Ish-deputeti i LDK-së Eqrem Kryeziu, ka reaguar ashpër ndaj deklaratës së Kryeminstrit Isa Mustafa, i cili gjatë ditës së sotme e qujati demokraci votimin “kundër” të pjesëtarëve të LDK-së, raporton GazetaBlic.
Kryeziu e ka krahasuar Mustafën me ministrin e Stalinit, i cili për ta bërë sa më konkret, ka sjellë një shembull të një deklarate të tij.
Më poshtë e gjeni të plotë shënimin e Kryeziut, bashkë me dy shembujt krahasues:
Pas fitores së bolshevizmit në Rusi, prona Jasnaja Poljana e Tolstoit, ku jetonte e vepronte shkrimtari, u shndërrua në një koloni shkrimtarësh bolshevikë.
Ministri i kulturës i Stalinit u ngrit në foltoren e Konventës /edhe ata kishin konventë/ së shkrimtarëve të Bashkimit Sovjetik:
– Është turp ajo që dëgjohet e flitet jo vetëm në botën e degjeneruar borgjeze të Perëndimit, besa aty-këtu edhe nën diellin tonë të Stalinit. Dhe flitet me adhurim për atë plak të sëmurë – Leon Tolstoin. Por le ta dijë bota mbarë se pikërisht në Jasnaja Poljana jetojnë e shkruajnë veprat e mrekullueshme për parajsën staliniste hiç më pak se 60 autorë të rinj.
Kështu foli dhe shoku Isë pas Konventës private: “Një Konventë e suksesshme e LDK-së. Vendime me përkrahje unanime. E padrejtë është që fokusimi të jetë në më së shumti pesë njerëz që votojnë kundër. Nuk mashtrohet as opinioni e aq më pak LDK-ja. Pesë vota kunër flet për demokraci te ne…”.