16 C
Prizren
E shtunë, 31 Maj, 2025
Home Blog Page 6862

Sazani, ish-ishulli ushtarak do të hapet për turistët në qershor

0

Prej qershorit, ishulli i Sazanit do të jetë i hapur për turistët. Vetë kryeministri Edi Rama, në profilin e tij në Facebook, ka postuar shkrimin e mediave ndërkombëtare, të cilat po i japin jehonë projektit të kthimit të ishullit ushtarak në vend si të vizitueshëm.

“Shqipëria, turizëm në ishullin me të kaluar ushtarake”. Ky është titulli i prestigjiozes ‘Associated Press’.

Teknikisht ajo është ende një bazë ushtarake, me dy ushtarë dhe një mol për patrullat detare.

“Ishulli ka 3.600 bunkerë dhe disa tunele të ndërtuara me sulmet bërthamore në mendje, gjatë kohës së diktaturës komuniste”, shkruan ndërkaq “Lonely Planet”.

IshulliKjo e fundit, vlerëson se ishulli i Sazanit ka një biodiversitet domethënës dhe zyrtarët e turizmit shqiptar shpresojnë se mund të bëhet një destinacion i mirë për zogjtë, por edhe për zhytje në det. Ka edhe ide për të përdorur tunelet anti-bërthamore si qilarë për verë.

“Ndërtesat e braktisura të ishullit janë përdorur si shtëpi për mbi 3.000 trupa dhe aty ka edhe një shkollë të shkatërruar, që u ndoq nga fëmijët e familjeve të ushtarakëve. Sazani mund të arrihet për rreth gjysmë ore me motoskaf nga Vlora dhe është planifikuar që në qershor të fillojë udhëtimet një anije e përditshme”, shkruan më tej “Lonely Planet”. /Shqip/

Prokuroria pushon hetimet ndaj Tahirit dhe Didit

0

Prokuroria e Tiranës ka vendosur të pushojë hetimet ndaj Ministrit të Brendshëm, Saimir Tahiri dhe ish- drejtorit të Policisë së Shtetit, Artan Didi.

Ata u kallëzuan penalisht nga Partia Demokratike në lidhje me çështjen “Frroku”.

Pas verifikimeve dymujore, kryeprokurori vendosi të pushojë këtë çështje, raporton Shqip.

Prokuroria thotë se janë të pavërteta pretendimet se Durim Bami është takuar me kreun e Ministrisë së Brendshme.

Sipas deputetit Tom Doshi, Durim Bami është paguar për vrasjen e tij, por më pas është penduar dhe ka rrëfyer ngjarjen, madje edhe tek zyra e Ministrit të Brendshëm.

Alarmon vëllai i Komandant Malishevës: Të burgosurit po torturohen për vdekje

0

Vëllai i Muhamet Krasniqit “Komandant Malisheva” alarmon për gjendjen e të arrestuarve nga policia maqedonase, ai thotë se ata gjendja e të burgosurve është e rëndë dhe rrezik për jetë.

Postimi i plotë i Alban Krasniqit në Facebook

“Urgjente:
Gjendja e të burgosurve është shumë e rëndë dhe rrezik për jetë. Ata i janë nënshtruar torturave çnjerëzore nga policia maqedonase, derisa kanë plagë të rënda duke mos u ofruar kurrfarë mjekimi.
Ndërhyrja në ofrimin e ndihmës mjekësore është jetike.” /MalishevaPress/

Ramadani: Mos të mbyllen sytë, ata janë qytetarë të Kosovës

0

Sekretari i Përgjithshëm i AAK-së, Burim Ramadani, ka thënë se institucionet e Kosovës duhet t’u sigurojnë trajtim njerëzor shtetasve të saj që janë të arrestuar gjatë konfliktit në Kumanovë.

“Përgjegjësia për sigurinë për shtetasit e Kosovës i bie institucioneve të Kosovës. Askujt tjetër”, ka shkuar Ramadani në rrjetin e tij social në Facebook.

Ai tutje ka thënë se duhet të lejohet një hetim i pavarur ndërkombëtar për këtë çështje si dhe vizitat dhe garantimi i trajtimit të tyre njerëzor dhe korrekt duhet të jetë obligim parësor i Kosovës.

“Mos të mbyllen sytë! Ata janë qytetarë të Kosovës”, ka thënë Ramadani

Zbogar: Duhet të nxirret e vërteta ndaj akuzave për krime lufte

0

Shefi i Zyrës së Bashkimit Evropian në Kosovë, Samuel Zbogar, ka thënë se Kosova nuk duhet të bëhet rutinë e diskutimeve në Këshillin e sigurimit dhe as të kthehet në kohën e para përfundimit të pavarësisë së mbikëqyrur, por të themelojë vetë Gjykatën Speciale.

