këtë fushë. Simpoziumi do të vazhdoj punimet edhe në dy ditët në vijim.

Prokurori Hamitaga dyshohet se kërkoi ryshfet nga i akuzuari

admin
-
0
Prokurori Hamitaga dyshohet se kërkoi ryshfet nga i akuzuari

Prokurori i krimeve të rënda nga Prizreni, Bajram Hamitaga, tashmë është suspenduar dhe ndaj tij është ngritur hetim penal, pas pretendimeve nga një i akuzuar se zyrtari i ka kërkuar ryshfet

Dyshimet për korrupsion në Prokurorinë e Prizrenit, të ngritura nga i akuzuari Granit Paqarrizi dhe familjarët e tij, bënë që prokurori i krimeve të rënda Bajram Hamitaga të suspendohet nga detyra nën dyshimet se kishte kërkuar 5 mijë euro ryshfet.

E tëra kishte nisur më 2013-ën, kur Granit Paqarrizi ishte përfshirë në një përleshje masive ku pati edhe të plagosur nga armët e zjarrit. Granit Paqarrizi fillimisht u akuzua për armëmbajtje pa leje, për çka edhe ishte shpallur fajtor.

Mirëpo, pas kësaj në rrjetin social Facebook, prokurori Hamitaga ishte akuzuar nga pala tjetër se i kishte ndihmuar të akuzuarit Granit Paqarrizi. Pas këtyre akuzave, prokurori e kishte rihapur rastin duke e akuzuar për të dytën herë Granit Paqarrizin, mirëpo, kësaj radhe për veprën penale vrasje e rëndë në tentativë.

Pas akuzës së dytë, reaguan familjarët e Paqarrizit duke e akuzuar prokurorin Hamitaga se këtë e ka bërë në shenjë hakmarrje ndaj tyre, pasi që ata nuk kishin pranuar t’i jepnin pesë mijë euro të cilat ata thonë se prokurori ua ka kërkuar borxh, pasi djalin e kishte të sëmurë.

Sipas Granitit, Hamitaga ia kishte kërkuar të hollat babait të tij, Sadri Paqarrizit, pasi prokurori e kishte dërguar një kositëse bari për ta ndrequr te Sadriu./Kallxo.com/

 

Nxënës të shkollave fillore vizituan kryetarin e Rahovecit

admin
-
0
Nxënës të shkollave fillore vizituan kryetarin e Rahovecit

Kryetari i Komunës së Rahovecit Idriz Vehapi, ka pritur në takim nxënësit e katër shkollave fillore të Rahovecit, të cilët kanë marrë pjesë në njw kurs për avancimin e gjuhës angleze në qytetin e Sauth Devon në Angli, ku për një javë kanë ndjekur kurs dhe kanë vizituar disa qytete dhe fshatrat në pjesën e Devonit veror.

Nxënësit e njoftuan kryetarin me qëllimin e kësaj vizite, ku sipas tyre qëllimi i vizitës ka qenë avancimi i gjuhës angleze përmes një kursi intensiv me mësimdhënës Anglez, i cili ka zgjatur një jave.

Në kuadër te kursitkanë zhvilluar edhe vizita të ndryshme të qyteteve dhe fshatrave në pjesën e Devonit verior.

Qytetet të cilat janë vizituar janë: Barnstaple, Infracoombe, Woolacombe, Toorbay, fshatrat Lynton dhe Lynmuth dhe fshati i peshkatarëve Clovelly. Poashtu nxënësit kanë vizituar edhe oqeanin atlantik, muzeun e qytetit ne Barnstaple dhe muzeun e fshatit Clovelly.

Vehapi, i përgëzoj për vizitën e bërë në qytetin Sauth Devon të Anglisë dhe i premtoj se edhe në të ardhmen, Komuna do të i ndihmoj me mjete financiare për vizita të ngjashme apo edhe të tjera të cilat janë në interes të nxënëseve.

Në kursin i cili është ndjekur në qytetin Sauth Devon, kanë marrë pjesë 22 nxënës të moshave 13 dhe 14 vjeç të katër shkollave fillore si ShFMU“Bekim Sylka”, “Isa Boletini”, “7 Shtatori” dhe “Ardhmeria”, në qytetin e Rahovecit.

Për realizimin e vizitës së nxënëseve në Angli, ka ndihmuar edhe Komuna e Rahovecit e cila ka ndarë mjete financiare për realizimin e kësaj vizite

Sonte finalja e Europa League

admin
-
0
Sonte finalja e Europa League

Sonte në Basel, do të luhet finalja e madhe e Europa League-s.

Liverpooli i Anglisë dhe Sevilla e Spanjës, synojnë ta fitojnë trofeun e kësaj gare të madhe evropiane.

Skuadra spanjolle, e cila për të tretën herë radhazi është në finalen e kësaj gare, do të përballët me Liverpoolin e Jurgen Klopp, në një ndeshje që pritet të prodhojë lojë të fortë dhe dramatike.

Atmosfera në Basel duket se do të jetë fantastike, madje sipas mediave të huaja, tashmë tifozët e “Reds” janë duke krijuar atmosferë të zjarrtë në rrugët e Baselit.

Trajneri i Liverpoolit, Jurgen Klopp thotë se skuadra e tij ka mundësi të bëjë diçka të madhe në këtë sezon të garave.

“Kur erdha këtu ka pasur shumë dyshime rreth këtyre lojtarëve. Tani ata e kanë mundësinë të arrijnë diçka te madhe. Ta provojmë”, ka thënë Klopp.

Finalja mes Liverpoolit dhe Sevillës nis në orën 20:45.

Parandalohet vrasja, arrestohet 50-vjeçari

admin
-
0
Parandalohet vrasja, arrestohet 50-vjeçari

Policia e Dibrës ka njoftuar se ka parandaluar përshkallzimin e një konfikti të hershëm për motive të dobëta.

Në orët e para të mëngjesit të sotëm u bë arrestimi në flagrancë i shtetasit Shkëlqim Murrja, 50 vjeç, lindur dhe banues në fshatin Lishan i Epërm, si dhe filloi procedimi penal në gjendje të lirë për shtetasin djalin e tij 16-vjeçar.

Arrestimi në flagrancë dhe procedimi penal filloi për veprën penale të plagosjes së lehtë me dashje në bashkëpunim. Babë e bir kanë goditur me sende të forta shtetasin Rr.S., 22 vjeç, duke i shkaktuar dëmtime në kokë.

Mes këtyre dy familjeve, Murrja dhe Skuka, vazhdon një konflikt i hershëm për të cilin shtetasi Shkëlqim Murrja më datën 10.01.2016 është arrestuar nga Policia e Dibrës si i dyshuar për veprën penale të shkaktimit të vetëvrasjes së shtetases A.S. e cila është dhe motra e shtetasit Rr. S.

Shtetasi Shkëlqim Murrja po hetohet në lidhje me këtë vepër penale dhe ndaj tij ka një masë sigurimi personal, ajo e detyrimit për t’u paraqitur në Policinë Gjyqësore./TCH/

1...6 1636 1646 165...8 801Page 6 164 of 8 801

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne