25.5 C
Prizren
E shtunë, 21 Qershor, 2025
type here...
Home Blog Page 6666

Çfarë po ndodh në Urën e Gurit dhe në Shadërvanin e Prizrenit!? (Foto)

admin
-
0
Çfarë po ndodh në Urën e Gurit dhe në Shadërvanin e Prizrenit!? (Foto)

Në qytetin e Prizrenit nga orët e hershme të mëngjesit disa persona kanë filluar përgatitjet finale të instalacionit të përgatitur për edicionin e sivjetmë të Dokufest. Në pjesën e sipërme të urës së gurit është vendosur instalacioni që brenda reflekton zogjtë deri sa në Shadërvan është duke u vendosur instalacion tjetër artistik.

Instalacioni artistik, i ideuar nga kompania vendore e komunikimit dhe marketingut Paper Media për nikoqirin zyrtar të Dokufest – Limak Aeroportin Ndërkombëtar të Prishtinës “Adem Jashari”, ka për qëllim të komunikojë përjetimet e të gjithë kosovarëve që dëshirojnë të udhëtojnë jashtë vendit por që një gjë të tillë nuk mund ta bëjnë për shkak të vizave.

Në pyetjen e redaksisë se çfarë është duke ndodhur, persona prezent të kompanisë në vendin e ngjarjes, thanë që ky është vetëm fillimi i një projekti të ideuar për klientin e tyre Limak.

“Vizitorët, sidomos ata të huaj, do të kenë mundësinë të përjetojnë edhe performancën që do të ndodhë në ditën e hapjes e cila synim kryesorë ka lirinë e lëvizjes dhe pamundësinë tonë për të udhëtuar lirshëm, që është edhe në pajtim me moton e edicionit të Dokufest të këtij viti”, deklarojnë persona nga kjo kompani vendore.

foto2

Vitin që po lëmë pas Paper Media ideoi dhe realizoi në tërësi instalacionet e Limak Aeroportit Ndërkombëtar të Prishtinës “Adem Jashari” për edicionin e kaluar të Dokufest.

Të gjithëve na kujtohen flamujt në xhita mbi urën e gurit por edhe instalacionet tjera shumë kreative gjatë gjithë festivalit për të promovuar ndryshimin nën moton, Të gatshëm për ndryshim!

Paper Media është kompani kosovare e komunikimit dhe marketingut. E vlerësuar me disa çmime ndërkombëtare në fushën e marrëdhënieve me publikun dhe prodhimeve audio-vizuele, kjo kompani vlerësohet të jetë ndër kompanitë më profesionale të lëmisë së vet në Kosovë, Shqipëri dhe më gjerë.

Kompania ka punuar edhe shumë video reklama që në Kosovë dhe Shqipëri u mirëpriten, duke përfshirë edhe reklamën e Aeroportit të Prishtinës, Albtelecomit dhe reklamat e Eagle Mobile të disa viteve më parë. /Telegrafi/

Qeverisja vendore dhe liria politike

admin
-
0
Qeverisja vendore dhe liria politike

Mr.Ali Hertica

Individualizmi nuk del nga një instinct i verbër atë e bëjnë lirinë e kapshme për njerëzinë,ata mësohen në jetën e përditshme. Kështu që është e vështirë t’u imponosh një qeverisje autokratike njerëzve të mësuar përditë me të drejta politike. Tek ata pasione të paqëndrueshëm për liri duke zëvendësuar nga shpirti i rrënjosur i lirisë që motivon një angazhim më të fortë dhe më të qëndrueshëm kundër tendencave diktatoriale. Shumë kush nuk na sjell shembuj historik për këtë hipotezë,por ajo është tepër e arsyeshme. T’u heqësh lirinë njerëzve që marrin pjesë rregullisht në veprimtarinë politike vendore është një humbje më e madhe se për ata që vetëm sa hedhin votën e tyre në mënyrë sporadike në zgjedhje nacionale dhe lokale. Prandaj,është e natyrshme të besohet se vetëqeverisja vendore e mbron qeverisjen popullore si tërësi.

Këtu shikohet edhe një tjetër vartësi,më e ndërlikuar midis qeverisjes vendore dhe lirisë politike. Ku thuhet se pjesëmarrja në politikën lokale i kundërvihet individualizmit. Ky është një tipar i personalitetit që formohet për shkak të barazisë shoqërore dhe e lë shoqërinë e zbuluar ndaj kërcënimeve të autokracisë. Bëhet fjalë për një prirje për t’u mbyllur në vetvete,të veçosh nga njerëzit ti tërhiqesh mënjanë bashkë më miqtë dhe pasi ta kesh krijuar këtë shoqëri të vogël për vete,ta lësh shoqërinë e madhe në punën e saj.

