Platforma më e madhe evropiane e arkitekturës, “Future Architecture Platform”, në të cilën janë mbledhë 15 organizata të arkitekturës nga e mbare Evropa, ka hapur thirrje për ide në fushën e arkitekturës, njofton Fondacioni Kosovar i Arkitekturës.
Platforma ka për qëllim të përzgjedhë mbi 25 arkitektë të ri, nën 40 vjeç, nga e mbar Evropa dhe të promovojë punën e tyre ne festivalet, konferencat dhe institucionet që bëjnë pjesë në platformë.
Themeluesit e platformës janë Muzeu i Dizajnit dhe Arkitekturës në Lubjanë, ORIS Shtëpia në Zagreb, Java e Arkitekturës në Prishtinë, Java e Arkitekturës në Tiranë, Java Arkitektonike në Beograd, Muzeu i Arkitekturës dhe Dizajnit MAXXI në Romë, Shtëpia e Arkitekturës në Graz, Festivali Arkitekturës në Kopenhage, Design Biotop në Lubjanë, Trienalja e Arkitekturës në Lisbonë, Ruby Press në Berlin, Muzeu i Arkitekturës zvicerane në Bazell dhe CANaction në Kiev.