Vajza e këngëtares së njohur Eli Fara, Marina është duke promovuar veten në rrjetet sociale duke paraqitur format e saj.
Ajo nuk ka zhgënjyer as këtë herë, kur është shfaqur më se provokuese në fotot e fundit të postuara në Facebook, duke ekspozuar gjoksin bombastik të saj, këmbët e bukura, por edhe tiparet e fytyrës së saj joshëse.
Në Prizren ka filluar edicioni i 14 i ngjarjes më të madhe kulturore Dokufest.
Të inspiruar nga vala e madhe emigrantëve kosovarë të cilët përgjatë vitit u drejtuan kah shtetet e ndryshme evropiane, por edhe nga mijëra emigrantë që po ikin nga konfliktet dhe krizat në Lindje të Mesme, organizatorët vendosën që tema e sivjetme e Dokufestit të jetë migrimi.
Edicioni i 14, të shtunën u hap me filmin “Those Who Feel the Fire Burning”, të Morgan Knibbe. Filmi tregonte luftën e njerëzve në kërkim të një jete më të mirë diku tjetër.
Gjatë ceremonisë hapesë, drejtori artistik i DokuFestit, Veton Nurkollari, foli për veçantitë e edicionit të sivjetmë ku përfshihen programe filmi, diskutime e punishte tashmë tradicionale.
Karakteristik e edicionit të sivjetmë është numri rekord i mbi 3.000 aplikacioneve të filmave dokumentar dhe të shkurtër, si dhe paneleve e punëtorive që kërkuan të ishin pjesë e këtij festivali.
Por gjatë edicionit të 14, të Dokufestit do të prezantohen 228 filma nga 43 vende në 6 programe garuese dhe një numër të programeve speciale si Balkan Dox, International dox, Green dox, ; Human rights dox, International shorts dhe Gara kombëtare.
Në DokuFest po ashtu do të prezantohen një numër rekord të filmave shqip nga artistë kosovarë, shqiptarë dhe ata që jetojnë jashtë këtyre dy vendeve. Festivali do t’i bëjë homazh njërit prej krijuesve më të mëdhenj të kinematografisë, Albert Maysles, me shfaqjen e gjashtë filmave të tij.
Pos filmave çdo natë deri më 16 gusht programi në kuadër të Dokufestit, DokuNights do të sjell program fantastik muzikor.
DokuFest e nisi udhëtimin e tij në vitin 2002, me shfaqjen e një numri të madh filmash me artistë nga rajoni dhe bota. Tani në edicionin e vet të 14, DokuFest hynë në listën e 25 festivaleve më të mira në botë.
Festivali i filmit ndërkombëtar në Prizren, përfundon me 16 gusht
Sinan Kërpaçi
Razi Brahimi ka lënë pas edhe letërsinë e tij origjinale në librat “Tregime”, “Katër vajza”, “Zgjim Pranveror”, “Kthesa të forta” e “Larg familjes’
Vdiq Razi Brahimi, miku im i madh dhe miku i të gjithë dashamirësve të letërsisë, vdiq një kritik letrar mendjendritur, ai që e torri fjalën shqipe në një mendim unikal krejt të pa varur me shumë dashuri për artin.
Raziu lindi në Delvinë në vitin 1931 në një familje të ardhur nga fshati Zhulat i Gjirokastrës. Po në këtë qytet kaloi fëmijërinë dhe u ul në bankat e shkollës për herë të parë e për të mbetur nxënës kokëulur gjithë jetën e tij. Këtu Razi Brahimi ra në kontakt për herë të parë me letersinë, këtu i lexoi librat e parë, këtu ai arshivoi kujtimet e fëmijërisë për t`i marrë pastaj me vete si hamall gjithë jetën në kurriz e për të shkruar letërsinë e tij. Nga ky qytet u nis Raziu për të ndjekur shkollën ushtarake “Skënderbej” ku edhe shfaqet e bie në sy menjëherë te edukatorët e tij si nxënës unikal që i përkiste botës së letërsisë.
