Gjykata Themelore e Prizrenit i ka caktuar masën e paraburgimit të pandehurit me iniciale XH. S. nga fshati Sopi – Komuna e Suharekës, për shkak të dyshimit të bazuar se ka kryer veprën penale “vrasje e rëndë në ndihmë” nga neni 179 parg.1.5 lidhur me nenin 33 të KP-së.
“Me datën 03.02.2016, Prokuroria Themelore e Prizrenit – Departamenti për Krime të Rënda i ka parashtruar kërkesë për caktimin e paraburgimit Gjykatës Themelore në Prizren Departamentit për Krime të Rënda ndaj të pandehurit me iniciale XH. S. për shkak të veprës penale “vrasje e rëndë në ndihmë” nga neni 179 parg.1.5 lidhur me nenin 33 të KP-së”, bën të ditur zëdhënësja e gjykatës, Afërdita Kicaj.
Sipas Kicajt, po të njëjtën ditë Gjykata Themelore e Prizrenit Departamenti për Krime të Rënda ka mbajtur seancën e paraburgimit ku të pandehurit me iniciale XH. S. i është caktuar masa e paraburgimit në afat prej 1 (një) muaji, i cili do të llogaritet prej kohës së arrestimit, datë 02.02.2016 deri në ora 14:00, dhe do të zgjasë deri më datën, 03.03.2016 në ora 14:00. /PrizrenPress.com