Qeveria e Kosovës e formuar gjashtë muaj më parë nga dy partitë më të mëdha politike (LDK e PDK), vazhdon të mbetet e pakompletuar.

Deri më tani, kryeministri Isa Mustafa ka emëruar vetëm 18 zëvendësministra nga rreth 50 sa parashikon marrëveshja, ndërsa arsyeja e kësaj vonese vlerësohet se është bërë për shkak të zgjedhjeve të brendshme në Lidhjen Demokratike të Kosovës.

Kështu konsiderojnë përfaqësuesit e partive opozitare dhe analistët politikë, ndërsa në partitë e koalicionit këtë vonesë e konsiderojnë “të natyrshme”. Pushtetarët kanë thënë se për emërimin e zëvendësministrave tjerë janë duke koordinuar drejtuesit e koalicionit qeverisës, Hashim Thaçi dhe Isa Mustafa.

Zyra për Informim në Zyrën e Kryeministrit ka deklaruar se përmbyllja e emërimit të zëvendësministrave do të bëhet “në përputhje me prioritetet e koalicionit qeverisës”…/zeri/

Avokati Tomë Gashi, por edhe kolegët e tij, do të kenë shumë më të vështirë që t`i mbrojnë krerët e UÇK-së para Gjykatës Speciale. Kjo pasi që alibia kryesore e palës mbrojtëse në rastet kur krerët e UÇK-së u akuzuan për krime lufte nga Tribunali i Hagës, nuk ekziston më. Për zyrtarë të organziatave të dala nga lufta e UÇK-së formimi i Gjykatës Speciale vazhdon të shihet si diçka e papranushme për Kosovën.

Dy ish krerë të UÇK-së, Ramush Haradinaj e Fatmir Limaj janë liruar të pafajshëm për shkak se prokuroria nuk kishte arritur të provonte se brenda UÇK-sa ka pasur përgjegjësi komanduese. Kësisoj të dy krerët nuk janë mbajtur përgjegjës për veprimet e ushtarëve të tyre.

Por, procesi i verifikimit të pjesëtarëve të UÇK-së ka motivuar prokurorët e SITF-it, Task Forcës që po heton krimet e pretenduara në raportin e Dick Martyt.

Burime të TV Dukagjinit kanë bërët ë ditur se meqë procesi i verifikimit ka definuar qartë zinxhirin komandues të UÇK-së, hetuesit e SITF po kërkojnë që të merren edhe me rastet e mbyllura nga Haga pasi që mendojnë se e kanë me të lehtë të akuzojnë krerët e ish UÇK-së.

Avokati Tomë Gashi e pranon se procesi i verifikimit ia ka lehtësuar punën prokurorisë.

“Për mbrojtjen do të jetë shumë e vështirë për shkak se do ta ketë më të vështirë që ta dokumentojë se nuk ka pasur hierarki ushtarke, ashtu siç kërkohet me norma juridke, sepse duket se draft ligji, i cili është në përpilim e sipër, parasheh mënyra më të lehta ligjore për të vërtetuar përgjegjësinë komanduese të ndonjë komandanti të UÇK-së, që do të jetë i akuzaur në atë gjykatë. Kjo i bie se mbrojtja do ta ketë shumë më vështirë, ndërsa prokurorët shumë më lehtë”, tha avokati Gashi.

Avokati Gashi thotë se Gjyaka Sepciale nuk i duhet Kosovës, duke marrë shembull rastin “Drenica”, ku shefi i Shtabit të Përgjithshëm të UÇK-së dhe njëri nga komandantët e UÇK-së janë gjykaur e dënuar në një gjykatë vendore nga gjyqtarë të EULEX-it.

Thotë se të gjitha pretendimet për pjesëtarët e UÇK do të mund të trajtoheshin edhe në gjykatat vendore në bashkëpunim me gjyqtarë e prokurorë të EULEX-it.

“Unë mendoj se në rastin e grupit ‘Drenica’, që është gjykuar më 27 maj të këtij viti, bashëksia ndërkombëtare (sponsorisuesit e gjyakëts speciale), që janë BE dhe SHBA dhe vetë misioni i EULEX-it, do të duhej që ta përdorin, ironikisht po them, gjykimin e z. Sylejman Selimi dhe Sami Lsuhtaku që ta vërtetojnë se misionet e huaja, në këtë rast EUELX mund të zhvillojnë gjykime pa asnjë incident”, tha Gashi

Ndërsa, për zyrtarë të organziatave të dala nga lufta e UÇK-së formimi i Gjykatës Speciale vazhdon të shihet si diçka e papranushme për Kosovën.

“Kushdo tjetër mund ta formojë atë, përveç deputetëvë të Kuvendit të Kosovës”, thotë Xhavit Jashari kryetar i OVL të UÇK-së.