Ajo uniforma e “begsit” të vogël që mbulonte trupin e tij imcak nuk do ta shoqëronte gjatë në ambicjen për të arritur gradën e gjeneralit në karrierën ushtarake, por do ta mësonte të ishte këmbëngulës në jetë, do t`i kaliste durimin dhe do ta gozhdonte në bankën e studiuesit ku ai edhe i fitoi një nga një yjet e gjeneralit. Pikërisht nga shkolla ushtarake “Skënderbej” si një nxënës me rezultate shumë të larta dhe me prirje letrare tashmë të shfaqura plotësisht Raziu fiton të drejtën e studimit për në Institutin e Lartë Pedagogjik të Tiranës. Ja çfarë shkruan miku i tij Nasho Jorgaqi në librin e fundit me kujtime: “Unë e konsideroj jetën time me fat që kam pasur bashkëudhëtar, koleg dhe mik Razi Brahimin me të cilin kemi ndarë ëndrrat dhe veprimtarinë tonë krijuese dhe studimore, ku na ka lidhur një miqësi e ngushtë, e sinqertë, e frymëzuar dhe e ngritur nga ideale të përbashkëta.”.
Pasi përfundon institutin Raziu punon në Lidhjen e Shkrimtarëve, por njëkohësisht jep leksione për letërsinë në Institutin dhe Akademinë e Arteve për një kohë të gjatë. Janë me dhjetra e qindra studentët që kanë pasur fatin e madh të ndjekin leksionet e profesor Raziut. Në cv-in e tij Razi Brahimi ka rregjistruar shumë tituj, shumë krijime letrare që mbajnë emrin e tij. Dhe të gjitha këto nisin që herët, pikërisht atëherë kur letersia shqipe kishte mungesa dhe ndjente nevojën për interpretim. Në vitin 1960 del libri i tij “Fjalë për letërsinë” dhe tërheq menjëherë vëmendjen për stilin lakonik dhe sinqeritetin e madh në të shprehur. Vijnë më pas “Shënime letrare”, “Kur flasim për poezine”, “Vepra dhe profile krijuesish” etj.
Razi Brahimi ka lënë pas edhe letërsinë e tij origjinale në librat “Tregime”, “Katër vajza”, “Zgjim Pranveror”, “Kthesa të forta” e “Larg familjes”. E sot Razi Brahimi nuk është më i gjallë fizikisht midis nesh, sot ne kemi përpara një varr të sapo çelur, një varr në tokën që ai e deshi, në tokën që ai e shkeli, në tokën që ai i këndoi e tani do shkojë e t`i mbështetet. Ja si shkruan sot Përparim Kabo, një tjetër mik i madh i Raziut të madh në statusin e tij në facebook: “Oh sa keq, sa boshllëk që lë pas, sa mendim lë pas, sa keqardhje…si shuhen këta njerëz në vetminë e tyre sublime dhe sfidonjëse!”. Këto fjalë të profesor Kabos po t`i japim me vete në varr, por njëkohësisht po i mbajmë edhe ne jashtë, po i mbajmë se na duhen për të dalluar yjet në supet e gjeneralit, te gjeneralit të letrave Razi Brahimi! /Shekulli/
Disa orë para performancës së tij finale në The Car Man at Sadler’s Wells Theatre në Londër ka vdekur në një aksident trafiku balerini 28 vjeçar nga Northampton, Jonathan Oliver, raporton BBC.
Sipas policisë aksidenti ndodhi në qendër të Londrës derisa balerini po voziste motoçikletën e tij kur ai i përplas me një makinë. Vdekja e Oliver u konstatua nga mjekët në vendin e ngjarjes, kurse shoferi i makinës është në paraburgim.
Motra e Jonathan, Rachel Ollivier, ka njoftuar me dhimbje nëpërmjet rrjetit social Facebook për vdekjen e vëllait të saj të vogël.
Të dielën Oliver pritej të luante rolin kryesor të Lukas në shfaqjen me koreografi të Mattheë Bourne.
Anëtari i Komisionit shtetëror për shënjimin e vijës kufitare me Malin e Zi, Ali Lajçi, e ka quajtur të tmerrshëm procesin e demarkacionit.