Zbogar, në profilin e tij në Facebook, ka shkruar se gjatë një ligjëratë të mbajtur me studentët e Fakultetit të Shkencave Politike, ka bërë të qartë nevojën për themelimin e gjykatës Speciale nga institucionet e Kosovës, në mënyrë që siç ka thënë ai, të nxirret e vërteta për akuzat e ngritura për krime lufte, transmeton lajmi.net

Procesi i liberalizimit të vizave dhe sfidat e Kosovës që shoqërojnë këtë proces ishin po ashtu temë që Përfaqësuesi Special i Bashkimit Evropian, ka pasur me studentët e Universitetit të Prishtinës.

Çmimi “Ali Podrimja” i ndahet shkrimtarit Jevrem Brkoviq

0

Është ndalur para portretit të Ali Podrimës e ka ndërruar disa fjalë me të, si vëllai me të vëllanë. Është përkulur para fotografisë së tij, e pastaj i është kthyer kah të pranishmit, pasi ka pranuar Çmimin “Ali Podrimja” që sivjet i është ndarë shkrimtarit nga Mali i Zi, Jevrem Brkoviq. Me zërin që i dridhej nga emocionet Brkoviç, ai është drejtuar vëllait të tij, Ali Podrimjes.

“Ja i dashuri vëllai im Ali, erdhi edhe ai momenti imagjinar, kur unë si një plak qëndroj para këtyre njerëzve të nderuar dhe po e pranoj shpërblimin me emrin tënd”, kanë qenë fjalët e shkrimtari që ka pranuar çmimin në paraditen e së enjtes (dje). Këtë moment ai e ka quajtur madhështor dhe të dhimbshëm. “I dashur Ali Podrimja u takojmë popujve që më shumë e kanë dashur vëllamin, sesa vëllanë nga nëna e babi. 40 vjet i dashur Ali kemi ecur nëpër këtë tokë që kudo na ka pritur e përcjell me zemërgjerësi”, është shprehur Jevrem Brkoviq para zyrtarëve nga Koracia, Mali i Zi, Norvegjia, shkrimtarëve e akademikëve. E pranishme ishte edhe bashkëshortja e Ali Podrimjes.

Në emër të jurisë së Çmimit për Letërsi “Ali Podrimja” ka folur Agim Vinca, kryetari i jurisë, ka thënë se Jevrem Brkoviq është pa dyshim një nga krijuesit më me zë në hapësirën e ish-Jugosllavisë. Vinca ka thënë se ai është autor i një opusi të gjerë krijues.

“Me penën e tij të mprehtë dhe guximin e tij intelektual, ai iu kundërvu dhunës dhe të keqes, duke marrë në mbrojtje konfrom traditës së të parëve, të rrezikuarit nga ideologjia e urrejtjes, viktima e parë dhe e fundit e së cilës qe siç dihet Kosova dhe shqiptarët”, ka thënë Vinca, i cili ne juri ka qenë bashkë me Basri Çapriqin dhe Lulzim Tafën.

“Të rrallë janë shkrimtarët që kanë lënë kaq shumë dëshmi të shkruara për luftërat dhe krimet që janë bërë veçanërisht në dy shekujt e fundit në këtë hapësirë. Që kanë demaskuar gënjeshtrat, mashtrimet si Javrem Bërkoviqi, duke ngritur lart njëkohësit qëndresën, bujarinë, krenarinë, trimërinë dhe burrërinë që i ka karakterizuar në shekuj njerëzit e vërtetë, burra e gra, të painfektuar nga virusi shovinist në këtë udhëkryq gjuhësh, popujsh e qytetërimesh që jetojnë në Ballkan”, është shprehur Agim Vinca.

Lulzim Tafa, rektor i Kolegjit AAB, ka thënë se çmimi është ndarë me motivin “Arritje kulminante në fushën e artit dhe të letërsisë”.

“Tek ne shqiptarët ekziston një thënie ‘Miku i mirë në ditë të vështira’, andaj mund të themi se Jevrem Bërkoviq është miku ynë i ditëve të vështira, është miku i Kosovës dhe i shqiptarëve, prandaj është miku ynë i mirë”, ka thënë Tafa, për të shtuar se Jevrem Brkoviq si shkrimtar disident do të kujtohet përgjithmonë.

“Ne sot (e enjte), e nderojmë veprën e tij letrare, brilante që i dha letërsisë, vlerave universale që përfaqëson letërsia”, ka thënë Lulzim Tafa.

Jevrem Brkoviq është një nga personalitet më të shquara të ish-Jugosllavisë, i cili vërtet mund të konsiderohet shpirti i lirë, ka thënë në fjalën e tij Kadri Veseli, kryetar i Kuvendit të Kosovës.

“Momentet më të rënda që populli ynë i ka kaluar gjatë viteve të 80-a të shekullit të kaluar ka qenë një nga zërat më të fuqishëm të shembjet së diktaturës dhe të shovinizmit serb”, ka thënë Veseli për shkrimtarin, të cilit çmimi iu nda në ditën e pavarësisë së Malit të Zi.

“Me pavarësinë e Kosovës dhe të Malit të Zi, Serbia e ka fituar shansin për të kuptuar njëherë e mirë se mirëqenia e kombit serb nuk qëndron në sundimin mbi të tjerët”, është shprehur Veseli.