Individualizmi nuk del nga një instinkt i verbër, por i ka rrënjët në raporte shoqërore që e bëjnë veçimin shoqëror të mundshëm dhe të natyrshëm. Individualizmi është një produkt i zhvillimit të barazisë materiale dhe intelektuale. Kjo prirje nuk mund shfaqet në shoqëri,ku njerëzit ishin të lidhur bashkë më një rrjet të ngushtë marrëdhëniesh vartësie të bazuar në drejtat dhe detyrime e ndërsjella. Këtu struktura shoqërore është një zinxhir që fillonte te fshatari e mbaron lart te lideri,ku njerëzit ishin pothuajse gjithmonë në marrëdhënie të ngushta me dikë jashtë vetës së tyre.

Barazia shoqërore sjell me vete dy ndryshime të rëndësishme,e para thyen zinxhirët që krijonin vartësi të përjetshme midis njerëzve. Marrëdhëniet shoqërore bazohen në një shkallë të lartë mbi nismën e pavarur dhe kontratat afatshkurta. Rezultati është automatizmi i masës së shoqërisë, kur njëra klasë i ofrohet tjetrës dhe përzihet me të, ku anëtarët janë të barasvlershëm dhe njësoj të jetë ndaj njëri-tjetrit.

E dyta barazi shoqërore i jep shumicës së popullit një bazë materiale për të bërë një jetë të pavarur. Asnjë nuk është i detyruar të jetojë në mëshirën e tjetrit. Nuk është e domosdoshme që individualizmi të lindë si rezultat i barazisë politike. Është e mundur të pengohet para se tendenca për barazi të kultivojë indiferentizëm dhe veçim të plotë. Zgjedhja bëhet duke u dhënë qytetarëve sa më shumë mundësi për të ushtruar të drejta politike në shoqërinë demokratike në Kosovë.

Prognozat e “Oktapodëve Paul” të Kosovës

admin
-
0
Prognozat e “Oktapodëve Paul” të Kosovës

Bilall Sherifi

Gjykata Speciale kaloi, u miratua, u themelua etj.
Këto ishin disa nga titujt e mediave të shkruara dhe elektronike në Kosovë pas miratimit të amendamentit 24.
I tërë ky proces që zgjati disa muaj u shoqërua me një debat të gjerë publik. Sikur për çdo çështje me rëndësi kombëtare edhe për këtë pati pozicionime PËR dhe KUNDËR.

Që nga fillimi i debatit kam marr pjesë në mënyrë aktive dhe konsideroj se kam sjellë mjaft argumente për të arsyetuar qëndrimin tim kundër krijimit të saj prandaj në këtë shkrim nuk do t’i përsëris ato.
Ata që u angazhuan për miratimin e amendamentit 24 ia arritën qëllimit. Shumë prej tyre që me ngulm mbështesnin krijimin e saj udhëhiqeshin nga parimi “për inat të resë më vdektë djali”

Por, e ardhmja do të dëshmoj se ky ishte një vendim shumë i dëmshëm për vendin dhe se gjenerata të tëra do të pësojnë nga ky vendim.
Kjo ishte pjesa e parë e SAGËS “Gjykata Speciale”, pjesët tjera do të pasojnë.

Gjithashtu, pas miratimit të amendamentit 24 filloi periudha e “lajmeve ekskluzive” se kush do të jenë ata që do të akuzohen nga kjo gjykatë. Besoj futbolldashësve ju kujtohet kampionati botëror që u mbajt në Afrikën e Jugut në vitin 2010. Për të marr vëmendjen e medieve botërore shumëkush përdorte kafshë të ndryshme për të prognozuar rezultatet e ndeshjeve. Më i famshmi nga ato ishte oktapodi Paul. Fundja oktapodi ishte vetëm një kafshë dhe s’kishte si ta dinte se kush do të fitoj dhe kush do të humb, ai thjesht ia qëllonte ose jo.

Tani “Oktapodët Paul” të Kosovës pa pasur fare respekt për njerëzit të cilët i apostrofojnë, pa pasur fare ndjeshmëri ndaj familjeve të të apostrofuarve janë hedhur në aksion për të prognozuar se kush do të akuzohet.