Në një intervistë për “Epokën e re” ai ka thënë se janë deformuar kufijtë e ’74-s dhe vijat që janë propozuar janë ekskluzivisht të kadastrave të Malit të Zi.
“Është proces i tmerrshëm, mjaft i keq, sepse janë deformuar kufijtë e ’74-s. Këto vijat që janë propozuar janë ekskluzivisht të kadastrave të Malit të Zi, por jo edhe të variantit tonë. Do të thotë, është proces i njëanshëm. Prej Kulle ku janë kufijtë e ’74-s, kanë rënë poshtë për 5 300 metra, kanë rënë në lugina dhe për nga relievi, nuk duhej të binin”, ka deklaruar Lajçi, duke shtuar se ky proces duhet të ndërpritet dhe të rishikohet e gjithë veprimtaria.
“Kemi kërkuar dhe kërkojmë të ndryshohet përbërja e Komisionit shtetëror për shënjimin e vijës kufitare me Malin e Zi dhe të rishikohet i gjithë procesi”, është shprehur ai.
Lajçi ka vlerësuar se nga procesi i demarkacionit me Malin e Zi Kosova rrezikon t’i humbet mbi 12 mijë hektarë.
“Nuk janë duke iu përmbajtur kufijve të ’74-s, por atyre të ’88-s. Pra, komisioni po e manipulon opinionin duke thënë se po bazohemi në kufijtë e ’74-s. Nga ky proces Kosova pritet t’i humbet mbi 12 mijë hektarë”, ka theksuar ai.
Sipas Lajçit, Qeveria e Kosovës nuk është dashur ta aprovojë raportin teknik të Komisionit shtetëror për shënimin e vijës kufitare me Malin e Zi, meqë kufiri në mes të Kosovës dhe Malit të Zi duhet të përcaktohet në bazë të kufijve të ’74-s.
“Do të ketë reagime ndaj kësaj çështje. Mendojmë se nuk është dashur të miratohet, në të kundërtën ata i bartin pasojat. Qeveria nuk është dashur ta aprovojë në atë mënyrë raportin teknik të Komisionit shtetëror për demarkacionin me Malin e Zi, mirëpo është dashur të rikthehet pas dhe pastaj të dalin komisionet në terren dhe të bëjnë ndryshime. Këta kufij, sipas Murat Mehës, dalin kufi komunalë, jo kufi shtetërorë, meqë pjesa shtetërore mbetet krejtësisht në Malin e Zi”, ka thënë Lajçi.
Kryetari i Prizrenit Ramadan Muja, ka paguar faturën e operacionit të syrit, kuvendarit të LDK-së, Haziz Hodajt. Shuma e lejuar e pagesës, kap vlerën rreth 5 mijë euro.
“Miratohet kërkesa e deputetit të Kuvendit të Komunës së Prizrenit për lejimin e mjeteve financiare për mbulimin e shpenzimeve të mjekimit të tij”, thuhet në vendimin e Mujës.
Kuvendi Komunal i Prizrenit në korrik të vitit të kaluar, ka marrë vendim për lejimin e mjeteve për mbulimin e shpenzimeve të shërimit nga sëmundjet e rënda të anëtarëve të Kuvendit Komunal. Me këtë vendim secilit anëtar me kushte të rënda ekonomike, për shërim, i lejohen mjetet financiere deri në 5 mijë euro.
Pas hyrjes në fuqi të këtij vendimi, kuvendari i LDK-së Haziz Hodaj, ka bërë kërkesë për heqjen e shpenzimeve të operacionit të syrit. Kërkesa i është drejtuar kryetarit të Komunës Ramadan Muja. Në këtë kërkesë Hodaj, arsyetohet se me rekomandim të mjekëve është detyruar që t’i nënshtrohet operacionit të syrit jashtë vendit.
“Në pamundësi të kushteve financiare për të paguar shpenzimet e operacionit, si anëtar i zgjedhur i Kuvendit Komunal kërkoj nga Drejtoria e Financave, që të bëjë mbulimin e këtij shpenzimi”, thuhet në kërkesën e Hodajt.
“Vlera e shpenzimeve të operacionit dhe trajtimi pas, arrin shifrën rreth 4950 euro”.
