Kryetari i Komunës së Rahovecit Idriz Vehapi, ka pritur në takim nxënësit e katër shkollave fillore të Rahovecit, të cilët kanë marrë pjesë në njw kurs për avancimin e gjuhës angleze në qytetin e Sauth Devon në Angli, ku për një javë kanë ndjekur kurs dhe kanë vizituar disa qytete dhe fshatrat në pjesën e Devonit veror.

Nxënësit e njoftuan kryetarin me qëllimin e kësaj vizite, ku sipas tyre qëllimi i vizitës ka qenë avancimi i gjuhës angleze përmes një kursi intensiv me mësimdhënës Anglez, i cili ka zgjatur një jave.

Në kuadër te kursitkanë zhvilluar edhe vizita të ndryshme të qyteteve dhe fshatrave në pjesën e Devonit verior.

Qytetet të cilat janë vizituar janë: Barnstaple, Infracoombe, Woolacombe, Toorbay, fshatrat Lynton dhe Lynmuth dhe fshati i peshkatarëve Clovelly. Poashtu nxënësit kanë vizituar edhe oqeanin atlantik, muzeun e qytetit ne Barnstaple dhe muzeun e fshatit Clovelly.

Vehapi, i përgëzoj për vizitën e bërë në qytetin Sauth Devon të Anglisë dhe i premtoj se edhe në të ardhmen, Komuna do të i ndihmoj me mjete financiare për vizita të ngjashme apo edhe të tjera të cilat janë në interes të nxënëseve.

Në kursin i cili është ndjekur në qytetin Sauth Devon, kanë marrë pjesë 22 nxënës të moshave 13 dhe 14 vjeç të katër shkollave fillore si ShFMU“Bekim Sylka”, “Isa Boletini”, “7 Shtatori” dhe “Ardhmeria”, në qytetin e Rahovecit.

Për realizimin e vizitës së nxënëseve në Angli, ka ndihmuar edhe Komuna e Rahovecit e cila ka ndarë mjete financiare për realizimin e kësaj vizite

Drejtori i Institutit Demokratik të Kosovës (KDI), Ismet Kryeziu, ka thënë të martën se paaftësia e klasës politike aktuale për dialog dhe konsensus më të gjerë politik dhe shoqëror tani është bartur në stagnim dhe pengesë të zhvillimeve dhe nevojave urgjente si në planin e brendshëm ashtu dhe në rrafshin ndërkombëtar.

Në një intervistë për “Epokën e re” ai ka vlerësuar se partitë politike, ato në pushtet dhe ato në opozitë, duhet të reflektojnë përgjegjësi për veprimet dhe obligimet shtetërore jo në bazë të agjendave partiake.

“Nevoja për përmbushjen e aspiratave evropiane të qytetarëve të Kosovës duhet t’i bëjë subjektet politike të përkushtuara dhe udhëheqëse të fuqishme në këtë proces, e jo penguese për shkak të interesave të ngushta të liderëve institucionalë e partiakë. Opozita, edhe pse e ushtron të drejtën politike të bojkotit si veprim politik, duhet dhe mund t’i kthehet jetës parlamentare në çështjet shtetërore në të cilat vlerëson se kontributi i saj do të ndihmonte që Kosova të përmbushte vlera të synuara europerëndimore”, ka deklaruar Kryeziu.

Ai ka thënë se kushtëzimet për përmbylljen e demarkacionit me Malin e Zi dhe përdorimi i tij si kusht për liberalizimin e vizave nuk janë të vullnetit të BE-së, por instrumente trysnie, ngaqë institucionet e Kosovës dhe partitë politike po dështojnë t’i japin një epilog transparent dhe gjithëpërfshirës këtij procesi.

“Mendoj se Bashkimi Evropian, edhe pse me vonesë, më në fund u është rikthyer për mbështetje më të fuqishme kërkesave të qytetarëve të Kosovës, duke ushtruar presion dhe ndikim në efikasitetin e institucioneve të Kosovës, të cilat në masë të madhe kanë qenë injoruese dhe joefikase për t’i adresuar kërkesat e shoqërisë sonë në luftë kundër krimit të organizuar dhe korrupsionit”, ka theksuar ai.

Kryeziu ka folur edhe për reformat në partitë politike si dhe për krijimin e një subjekti politik. Ai ka vlerësuar se mbyllja e secilit subjekt politik dhe rezistenca ndaj reformës, rrezikojnë që partitë të shndërrohen në grupe jopërfaqësuese dhe jokonkurruese në skenën politike. Kryeziu ka mirëpritur paralajmërimin për krijimin e një subjekti politik, duke thënë se është një numër i madh i qytetarëve të cilët nuk e gjejnë veten të përfaqësuar në partitë politike aktuale.

“Kjo jo vetëm se e bën të nevojshme lindjen e një subjekti politik, por është premtues edhe për ndikimin në reformimin e partive aktuale”, ka theksuar Kryeziu. /Epoka e re/