Por, akuzat nuk janë ndeshje futbolli, ku si humbësi edhe fituesi shkojnë në shtëpi të tyre, ato përcaktojnë fate të njerëzve dhe familjeve të tyre. Madje, ato do të përcaktojnë edhe fatin e vendit tonë për një periudhë bukur të gjatë kohore.

Krijimi i Gjyaktës Speciale është i ngjashëm me hedhjen e një topi të vogël prej bore mbi një masë të madhe të borës, të cilin e hedhim të vogël por na kthehet si një ortek shkatrimtar.

Prandaj, nëse askush nuk ua ka kërkuar këto prognoza, do të bënin mirë të mos i bënin fare dhe në vend të tyre të shohin se çka mund të bëhet që dëmi që do të sjell ky ortek të jetë sa më i vogël.

Beckham ka 40 tatuazhe

admin
-
0
Beckham ka 40 tatuazhe

Dashuria e David Beckham për artin në trup sa vjen e shtohet. Me plot bindje ai mund të quhet një koleksionues i rregullt i tatuazheve, pasi në trupin e futbollistit numërohen 40 të tilla.

Çdo tatuazh në trupin e tij ka një domethënie të caktuar, por më i rëndësishmi për të duket se është tatuazhi që mban numrin 99, të cilin e ka realizuar për nder të bashkëshortes Victoria, duke qenë se është viti në të cilin ata janë martuar.

Tatuazhin me numër 99, ai e ka ndarë dhe me miqtë në llogarinë Instagram, duke shkruar: “99 ka qenë një vit i i mirë për mua”.

Soni Malaj performon në MTV, Lebanon

admin
-
0
Soni Malaj performon në MTV, Lebanon

Angazhimi i saj i radhës ka qenë performimi i këngës më të re në MTV, Lebanon.

Këngëtarja Soni Malaj ka sjell adrenalinë me performancën e saj në skenë, duke marrë pafund duartrokitje nga publiku.

Në llogarinë Instagram, Malaj ka ndarë video dhe foto ku ka falenderuar bashkëpunëtorët e saj për mbështetjen e herë pas hershme në projektet që ajo vendos të realizojë.

DokuFesti me panele, masterklasa e punëtori të ndryshme

admin
-
0
DokuFesti me panele, masterklasa e punëtori të ndryshme

Krahas projeksioneve e koncerteve të muzikës, këtë vit DokuFesti do të vazhdojë traditën si nikoqir i paneleve e punëtorive të ndryshme. Këto aktivitete, që do të sjellin figura të njohura në fushat e tyre përkatëse, do të trajtojnë llojllojshmëri temash që kanë të bëjnë me filmin dhe përtej.

Më poshtë gjeni përshkrimet për secilin aktivitet dhe detajet rreth kohës dhe vendit:

PANELET:

MIGRIMI SI FENOMEN GLOBAL
Afërsisht një në shtatë njerëz sot është emigrant: 232 milion njerëz janë emigrantë ndërkombëtarë, apo 3.2% e popullatës botërore, ndërsa 740 milion janë emigrantë të brendshëm. Migrimi ndërkombëtar është një fenomen i cili po rritet në kompleksitet dhe në ndikim. Debati do të shqyrtojë trendet aktuale ndërkombëtare të migrimit.
Moderator: Gjeraqina Tuhina
Panelistë: Patricia Simon, Javier Bauluz
Data: 9 gusht, 14:30
Vendi: Muzeu i Hamamit
Gjuha: Anglisht me përkthim simultan në shqip
Hapur për publik

ROLI I MEDIAS NË LUFTIMIN E KORRUPCIONIT
Debat publik mbi rolin dhe ndikimin e medias në krijimin e perceptimeve mbi korrupsionin dhe luftimin e tij. Pjesë nga dokumentari “Life is sacred: do të shfaqen dhe do të ushqejnë këtë diskutim.
Moderator: Shqipe Neziri, UNDP
Panelistë: Alessandra Roccasalvo (Zëvendës Përfaqësues i UNDP), Arbana Xharra (Gazetare), Arjan Vasjari ( Analiste e mediave), Hajrulla Ceku (Drejtor, EC ma ndryshe), Vehbi Kajtazi (Gazetar), Marija Risti?, (Gazetare/BIRN), Petar Lukovi? (Gazetar/E-novine), Petrit Saraçini, (Analist i mediave)
Data: 9 gusht , 17:00
Vendi: Muzeu i Hamamit
Gjuha: Anglisht me përkthim simultan në shqip.
Hapur për publik