“Kësaj kërkese ia bashkëngjis faturat e operacionit, kontrolleve dhe barërave të domosdoshme”.
Kryesuesi i Kuvendit të Prizrenit, Kujtim Gashi konfirmon se kuvendarit Hodaj ju kanë paguar shpenzimet e operacionit të syrit.
“Po është e vërtet se kemi paguar shpenzimet e operacionit të syrit kuvendarit Hodaj, pasi që Kuvendi vitin e kaluar ka marrë vendim që të ndihmohen kuvendarët në rastet e sëmundjeve të rënda“, tha Gashi për “PrizrenPress”.
Ai tregon se kuvendari Haziz Hodaj, ka bërë edhe një kërkesë tjetër për t’ju paguar ndërhyrja e dytë e syrit.
“Ka bërë edhe një kërkesë tjetër, por me sa e di ende nuk ju kanë lëshuar mjetet”, tregon Gashi.
Ndërkaq, kuvendari i LDK-së në Prizren Haziz Hodaj,pavarësisht se në kërkesën drejtuar kryetarit Muja është arsyetuar se nuk ka kushte financiare për të mbuluar shpenzimin e operacionit të syrit, në Agjencinë Kundër Korrupsionit, ka deklaruar 380 mijë euro pasuri të paluajtshme, ndërsa të luajtshme 6 mijë euro. Hodaj, po ashtu ka deklaruar 300 mijë euro si posedim të aksioneve në shoqëri komerciale./PrizrenPress.com/
Në kinemanë “Lumbardhi” në Prizren do të bëhet shfaqja e ekspozitës, “Unerasable”.
“Unerasable” është ekspozitë, vepër grupore dhe kolaborative nga artistët vendor, rajonal, dhe ndërkombëtarë.
“Unerasable” është një dialog kreativ ndërmjet artistëve dhe grupeve artistike nga vendet e ish-Jugosllavisë dhe nga Evropa, si: Iniciativa për Art Bashkëkohor dhe Teori – Grupi punues Katër Fytyrat e Omarskës dhe shfaqja e punimeve individuale të Vladimir Miladinovic, Serbi; Crvena – Adela Jusic dhe Andreja Dugandzic, Bosnje dhe Hercegovinë; Varg e Vi – Jeton Muja dhe Artan Hajrullahu, Kosovë; Ars Acta – Igor Sekovski dhe Ana Frangovska, Maqedoni; dhe Maureen Bachaus, Holandë.
“Unerasable” do të shfaqet sonte në Prizren nga ora 18:30.
Kjo ekspozitë kulturore vie në kuadër të DokuFest 2015. /PrizrenPress.com/
Policia e Kosovës po apelon tek qytetarët që mos t’i lënë shtëpitë vet kur shkojnë nëpër ahengje. Kjo, pasi që nga një shtëpi në rrugën “Xhevat Berisha” në Prizren, ku pronarët e saj nuk kishin qenë në shtëpi dhe nga aty hajnat kishin vjedhë stoli të arta në vlerë 6000 euro dhe para kesh 2000 euro.
Ky rast ka shtyrë policinë e Kosovës që të apeloj tek qytetarët që të mos i lënë shtëpitë e tyre vetëm dhe mos të lënë gjësende me vlerë.
“Drejtoria Rajonale e Policisë në Prizren u bënë thirrje qytetarëve që mos t’i lënë shtëpitë pa mbikëqyrje gjatë ahengjeve të ndryshme dhe pushimeve. Po ashtu gjësendet me vlerë si stoli e gjësende tjera dhe paratë t’i mbajnë në vende të sigurta”, thuhet në komunikatën e Policisë së Kosovës.
