Kandidati i Partisë Demokratike të Kosovës, Bedri Hamza, në tubimin elektoral në Malishevë u ka bërë thirrje që më 9 shkurt të dalin në zgjedhje e ta votojnë PDK-në që tha se është parti që ka vizion e program për ta ndryshuar Kosovën.

Hamza, tha se fokus kryesor e kanë zhvillimin ekonomik e krijimin e vendeve të punës për të rinjtë e të rejat, që të mos e shohin si mundësi të vetme jetën jashtë Kosovës.

Kandidati i PDK-së për kryeministër, përsëriti edhe në Malishevë premtimin e tij se në fillim të mandatit do t’i rritë pagat për 50 për qind.

“Do t’i rritim pagat 50 për qind në fillim të mandatit, për të gjithë, për 84 mijë njerëz që realizojnë paga përmes buxhetit të Kosovës. Do t’i rritim pensionet 70 për qind. Do t’i rritim pensionet për kategoritë e dala nga lufta. Ne, nuk do t’i detyrojmë familjet e dëshmorëve të zgjedhin mes pensionit të moshës dhe të dëshmorit, por do t’i marrin të dyja”, tha ai .

Ndërkaq, kryetari i Degës së PDK-së, njëherësh kandidat për deputet, Mevludin Mazreku tha se ata kanë një program të qartë,  përplot argumente, derisa shprehu bindjen se PDK do të dalë fituese me 9 shkurt.

Gjatë ditës së sotme nën udhëheqjen e kryesuesit të Kuvendit Komuna, Arbër Zenuni, Komuna e Rahovecit, ka mbajtur seancën e parë të rregullt për këtë vit kalendarik.

Të pranishëm në seancë përveç shumicës së anëtarëve të kuvendit komunal, i pranishëm poashtu ishte edhe Kryetari i Komunës Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë, mediat që monitorojnë seancën dhe përfaqësuesit e LMT-së.

Nga nesër (01.02.2025) në Kosovë do të hyj në fuqi dhe do të nis së zbatuari Lista e çmimeve të barnave në vend.

Ministria e Shëndetësisë, më 23.12.2024, kishte publikuar Listën e çmimeve të barnave me detyrim të zbatimit në tregun e Kosovës nga data 01.02.2025.

Ministri i Shëndetësisë, Arben Vitia tha se pret një ‘tronditje të lehtë’ të tregut por që tha se janë të vendosur në zbatimin e ligjit.

 

 

“E kuptoj që është sfidë dhe se në fillim do të ketë tronditje të lehtë të tregut por ne jemi të vendosur që të zbatojmë këtë ligj… muajt e parë pres tronditje të lehtë deri në stabilizimin e plotë”- tha ai në konferencë për media pas mbledhjes së Qeverisë më 31.01.2025.

Vitia përmendi se është një pjesë e kompanive, distributorëve dhe bartësve të autorizim marketingut të cilët nuk kanë paraqitur çmimet e barnave të tyre për të cilët ministri tha se do të ketë sanksione.

“Është interesant se ky shqetësim do të duhej të vinte nga Shoqata e Distributorëve më shumë sesa nga Oda e Farmacistëve. Po, është e vërtetë që një pjesë e kompanive, distributorëve, bartësve të autorizimit të marketingut nuk kanë aplikuar në dritaren për aplikim për çmimet e barnave dhe natyrisht se do të merren masa adekuate sipas ligjit në fuqi. Do të bëhen sanksione ndaj tyre që nuk e kanë shfrytëzuar këtë të drejtë dhe hapjen e kësaj dritareje. Por, në anën tjetër do të hapen dritare të reja për të gjitha kompanitë që të aplikojnë për çmimet e barnave të tyre”– tha ai.

Vitia u ka bërë thirrje për bashkëpunim të gjithë akterëve në këtë proces ndërsa ka njoftuar se sot do të takohet me Inspektoratin Farmaceutik.