BALLAFAQIMI ME TË KALUARËN
Debat i cili adreson rolin e rëndësishëm që arti dhe kultura kanë në krijimin e vlerave të reja që do të mund të ndihmojnë në ballafaqimin me traumat e konfikteve të viteve të 90-ta të shekullit të kaluar. Zhvillimet e reja dhe shkëmbimet në art dhe kulturë në rajon janë indikatorët më të mirë të tij.
Moderator:Agron Bajrami
Panelistë: Andrej Nosov, Jeton Neziraj and Marijana Toma
Data: 10 gusht , 17:00
Vendi: Muzeu i Hamamit
Gjuha: Anglisht me përkthim simultan në shqip.
Hapur për publik

MIGRIMI DHE IZOLIMI
Eksodi i vitit të kaluar i më se 100,000 kosovarëve drejt vendeve të Evropës Perëndimore ka ngritur shqetësime në qeveritë e të dy anëve të fenomenit. Kërkimi për një jetë më të mirë qëndron në thelbin e eksodit, por faktorë tjerë, si qasja në punësim dhe mundësitë më të mira jashtë vendit janë poashtu faktorë me rëndësi. Debati do të shqyrtojë veçanërisht izolimin ndërkombëtar të Kosovës dhe pamundësinë e qytetarëve të saj të udhëtojnë lirshëm në Evropë si një faktor i fuqishëm që ndikon në migrimin ilegal.
Moderator: Adriatik Kelmendi
Panelistë: TBC
Data: 12 gusht 17:00
Vendi: Muzeu i Hamamit
Gjuha: Anglisht me përkthim simultan në shqip
Hapur për publik

RAJONI I BALLKANIT DHE NDRYSHIMET KLIMATIKE
Një ekonomi e gjelbërt rezulton në përmirësimin e mirëqenies njerëzore dhe drejtësisë shoqërore, përderisa dukshëm redukton rreziqet mjedisore. Në fund të nëntorit do të mbahet konferenca “Kombet e Bashkuara dhe Ndryshimet Klimatike”. Qëllimi i konferencës ështëlidhja ligjore dhe arritjae marrëveshjes universalemjedisore nga të gjitha kombet e botës. Në këtë kontekst një debat mjedisor rajonal do të mundohet tëtrajtojë sfidat kryesore të ndryshimeve klimatike dhe mundesitë në rajon.
Moderator: Adriatik Kelmendi
Panelistë: Branko Cecen, Visar Azemi, Georg Tiller, Mubarek Asani
Data: 13 gusht, 17:00
Vendi: Muzeu i hamamit
Gjuha: Anglisht me përkthim simultan në shqip.
Hapur për publik

FILMI IM I SHKURTËR ËSHTË GATI – ÇFARË TË BËJ ME TE?
A ka një strategji të sigurtë për të gjetur publikun për filmin tuaj? Kush e kontrollon tregun e filmit? A ka treg të filmit për filma të shkurtër? Panelistëme eksperienca të ndryshme do t’i përgjigjen këtyre pyetjeve si dhe pyetjeve tjera që ju do të prezantoni.
Moderator:Jukka Pekka Lakkso
Panelistsë: Wouter Jansen (Some Shorts, distributor, Nederland), Bujar Kabashi (producent, Kosovë), Ben Vandendaele (Radiator, Producent, Belgjikë), Fariba Sumanska (Producente/distributoreÇeki)
Data: 14 gusht, 14:00
Vendi: Kino Klubi
Gjuha: Anglisht me përkthim simultan në shqip
Hapur për publik

KONFLIKTET DHE DHUNA SEKSUALE
Debat mbi dhunën seksuale gjatë konflikteve në Kosovë dhe Bosnje dhe Hercegovinë, pasojat për të mbijetuarit dhe shoqërinë si dhe rëndësinë e qasjes në drejtësi dhe pajtim.
Moderator: Igballe Rogova, Drejtoreshë e Rrejtit të Grave të Kosovës
Panelistë: Flora Macula, Drejtiese e Zyres së UN Women në Kosovë; Katia Forbert Petersen, regjisore e filmit Mission Rape: A tool of war; Veprore Shehu, Drejtoreshë Ekzekutive e Medica Kosova; dhe Bakira Hase?i?, Presidente e Asocacionit të Grave Viktima të Luftës (e shfaqur në filmin Mission Rape: A tool of war).
Data: 14 gusht, 17:00
Vendi: Muzeu i hamamit
Gjuha: Anglisht me përkthim simultan në shqip
Hapur për publik

