Deputeti i partisë “Nisma për Kosovën” dhe njëri nga kritikuesit më të mëdhenj të koalicionit qeverisës PDK-LDK, Zafir Berisha, ka nisur një mision të vështirë dhe për shumëkënd vështirë të realizuar. Ai po mundohet t’i ribashkojë partitë opozitare, “Vetëvendosjen”, AAK-në dhe “Nismën”, në një front të përbashkët kundër Qeverisë “Mustafa”. Por pas thyerjes së heshtave ndërmjet LVV-së dhe AAK-së, ribashkimi konsiderohet “mision i pamundur” i Berishës.

Përderisa Lëvizja “Vetëvendosje” nuk ka dhënë qëndrimin e saj për këtë çështje, pavarësisht insistimit të “Zërit” për të marrë një përgjigje, në AAK nuk japin shumë shpresa për ribashkim me “Vetëvendosjen”.

Ndërkohë analistët politikë në vend vlerësojnë se ribashkimi i opozitës është i domosdoshëm nëse këto subjekte mendojnë ta largojnë nga pushteti koalicionin aktual qeverisës.

Deputeti i “Nismës”, Zafir Berisha, ka thënë për “Zërin” se edhe pas ndarjes së AAK-së e “Nismës” me “Vetëvendosjen” ka vazhduar të mbajë kontakte të vazhdueshme me përfaqësuesit e subjekteve opozitare dhe, sipas tij, deri në shpalljen e zgjedhjeve të reja nuk përjashtohet mundësia e formimit të bllokut të bashkuar opozitar.

Berisha ka thënë se është ithtar i bashkimit të opozitës, pasi, sipas tij, në atë mënyrë do ta largonin nga pushteti koalicion aktual qeverisës. /Zëri/

Në qytetin ku ajo e bën punën e saj*, shumica e njohin njëri-tjetrin. Është ndër ato qytete ku ndodhin shumë organizime, e vala e jetës normale nuk ka se si të ndalet. Afërdita, mbi të 40-at, e hap lokalin e saj qysh në mëngjes dhe kësisoj e shijon këtë kohë të ditës duke mos pasur klientët që më vonë i vijnë për vajzat që ajo ka punësuar. Nëse mëngjesi nuk shkon me çaj, gjithmonë ekziston mundësia e alkoolit. Ka mbi dhjetë vite që ajo e mban këtë lokal ku nuk ushtrohet prostitucion. Meshkujt e moshave të ndryshme vijnë më shumë në orët e pasdites, shumë prej tyre të gatshëm t’i shkojnë punës deri në fund.

Në këtë lokal, Afërdita tregon, ka vetëm prekje dhe shkëmbim të të hollave.

“Lokale të tilla nëpër këtë qytet ka sa të duash. Poshtë restorante, lart motele. Këtu vetëm vijnë sa të bëjnë pak hajgare me ne, ndërrojmë llafe, gjithçka është e sigurt”, tregon Afërdita.

Atë vetë e kanë provokuar meshkujt e moshave të ndryshme. Në qytetin ku punëtorët e seksit po lulëzojnë, 15-vjeçarët, 35-vjeçarët dhe edhe 50-vjeçarët janë në thesin e njëjtë të dëshirës për të kaluar pak kohë me një vajzë a grua, në këmbim të parave, në cilësinë e klientit, shkruan sot gazeta ‘Zeri’.

Java, që po mbetet pas, është karakterizuar nga akuza serioze dhe përçarje që janë bërë publike, për interesa të caktuara grupore e klanore, mes zyrtarëve të dy partive politike në koalicion, PDK-së dhe LDK-së, e që ndërlidhen me spastrime politike të njerëzve nëpër dikastere të caktuara në institucionet e shtetit.

Njohësi i afërm i këtyre zhvillimeve, prof. Riza Smaka, këtë përplasje të javës, e cila vjen në një situatë të thellimit të krizës politike edhe sa i takon vendosjes së fatit të marrëveshjes së Demarkacionit të kufirit me Malin e Zi, e sheh si një sinjal serioz, prapaskena e të cilit është gatishmëria e dyanshme e partnerëve në koalicion për t’i dhënë fund lidhjes së tyre politike për interesa të caktuara, dhe për të shkuar në zgjedhje të jashtëzakonshme.

“Ky koalicion është ndërtuar si i panatyrshëm dhe joserioz, që nga fillimi. Ai paraqet vetëm interesat e individit, e në këtë rast të kryeministrit aktual Isa Mustafa, i cili ka shkelur mbi të gjitha premtimet e tij publike, madje e ka tradhtuar dhe e ka mashtruar rëndë edhe elektoratin e tij vetëm për të arritur një qëllim, që ta marrë pozitën e kryeministrit”, tha prof. Riza Smaka për “Kosova Sot”.

Ndërkaq, Muhamet Kelmendi thotë: “Nuk mund të mendohet se Kadri Veseli dhe grupimi rreth tij kanë durim për të pritur vitin 2018 të zgjedhjeve, mu për faktin se janë të etur pas posteve qeveritare dhe këndej pritet fërkimi dhe pëlcitjet”. /Kosova Sot/

Nënkryetari i Komunës së Prizrenit, Lulzim Kabashi, ka deklaruar në emisionin “Euro Tribuna” se koalicioni që ekziston në nivel lokal mes PDK-së dhe AAK-së, është në nivel teknik dhe nuk bëhen politika të nivelit qendror. Mirëpo, thotë se në anën politike janë kundërshtarë.

Kabashi ka folur edhe për anashkalimin e nivelit qendror që po ia bënë kësaj komune, duke thënë së Komuna e Prizrenit nuk po trajtohet si duhet.

Sipas tij, nga niveli qendor kanë kërkuar para për projekte por nuk po gjejnë përkrahje.

E, sa i përket qendrës historike të Prizrenit, Kabashi ka thënë se ka shumë objekte që duhet të trajtohen.

Nënkryetari i Komunës së Prizrenit, Lulzim Kabashi, ka deklaruar në emisionin “Euro Tribuna”, në Tribuna Channel me Menduh Abazin se kryetari i Prizrenit, Ramadan Muja po akuzohet për vepra që nuk janë të vërteta.

Sipas tij nuk është lehtë që të shkohet më së paku 60 herë në gjykatë.

Kabashi, ka thënë se nuk ka të drejtë askush ta akuzoj për këto vepra që po flitet. Ai ka thënë se kjo është një propagandë armiqësore.