–
Skena politike e Kosovës rrezikohet nga monopolizimi i skajshëm
“Që nga gara politike të dalin institucione demokratike funksionale, duhet që partitë të kenë demokraci të brendshme, e cila ndër të tjera arrihet përmes përfshirjes së grupeve të ndryshme të shoqërisë gjatë formulimit të politikave, si dhe zgjedhjes së liderëve në një garë të hapur”, thotë analisti Albert Krasniqi
Shteti i ri i Kosovës, që po pretendon ndërtimin e një demokracie të re të modelit evropian, sipas të gjitha raporteve që janë duke u hartuar nga organizata të ndryshme vendore KIPRED-FOL-D4D, përjashto disa ndërkombëtare të publikuara në një periudhë më të hershme kohore, del se po shndërrohet në një vend në të cilin shtrirja e monopolit të oligarkisë politike, po përfshin të gjitha fushat.
Përveç në ekonomi, po shtrihet edhe në politikë, ngase është ngushtuar hapësira vendimmarrëse, sepse tani aty po vendosin vetëm shefat e partive në pushtet” për gjithçka”, ndërkaq që janë militantët e partive politike ata që po i mbajnë gjallë me votat e blera klienteliste kupolat klienteliste politike, për shkak të shpërblimit që marrin ata me poste publike dhe paratë që marrin ata nga tenderët e paligjshëm e korruptiv qeveritar./kosova sot/
Lajmi i mirë: është amerikan, por edhe një njohës mjaft i mirë i krimeve të ndodhura në ish-Jugosllavi.
Bëhet fjalë për një “zanatçi” të dorës së parë. Ai është David Schwendiman, njeriu që sipas gjasave do të udhëheqë akuzën në Gjykatën Speciale të Kosovës, që pritet të nisë në fillim të vitit 2016. Në fakt ai prej një viti drejton Task-Forcën e Bashkimit Europian për të ashtuquajturat akuza të Dick Marty-t.
Po kush është njeriu nga i cili do të kalojnë të gjitha firmat për arrestime, të cilat kësaj radhe vërtetë që mund të vendosin mbyllje karrierash politike?!
David Schwendiman, është amerikan nga shteti i Utah, ku ka nisur karrierën akademike dhe ligjore si pedagog e më pas avokat. Schwendiman është një nga pedagogët më të njohur jo vetëm të Universitetit të Utah, por edhe shumë universiteteve të SHBA.
Mban gradën Profesor Doktor në jurisprudencë. Ai ka punuar në hetimin e krimeve të luftës në shumë zona të botës. Është një nivel i lartë mendimi dhe gjykimi. Kur u emërua në krye të task forcës së BE-së për hetimin e të ashtuquajturat krime të UÇK-së deklaroi se “kemi rastin të nxjerrim të vërtetën mbi akuzat e raportit të Dick Marty-t.
Përpara se të emërohej në Kosovë, prokuror Schwendiman ka shërbyer në Afganistan si përfaqësues i Inspektorit të Përgjithshëm për rindërtimin e Afganistanit.
Në vitin 2001 ai shërbeu si atashe ligjor i ambasadës së SHBA për çështjet ligjore në Kabul. Por ajo që e bën të afërt me rastin e Kosovës, është se zoti Schwendiman, nga viti 2006-2009 ka shërbyer si prokuror ndërkombëtar në Departamentin Special për Krimet e Luftës, që ndodhej në Prokurorinë e Përgjithshme të Bosnje-Hercegovinës.
Në këtë rol ai hetoi krimet e kryera në konfliktin që zgjati nga viti 1992-1995. Nga 2007-a ai ishte një nga 4 zv/Prokurorët e Përgjithshëm të Bosnjë-Hercegovinës dhe i dërguari i Departamentit të Shtetit për Krimet e Luftës, transmeton Express.
Ai përfaqësoi Prokurorin e Përgjithshëm të SHBA në tre Lojra Olimpkike, ku siguria ka rëndësi primare: në Sidnej 2000, Salt Lake në 2002 dhe në Athinë në 2004.
Ai ka përfaqësuar Departamentin e Drejtësisë në disa çështje në Bahrein, Vietnam, Tajlandë dhe Bangladesh. Karrierën ai e ka nisur natyrisht si prokuror në shtetin Utah, ku ka shërbyer edhe si zv/Prokuror.
Nga vitit 1977 deri 1987, Schwendiman ka shërbyer edhe si avokat në Marinën e SHBA, ku ka marrë edhe gradën Leitnant Komandant.