MIGRIMI SI NJË FORCË PËR REFORMA SHTETËRORE
Migrimit ndërkombëtar të personave me aftësi profesionale po i ngritet rëndësia në vitet e fundit duke reflektuar në ndikimin në globalizim, rritjen në ekonominë botërore dhe rritjen e shpejtë në teknologjinë e informimit dhe komunikimit. Një numër i vendeve të zhvilluara i kanë liberalizuar politikat e tyre për pranimin e profestionstëve të kualifikuar. Çfarë politika duhet të adaptohen në vendet e pazhvilluara si Kosova për përmirësimin e rritjes ekonomike përmes rritjes së eksporit të punës dhe shërbimeve profesionale.
Moderator: Aliriza Arenliu
Panelistsë: Arban Abrashi, Valon Ahmeti, Mërgim Cahani
Data: 15 gusht, 17:00
Vendi: Muzeu i Hamamit
Gjuha: Anglisht me përkthim simultan në shqip.
Hapur për publik

MASTERKLASAT:

MASTERKLASË ME ENRI CANAJ

Nje masterklasëpër tregimin e storieve dhe konstruktimin e narrativëspërmes fotografisëme fotoregrafin nga Shqipëria Enri Canaj.
Data: 9 gusht, 14:00
Vendi: Kino Klubi
Gjuha: Shqip me përkthim simultan në anglisht.
Hapur për publik

LIGJERATËME VASIF KORTUN
Një shkrimtar, kurator dhe ligjerues i artit bashkëkohor nga Stambolli, Vasif Kortun do të flasë për artin dhe ndryshimet urbane duke u fokusuar në punën e tij si Drejtor i Hulumtimit dhe Programeve në SALT, Istanbul – një institucion i cili është pjesë e shumë programeve dhe një arkive të gjerë të artit bashkëkohor dhe arkitekturës turke. Ligjerata e tij është pjesë e bashkëpunimit tone me Galerinë Kombëtare të Kosovës dhe programit të saj publik.
Data: 15 gusht, 14:00
Vendi: Kino Klub
Gjuha: Anglisht me përkthim simultan në shqip.
Hapur për public

SEKRETET E EDITIMIT TË DOKUMENTARËVE: MASTERKLASË ME LUCY WALKER
Regjisorja e nominuar dy herë për Academy Award, Lucy Walker, do të ndajë recetën e saj për rregullat e editimit që nuk dështojnë dhe këshilla për realiziminepotencialit të plotë të materialit filmik, madje edhe xhirimeve më të çrregullta. Në masterklasën e saj ajo do të ndajë këshilla për procesin dhe anën praktike të editimit, si dhe të ndajë njohuritë qëajo i mësoj përderisa bëri pesë dokumentarët e saj të metrazhit te gjatësi dhe disa të metrazhit të shkurtër.
Data: 12 gusht, 14:00
Vendi: Kino Klubi
Hapur për publik

PUNËTORITË:

NËSE SOT SHKONI NË PYLL…

Pjesëmarrësit do të eksplorojnësekretet e dramës, filmëbërjes dhe natyrës, duke patur mundësi për një rritje personale si asnjë tjetër në Kosovë falë interaktivitetit të projektit, kualitetit profesional dhe argëtimit!
Data: August 6 – 16
Performanca live: 14 dhe 15 gusht, në një lokacion sekret i përcjellë nga shfaqja e filit dokumetar fitues i shumëçmimeve i cili ka qenë inspirimi i performancës.
Hapur vetëm për pjesëmarrës

KINO PRIZREN
Filmëbërësit nga e gjithë bota do të takohen në Prizren për të shkruar, xhiruar, edituar filmat e tyre me një buxhet jo-ekzistues dhe me pajisje dhe ekpertizë të përbashkët. Filmat e përfunduar do të shfaqen në DokuFest 2015.
Data: 9-13 gusht
Shfaqja e filmave: 13 gusht, 23:15 në Kino Kalaja
Hapur vetëm për pjesëmarrës