“Absolutisht jo tash pas verifkimit, por çdo herë është ditur zinxhiri komandues edhe zonat operative edhe komandantët e tyre dhe drejtoria e tyre. Por, gjithë këto gjykime ndaj zotit Limaj dhe ndaj Haradinajt kanë qenë gjykime politike. Gjykata ndërkombëtare ka dështuar në të gjitha rastet, sepse qëllimi ka qenë politik me tendencë të caktuar që të bëjë përpjekje ta barazojë luftën e UÇK-së me luftën kriminale të pushtuesit serb ndaj popullit të Kosovës”, tha Jashari.

Sipas draft ligjit aktual për Gjykatën Speciale, të akuzurave të mundshëm nuk iu lejohet të kenë mbrojtës shqiptar. Por, avokati Tomë Gashi ka formuar një ekip mbrojtës të përbërë nga avokatë vendorë dhe ndërkombëtarë, dy prej të cilëveë kanë qenë palë mbrojtëse në Hagë, në proceset ndaj Haradinajt dhe Limajt. /TV Dukagjini/

Zyrtarët e Bashkimit Evropoin tërhqin vërejtjen se dëshirojnë përshpejtim të procesit dhe nuk kanë mirëkuptim për zvartitjet në lidhje me formiin e Gjykatës Speciale.

Maja Kocijancic, zëdhënëse e shefes së diplomacisë evropiane Frederika Mogherinit ua ka tërhequr vërejtjen politikanëve të Prishtinës se me këmbimin e letrave vitin e kaluar, ata kanë marrë përsipër obligimin për formimin e gjykatës speciale.

Kocijancic rikujton se Bashkimi Evrpopian ka kryer pjesën e vet të obligimit dhe ka ofruar asistencën e nevojshme dhe krejt kjo është bërë për t’u mundësuar themelimi i kësaj gjykate. Zëdhënësja e Frederika Mogherinit këkron nga politikbërësit kosvar që mos të zvarrisin më procesin dhe të caktojnë datën kur Kuvendi do miratojë themelimin e Gjykatës.

Diplomatët evrppian në biseda joformale tashëmë bëjnë të ditur se nuk kanë mirëkuptim për rrethanat e krijuara meqë, sipas tyre, liderët e Kosvës kanë premtuar se do e kryejnë obligimin. Ndërsa në prononcimet jozyrtare tanimë ka filluar të përmendet mundësia që zvarritjet në lidhje me formimin e Gjyatës të ndikon në nënshkrimin e Marëveshjes së Stabizlim ascoiimit.

Ndonëse në prononcime formale akoma thuhet se procedurat në lidhje më nëshkrimin po ecë sipas ritmit të vet megjithatë është lëshuar shansi që deri te nënshkirmi të vie gjatë muajit qershor, ashtu sic ishte planifikuar.

Zyrtarë e Komisionit evrpian vazhdojnë në insistojnë se kanë për qëllim që këtë nënshkrim ta bëjnë para pushieve verore, që do të thotë deri në fuind të muajit korrik. Mirëpo, rrethanat e krijuara në lidhje me Gjykatën Speciale, mund të shërbejnë për zvarritje edhe tek pala evrppiane. /RTK/

Anëtari I LDK-së, Arben Gashi duke folur në Zonën B të Baton Haxhiut për zhvillimet e fundit tha se Lidhja Demokratike e Kosovës nuk ka kryesi.

“LDK nuk ka kryesi për momentin”, u shpreh ai.

Ndër të tjera, Gashi tha se LDK-ja ka pasur zhvillime të ndryshme dhe qasja ndaj shoqërise civile dhe mediave nuk ka qenë e duhur.

“LDK-ja ka pasur zhvillime interesante, kuvendi i fundit ka pasur zhvillime të çuditshme“.

“Mediat dhe shoqëria civile është dashur të trajtohen si partner e jo të përjashtohen”.

Gashi ka shtuar se me LDK-në janë të lidhur ngërzitë, sepse LDK shihet si një frymë, si një shpresë, prandaj ka edhe shqetësime për zhvillimet.

”LDK-ja është koncept i përbashkët, është i shoqërisë civile i medieve i të gjithëve. Të gjithë shohin shpresë edhe për jetën e tyre. Prandaj edhe gazetarët shprehin mendimin e tyre sepse shqetësohen për këto zhvillime”.

“LDK-ja nuk është kompani private ku pronari i vendos rregullat, por është e mirë publike”, shtoi Gashi.

Procesi i LDK-së është dëmtuar panevojshëm, dhe largimi i diasporës nga kuvendi zgjedhor shihet si e pafalshme nga deputeti i LDK-së.

“LDK është dëmtuar panevojshëm, zoti Mustafa e ka pasur të sigurt vendin si kryetar, por është dashur të bëhet procesi me votë të mbyllur dhe me kundërkandidat”.

“Ka qenë një gabim i pafalshëm për delegatët nga diaspora, kanë qenë 5 delegatë dhe votimi i tyre ka qenë pothuajse jo i rëndësishëm në ndryshimin e rezultatit”. /Klan Kosova/