Ekspertizat e vrasjes së Beg Rizajt dhe Arben Rexhajt, të siguruara ekskluzivisht nga televizioni Shenja, përforcojnë edhe më shumë dyshimet e familjarëve se udhëheqësit kryesorë të grupit të Kumanovës janë likuiduar pas arrestimet.

Obduksioni i bërë në Institutin e Mjekësisë Ligjore në Shkup dëshmon se Rizaj dhe Rexhaj janë vrarë thuajse në mënyrë identike. Në ekspertizën e Beg Rizajt konstatohet se vdekja e tij është pasojë e plagës në kokë, në lartësi prej 178 centimetra, matur nga shputa e këmbëve.

“Vdekja e tashmë të ndjerit Beg Rizaj, në moshë 38 vjeçare, është e dhunshme dhe është shkaktuar si rezultat i ndërprerjes së trurit për shkak të plagës nga plumbi në kokë. Plaga gjendet në pjesën e majtë të ballit, në lartësi 178 centimetra”, thuhet në ekspertizën e Beg Rizajt.

Plaga e Rexhajt, nga ana tjetër, është thuajse në të njëjtin vend, me vetëm 1 centimetër dallim nga plaga e Beg Rizajt.

“Vdekja e të ndjerit NN me shifër 309, më vonë i identifikuar si Arben Rexhaj, në moshë 44 vjeçare, është e dhundshme dhe është pasojë e plagës nga plumbi që ka kaluar përmes trurit. Plaga hyrëse gjendet në ballë, në lartësi 179 centimetra matur nga shputa e këmbës”, thuhet në eskpertizën e Arben Rexhajt.

Sidoqoftë, obduksionit i mungojnë të dhëna elementare, që zakonisht duhet t’i përmbajë një ekspertizë ligjore.

Nuk theksohet largësia prej të cilës është hapur zjarr ndaj viktimave, as koha e përafërt e vdekjes së tyre. Televizioni Shenja kontaktoi drejtorin e Institutit për Mjekësi Ligjore, Aleksej Duma për të komentuar mungesën e të dhënave elementare në këto dy ekspertiza, por Duma nuk deshi të japë detaje për shkak të procedurës juridike që po zhvillohet për këtë rast.

Televizioni Shenja ka kontaktuar edhe Departamentin për Mjekësi Ligjore në Ministrinë e Drejtësisë të Kosovës, të cilët gjithashtu kanë kryer ekspertizë të trupave të kosovarëve të vrarë në Kumanovë.

Nga Mjekësia Ligjore në Prishtinë thonë se ata ende nuk kanë mbyllur dosjen e obduksionit, për shkak se Shkupi zyrtar tashmë disa muaj refuzon t’u dorëzojë të dhënat e nevojshme nga ekspertiza fillestare.

Ndërkohë, Beg Rizaj dhe Arben Rexhaj u identifikuan nga Këshilli për Mbrojtjen e të Drejtave dhe Lirive të Njeriut në Kosovë në disa nga fotografitë e publikuara menjëherë pas konfliktit të Kumanovës.

Përveç Rizajt dhe Rexhës, Këshilli dyshon se edhe Mirsad Ndrecaj dhe Samid Kastrioti janë kapur të gjallë dhe më pas janë ekzekutuar. Dyshimet për vrasjen e mundshme të disa nga pjesëtarët e grupit të Kumanovës pas arrestimit të tyre u shfaqën edhe pas publikimit të shkresës zyrtare nga Ministria e Jashtme e Maqedonisë drejtuar Ambasadës së Kosovës, ku Mirsad Ndrecaj dhe Beg Rizaj numërohen në mesin e të arrestuarve të vdekur.

Një shtetas shqiptar është vrarë me armë zjarri në Itali. Arben Vorfi, 29 vjeç person me precedentë të mëparshëm penalë për grabitje e trafik droge është gjetur i pajetë në banesën e tij në Bergamo nga një mik i tij. I riu shqiptar ishte qëlluar me tre plumba pistolete…

Trupi i pajetë i Arben Vorfit është zbuluar nga 4 miq të tij që në orën 3.00 në mëngjesin e 19 nëntorit kanë mbërritur në apartament e duke lajmëruar më pas forcat e rendit.