BALKAN DOCUMENTARY CENTER: MODULI PRIZREN
BDC Discoveries 2015 është një punëtori që synon bashkimin e profesionistëve me projekte të dokumentarëve me një potencial ndërkombëtar.Moduli Prizren është i fokusuar në paketimin e projekteve për tregun ndërkombëtar. Një prezantim përfundimtar përpara një jurie, i përbërë nga vendimmarrësit, ekspertët dhe financuesit, është duke u organizuar, në mënyrë që tu japin pjesëmarrësve përvojën e ‘pitching’.
Vendi: Korridori në DokuKino
Data: 12-16 gusht
Hapur vetëm për pjesëmarrës

Around the CORNERS: Prizren
CORNERS është një platformë e krijuar për artistët dhe publikun, e drejtuar nga organizatat kulturore në skajet e Evropës.Ne prill të vitit 2012, si pjesë e CORNERS ‘Research and Development’, Xpedition Balkan vizitoi Kosovën. 30 artistë dhe punëtorë kulturorë në mesin e shumë vendeve tjera, erdhën edhe në Prizren për të dëgjuar historinë, kulturën dhe jetën e saj… Tre vjet me vonë CORNERS kthehet, e etur për të ritreguar historitë e dëgjuara në vendin që ka ka qenënjë frymezim i madh.

CORNERS do të paraqesë tre projekte këtë vit në kuadër të DokuFest: PAPYRINT, GALERIA SHTËPITË E ZOGJVE, OH MY HOME – LOST & FOUND

PAPYPRINT
Papyrint është një mundësi për t’u takuar, ndarë aftësi dhe për të gjetur mënyra për të krijuar një performancë së bashku. Projekt ku fëmijët nga komuniteti lokal dhe pesë artistë nga disiplina të ndryshme do te krijojnë dhe paraqesin një performancëpërgjatë një pune të gjatë dy javë të hareshme dhe kreative. Tregimet e fëmijëve nga anët e Evropës janë bazë për këtë punëtori me teatër prej letre, muzikë, lëvizje dhe poezi.
Artistsët: Borja Ruiz, Kajsa Sandström, Nils Personne, Primož Bezjak, ŠKART Dragan Protic & Djordje Balmazovic
Data: 9 – 16 gusht
Vendi: Shkolla e Muzikës Lorenc Antoni
Hapur vetëm për pjesëmarrës

GALERIA SHTËPITË E ZOGJVE
Galeria “Shtëpitë e zogjve” është e gjitha për krijimin e një rrjeti të galerive evropiane. Në vend që të marrim me qera një vend për ta bërë galeri, ne do të krijojmë galeritë tona së bashku me pjesëmarrësit e punëtorisë. Kjo punëtori ka për qëllim të inkurajojë imagjinatën e fëmijëve, të përmirësojë aftësitë e tyre artistike si dhe t’i mësoj ata të vlerësojnë artin duke i ndërtuar shtëpitë e zogjve që do të kenë brenda artin në vend të zogjve. Punëtoria e ‘“Shtëpitë e zogjve”përfundon me një prezantim publik / ekspozitë.
Artistët: Maciek Salamon, Nedyalko Delchev
Data: 10 – 16 gusht
Vendi: Shkolla e Muzikës Lorenc Antoni
Hapur vetëm për pjesëmarrës

OH MY HOME – LOST & FOUND
Oh My Home është një instalacion në hapësirë publike, seri e punëtorive dhe shfaqjeve që adresojnë nocionin “shtëpi” nga një perspektivë e gjerë: e brendshme, shtegtare dhe e kontestuar.Kufijtë dhe përkatësia, identiteti dhe refuzimi. Lufta dhe intimiteti, rrënjët dhe lëvizja. Bërja e shtëpisë. Ri-fitimi i shtëpisë. Humbja dhe gjetja e shtëpisë. Përbërë nga elemente të njohura që na kujtojnë një larmi të këtyre përvojave, kjo pjesë e fton publikun të ri-marrë hapësirën publike si një pikë takimi i “shtëpisë” nga pikëpamja gjeografike, politike dhe filozofike.
Artistsët: Ixone Ormaetxe, Lalya Gaye, Saadia HussainAge
Data: 6 – 16 August
Instalacioni në hapësirë publike: Rruga “Saraqët”  /PrizrenPress.com/

Pijaneci rreh një person në Malishevë, arrestohet

admin
-
0
Pijaneci rreh një person në Malishevë, arrestohet

Është arrestuar një person në fshatin Astrazup të Malishevës, pasi që i njëjti nën ndikimin e alkoolit ka sulmuar fizikisht një mashkull shqiptar duke i shkaktuar lëndime.