Për ministrin e Arsimit, Arsim Bajrami, është kënaqësi që janë të pranishëm kaq shumë miq nga Mali i Zi, sepse tregon se tani është një realitet i ri, se Kosova e Mali i Zi janë duke shkuar nga e ardhmja dhe jo nga e kaluara.

Organizatorë të Çmimit “Ali Podrimja” janë Shoqata e Malazezëve të Kosovës me president Slobodan M.Vujiçiq dhe Kolegji AAB. /Zëri/

Petroviqi pritet të bëhet nënkryetar i Kuvendit

0

Deputeti i Listës Serbe, njëherësh lideri i SLS-së, Slobodan Petroviq sot (e premte) pritet të emërohet nënkryetar i Kuvendit të Republikës së Kosovës.

Siç ka mësuar “Epoka e re”, Petroviq në postin e nënkryetarit të Kuvendit do ta zëvendësojë Jasmina Zhivkoviqin, e cila vjen nga Lista Serbe. Slobodan Petroviq mandatin e kaluar ka qenë zëvendëskryeministër dhe ministër i Pushtetit Lokal.

Përveç emërimit të nënkryetarit të Kuvendit të Republikës së Kosovës, në seancën e sotme plenare pritet të miratohet edhe propozimi i Grupit parlamentar të Listës Serbe për zëvendësimin e anëtarëve në komisione të ndryshme parlamentare.

Skandaloz, reagimi i Qeverisë për ngjarjet në Kumanovë

0

Shefi i Grupit parlamentar të Vetëvendosjes, Glauk Konjufca ka thënë se ajo çfarë ka ndodhur në Kumanovë është e papranueshme.
Për shkak të kësaj, ai ka deklaruar se kanë kërkuar të enjten debat në Kuvendin e Kosovës.

Konjufca për ‘Epokën e re’ ka vlerësuar se reagimi i Qeverisë së Kosovës karshi ngjarjeve në Kumanovë ka qenë skandaloz.

Konjufca ka thënë se me ngjarjet në Kumanovë, Nikola Gruevski ka dashur të tërheq vëmendjen nga skandalet që janë duke i ndodhur Qeverisë së tij.

Ai ka bërë me dije se për shkak të këtyre skandaleve, Gruevski ishte i gatshëm të nisë edhe luftën, e cila, sipas tij, i konvenon vetëm atij dhe Serbisë.

Familjet pa konfirmim për të vdekurit

0

Heshtja ka pllakosur fshatin Prekollug të Deçanit. Askush nuk pranon të flasë për të birin e fshatit, që tashmë autoritetet maqedonase kanë konfirmuar se është vrarë gjatë luftimeve në Kumanovë.

Shtëpia e Beg Rizajt është e mbyllur në fshat. Vëllezërit e tij janë kthyer nga Anglia dhe Gjermania, mirëpo askush nuk ka qenë në fshatin e lindjes, ku vëllezërit Rizaj kanë një shtëpi të madhe në fshat.

Një grua ndez një zjarr afër shtëpisë, ku djeg mbeturina. Ajo thotë se njeh familjen Rizaj, që i kanë fqinj të parë. “I kemi pos me i pasë vllazën”, thotë ajo, tek konfirmon se në atë shtëpi ka një kohë të gjatë që nuk ka qenë askush i familjes.

E pyetur nëse di ndonjë gjë për fatin e Begut, ajo rrudh krahët. “Nuk dimë gjë…”, thotë në heshtje tek ul kokën, gjersa tymi i shkon syve.

Jo larg shtëpisë së Beg Rizajt, në Prekollug jeton familja Hadërgjonaj. Një burrë i lagjes thotë se janë kushëri me Rizajt./zeri/

Gjyqësori amniston korrupsionin

0

Buxheti i Kosovës vijon të dëmtohet nga sistemi gjyqësor, ndërkohë që njerëzit e këtij të fundit ngrehin zërin për rritje pagash. Sipas të dhënave të paraqitura nga Antikorrupsioni, janë vetë gjykatat që dëmtojnë buxhetin e shtetit, nëpërmjet procedimit të lëndëve të korrupsionit që janë kallëzuar penalisht në Prokurori nga AKK –ja.

Kjo e fundit përmes një letre adresuar Këshillit Gjyqësor të Kosovës, si dhe kryetarëve të gjykatave themelore të Kosovës, ka shprehur shqetësimin e  saj në lidhje me mungesën e efikasitetit të këtyre institucioneve në trajtimin me seriozitet të rasteve (kallëzimeve penale) të paraqitura nga ana e Agjencisë, për sa i përket mosdeklarimit  dhe deklarimit të rremë të pasurisë nga  zyrtarët e lartë publikë. Bëhet fjalë për rastet e iniciuara për vitin 2014.

“Gjatë përfaqësimit të rasteve të iniciuara nga Agjencia është vërejtur se gjykatat themelore në Kosovë kanë aplikuar politikë joadekuate ndëshkimore, veçanërisht në lidhje me veprat penale të mosdeklarimit ose deklarimit të rremë të pasurisë nga zyrtarët e lartë publikë”, thuhet në letrën e Agjencisë./Kosova Sot/