Dëshmia e një fqinje në apartament konfirmon se në orën 22.40 të natës së 18 nëntor ka dëgjuar zhurmë të forta që vinin nga apartamenti i Vorfit. dërkohë një nga gëzhojat e plumbae që ka goditur 29 vjecarin shqiptar është gjetu në grilën e dritares së dhomës ku është ekzekutuar vrasja.

Apartamenti ku jetonte Arben Vorfi në komunën e Treviglios është vënë nën sekuestrimin e policisë deri në dhënjen fund të ekspertizës së vendit të krimit.

Kryeministri i Francës, Manuel Valls, ka paralajmëruar për rrezikun e sulmeve me “armë kimike ose biologjike” në Francë

“Nuk duhet të përjashtojmë asgjë”, ka thënë Valls para ligjvënësve francezë.

“Imagjinata makabre e atyre që japin urdhra, është e pakufizuar. Pushkë sulmuese, prerje kokash, kamikazë, thika, ose të gjitha këto në të njëjtën kohë”, ka thënë Valls.

Këtë të enjte policia ka bastisur 6 lagje në Bruksel ku dyshohet se mund të jenë fshehur terroristët e lidhur me sulmet e 13 nëntorit ku mbetën të vrarë 129 persona dhe u plagosën mbi 350 të tjerë.
Mbetet e paqartë nëse organizatori i dyshuar i sulmeve, Abdelhamid Abaaoud, është vrarë gjatë bastisjeje së një lagjeje në veri të Parisit këtë të mërkurë nga policia.

Ligjvënësit francezë po diskutojnë sot për zgjatjen e gjendjes së jashtëzakonshme në vend për tre muaj.
Valls i ka bërë thirrje gjithë Europës që të miratojë masa për shkëmbimin e informacioneve në lidhje me pasagjerët e linjave ajrore, me qëllim mbrojtjen e sigurisë kolektive.

Një burrë vrau me armë zjarri dy ushtarëve të Bosnjës në një lagje të Sarajevës të mërkurën në darkë dhe plagosi shumë të tjerë. Arsyet e sulmit janë të panjohura.

Policia në kantonin e Sarajevës në Bosnjë tha se një burrë vrau dy ushtarë të Ushtrisë së Bosnjës brenda një dyqani bastesh në lagjen Rajlovac të kryeqytetit serb në orën 7.30 të mbrëmjes.

Arsyet e sulmit janë të panjohura por një televizion vendës raportoi se sulmuesi thirri “Allahu Ekber” para se të hapte zjarr. Ky raportim nuk u konfirmua nga autoritetet.

“Është ende tepër herët për të folur për terrorizmin,” deklaroi Dragan Lukac, drejtor i Drejtorisë së Policisë Federale për televizionin N1.

“Ne ende nuk kemi konfirmim se ky qe një sulm terrorist dhe shpresojmë që nuk qe,” tha Perica Stanic, drejtor i Agjencisë Shtetërore të Hetimit dhe Mbrojtjes, SIPA.

Pas vrasjes së dy ushtarëve, sulmuesi u kthye ndaj një autobusi që qe parkuar pranë dyqanit të basteve duke plagosur një ushtar tjetër që gjendej aty pranë.

Shoferi i autobusit bashkë me dy pasagjerë raportohen se janë plagosur lehtë.

SIPA tha se p dërgonte një skuadër speciale për të mbështetur hetimet që po kryen nga Prokuroria e Bosnjës dhe Hercegovinës.

Në orët që pasuan, polica rrethoi një shtëpi në lagjen Sokolje. Media raportoi se shtëpia i përkiste të dyshuarit i cili është identifikuar si njeriu që hapi zjar ndaj ushtarëve dhe se i dyshuari ka kryer vetëvrasje.

Gjithsesi, policia konfirmoi vetëm që një njeri ka kryer vetëvrasje dhe se hetimet janë duke u kryer për të identifikuar këtë person si dhe për të përcaktuar nëse ai qe me të vërtetë vrasësi.

Forcat e policisë u panë teksa largoheshin mëngjesin e sotëm nga lagjja Sokolje. /BIRN