Sipas policisë, viktimës i është ofruar tretman mjekësor në QKMF-Malishevë dhe pastaj është liruar.

I dyshuari me urdhër të prokurorit është dërguar në mbajtje. /PrizrenPress.com/

“UNERASABLE”, dialogu artistik në DokuFest

admin
-
0

Ekspozita e përbashkët, e cila prezantohet në kuadër të DokuFest-it dhe programit për Ballafaqim me të Kaluarën, do të fillojë më 10 gusht 2015 nga 18:30.

Me datë 10 gusht në Prizren hapet ekspozita “Unerasable”, e cila është vepër grupore dhe kolaborative e artistëve vendorë, rajonalë dhe ndërkombëtarë. Ekspozita është pjesë e projektit “Art and Culture in Dealing With the Past” [“Arti dhe Kultura në Ballafaqimin me të Kaluarën”], që grumbullon artistët për të shtjellua koncepte të ndryshme që kanë të bëjnë me të kaluarën, me theks të veçantë në Kujtesën Kolektive – Kultura e Kujtesës vs. Kultura e Harresës.

“UNERASABLE” është një dialog kreativ ndërmjet artistëve dhe grupeve artistike nga vendet e ish-Jugosllavisë dhe nga Evropa, si: Iniciativa për Art Bashkëkohor dhe Teori – Grupi punues Katër Fytyrat e Omarskës dhe shfaqja e punimeve individuale të Vladimir Miladinovic, Serbi; Crvena – Adela Jusic dhe Andreja Dugandzic, Bosnje dhe Hercegovinë; Varg e Vi – Jeton Muja dhe Artan Hajrullahu, Kosovë; Ars Acta – Igor Sekovski dhe Ana Frangovska, Maqedoni; dhe Maureen Bachaus, Holandë.

Perspektivat e ndryshme të 7 prezantimeve artistike do të sjellin interpretime të gjera, por të thella të koncepteve si “harresa” dhe “kujtesa”, kështu, duke shfaqë pozicione intriguese dhe rekapitullime të ballafaqimeve me të kaluarën e vështirë, si dhe traumat në Jugosllavinë e pasluftës.

Projekti dhe ekspozita, për këtë arsye, synon zvogëlimin e ndarjes dhe kontekstualizimit etnik, sfidimin e modeleve etnocentrike dominante, identitetet ekskluzive dhe rolet gjinore në mjedise patriarkale.

Ky projekt është iniciativë e forumZFD – Programi në Kosovë, i cili zbatohet në partneritet të ngushtë me Dokufest, Ars ACTA, Crvena, Iniciativa për art bashkëkohor dhe teori dhe Varg e vi, me mbështetje të NewPerspektiva dhe Lumbardhi. /PrizrenPress.com/

Gjashtë filma të mbështetur nga QKK, premierë kombëtare në DokuFest

admin
-
0
Gjashtë filma të mbështetur nga QKK, premierë kombëtare në DokuFest

Këtë vit në festivalin e madh DokuFest do të prezantohen 228 filma e ndër ta do të jepen premierë kombëtare gjashtë filma të mbështetur nga Qendra Kinematografike e Kosovës.

Filmat që do të shfaqen janë: “Shok” nga Jamie Donoghue, “Të Pafajshmit” nga Amir Vitija, “Çlirimi” nga Burim Haliti, “Cheers” nga Norikë Sefa, “Kali” nga Yll Çitaku dhe Alban Ukaj si dhe filmi “Dita e Pensionimit” nga Fisnik Muji.

Në konkurrencën ndërkombëtare janë filmat “Shok” dhe “Cheers” ndërsa në konkurrencën kombëtare janë “Çlirimi”, “Kali”, “Dita e Pensionimit”, “Të Pafajshmit”.

KDI: Komuna e Prizrenit, e papërmirësueshme

admin
-
0
KDI: Komuna e Prizrenit, e papërmirësueshme

Në fokus të “Transparometrit Komunal” të prezantuar nga Instituti Demokratik i Kosovës për periudhën gjashtëmujore janar-qershor 2015 janë gjithsej 11 komuna të Kosovës.

Sipas një njoftimi të KDI, thuhet se komunat si Prishtina, Prizreni, Gjakova, Gjilani, Suhareka, Deçani, Graçanica, Rahoveci, Malisheva, Dragashi dhe Mamusha u vlerësuan objektivisht në bazë të indikatorëve që vlerësojnë transparencën e komunave në katër shtyllat themelore të qeverisjes lokale si: Zyra e Kryetarit/es, Kuvendi i Komunës, Financat e Komunës dhe Transparenca e Komunës në Konsultime me Publikun

“Vlerësimi vë në pah vlera krahasuese për 6 nga 11 komunat e përfshira në hulumtim. Komunat si Prishtina, Prizreni, Gjakova, Gjilani, Deçani dhe Graçanica ishin vlerësuar edhe për periudhën paraprake prill-shtator 2014. Rezultatet tregojnë që disa komuna kanë avancuar, por disa edhe kanë pësuar regres në transparencë”.

Sipas KDI, Komuna e Prishtinës ka shënuar rritje sa i përket nivelit të transparencës, prej 55.7% sa ishte vitin e kaluar në 70.8 % në gjashtëmujorin e këtij viti. Ndërsa Komuna e Gjakovës, e cila në Transparometrin e kaluar kishte pikë maksimale dhe ishte vlerësuar si komuna më transparente (76.4%), për këtë periudhë indeksi tregon për rënie të nivelit të transparencës (64.5 %). Më mirë nuk qëndron as Komuna e Prizrenit, e cila nuk ka shënuar ndonjë përmirësim dhe nuk ka reflektuar nga rekomandimet që KDI i ka adresuar vitin e kaluar.

“Në Komunën e Prizrenit, performancë më të mirë del të ketë Zyra e Kryetarit (me gjithsej 20 nga 35 pikët e mundshme), e pasuar nga Komuna e Suharekës me 15.7 pikë, ajo e Rahovecit me 14.3 pikë, e Malishevës me 14.0 pikë, Komuna e Dragashit me 6.7 pikë dhe Komuna e Mamushës me vetëm 4 pikë. Naim Cahanaj nga KDI ka shpalosur detaje të indeksit të transparencës për gjashtë komunat e regjionit të Prizrenit. Kuvendi i Komunës së Rahovecit ka treguar rezultatet më pozitive sa i përket transparencës së këtij institucioni (21.7 nga 35 pikët e mundshme), pasuar nga Komuna e Malishevës me 19.3 pikë, Komuna e Prizrenit me 19 pikë, Komuna e Suharekës me 18.0 pikë, Komuna e Dragashit me 13.7 dhe Kuvendi Komunal me nivelin më të ulët të transparencës është ai i Mamushës me 13 pikë”.

Sipas KDI-së, Transparenca Financiare është një kategori tjetër në bazë të të cilave janë renditur komunat.

“Rahoveci prinë në regjionin e Prizrenit për nga transparenca financiare (me 17 nga 35 pikët e mundshme), përcjellë nga Malisheva me 9.3 pikë, Komuna e Mamushës me 6 pikë, Komuna e Prizrenit dhe Suharekës me nga 5 pikë, dhe Komuna e Dragashit me 3 pikë”.

KDI vlerëson më tej se komunat kanë treguar performancë të ndryshme lidhur me transparencën në Konsultimet me Publikun.

“Malisheva prin me 16.3 pikë nga 35 pikë të mundshme, pasuar nga Komuna e Prizrenit me 11 pikë, Komuna e Suharekës me 9 pikë, Komuna e Mamushës me 4.7 pikë, Komuna e Dragashit me 4.3 pikë dhe Komuna e Rahovecit me vetëm 4. Pikë”.

Më tej shtohet se vlerësimi i përgjithshëm që përmbledh performancën e komunave bazuar në 44 indikatorët në të cilët mbështetet ky indeks, nxjerr edhe komunën më transparente (nga 11 komunat pjesëmarrëse) që është ajo e Prishtinës me 70.8%. Komunat që pasojnë janë ajo e Gjilanit me 66.7%, Gjakovës 64.5%, Deçanit 51.2%, Malishevës 42.1%, Rahovecit 40.7%, Prizrenit 39.3%, Graçanicës 35.0%, Suharekës 34.1%,. Me nivel të ulët të transparencës kanë rezultuar Dragashi dhe Mamusha me vetëm 19.8%.

1...6 6656 6666 667...8 743Page 6 666 of 8 743

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne