18.2 C
Prizren
E diel, 4 Maj, 2025
type here...
Home Blog Page 6877

Përkeqësohet liria e mediave në Kosovë

admin
-
0

Kosova ka shënuar përkeqësim në lirinë e mediave, krahasuar me një vit më parë. Organizata Freedom House ka publikuar të mërkurën raportin e përvitshëm për lirinë e shtypit në botë, i cili mbulon 199 vende dhe territore.

Kosova sivjet zë vendin e 100-të, krahasuar me pozitën numër 98 që ka mbajtur vitin e kaluar.

Kryetari i Asociacionit të Gazetarëve të Kosovës, Zekirija Shabani, thotë se raporti nuk është befasues dhe se është pritur vlerësim madje edhe më negativ. Shabani thotë se kërcënimet ndaj gazetarëve në Kosovë kanë tendenca të rritjes.

“Sulmet, kërcënimet, shantazhet dhe censurat ndaj gazetarëve këtë vit kanë shënuar rritje. Vitin e kaluar kemi pasur 24 raste të raportuara në Asociacionin e Gazetarëve të Kosovës, ndërsa vetëm këtë vit, prej janarit deri më tani, i kemi dhjetë raste të tilla. Kjo tregon se situata gjithnjë e më tepër po përkeqësohet”, thotë Shabani për Radion Evropa e Lirë.

Në raportin e Freedom House për vitin 2015, Kosova radhitet në mesin e vendeve pjesërisht të lira, me 49 pikë. Shkalla 0 është rezultati më pozitiv, ndërsa 100-shi më negativ.

Vehbi Kajtazi është gazetar në të përditshmen “Koha Ditore”. Ai thotë se është përballur me shumë presione, pasi ka raportuar për korrupsion të dyshuar brenda misionit evropian për sundimin e ligjit në Kosovë, EULEX. Kërcënimet ndaj tij janë përmendur edhe në raportin e organizatës Amnesty International për situatën e të drejtave të njeriut.

Kajtazi, raportin e organizatës Freedom House e cilëson si konstatim të gjendjes reale të mediave në Kosovë.

“Vitin e kaluar, janë ngritur dy aktakuza kundër dy personave për kërcënim ndaj meje. Kjo sigurisht se është dëshmi konkrete se personat e caktuar, për të cilët kam shkruar unë dhe nuk u ka pëlqyer puna ime, kanë zgjedhur mënyrën e gabuar të komunikimit me gazetarë – pra, kanë zgjedhur që përmes kërcënimit dhe forcës të komunikojnë me mua”, thotë Kajtazi.

Në raportin e Freedom House, vendet e rajonit radhiten si vijon: Maqedonia në pozitën numër 125, Bosnja 108, Shqipëria 97, Serbia 82 dhe Mali i Zi 79. Të gjitha këto shtete bëjnë pjesë në kategorinë e vendeve pjesërisht të lira.

Në përgjithësi, organizata me seli në Shtetet e Bashkuara vlerëson se liria e shtypit në botë ka rënë në vitin 2014 në pikën më të ulët në më shumë se dhjetë vjet.

Freedom House thotë se Bjellorusia, rajoni i Krimesë i aneksuar nga Rusia, Irani, Turkmenistani dhe Uzbekistani janë në mesin e dhjetë vendeve dhe territoreve që kanë vlerësimet më të ulëta për lirinë e shtypit. Në krye të listës së vendeve të lira radhiten Norvegjia, Suedia dhe Belgjika. /Rel/

Fatos Klosi, i lënduar nga Pandeli Majko

admin
-
0
Fatos Klosi, i lënduar nga Pandeli Majko

Fatos Klosi ka reaguar ndaj deklaratës së deputetit Pandeli Majko, i cili u shpreh se, fakti që Rugova ka qenë tradhtar i Kosovës është po aq i vërtetë, sa që Klosi ka luftuar me armë në dorë.

Majko tha dje se: “Lexova në media që “veterani” i Luftës së Kosovës, Fatos Klosi ka fyer jo vetëm Presidentin e nderuar Rugova. Që Ibrahim Rugova të ketë qenë “tradhtar” i Kosovës, kjo është po aq e vërtete sa Klosi të ketë luftuar me armë në dorë”, shprehet Majko.

Por deklarata e Pandeli Majkos nuk është pritur mirë nga ish-kreu i Shërbimit Informativ Kombëtar, Fatos Klosi. Në një reagim për Vizion Plus, ai u shpreh se ndihet i “lënduar nga Pandeliu”, dhe i cilësoi deklaratat e tij si tallëse.

Sipas Klosit, e gjithë deklarata e Majkos është e gabuar.

“Ai e shikon statusin e veteranit me përbuzje”, u shpreh Klosi.

Courtney ka nxjerrë në shitje një video seksi

admin
-
0
Courtney ka nxjerrë në shitje një video seksi

Courtney Stodden ka nxjerrë në shitje një video seksi.

Modelja 20- vjeçare thuhet se ka regjistruar veten duke masturbuar dhe shpreson ta shesë për një çmim sa më të lartë.

TMZ thotë se i shoqi, Doug Hutchinson, nuk duket në video.

Stodden u bë e famshme kur u martua në moshën 16- vjeçare me aktorin Hutchinson, që në atë kohë ishte 51 vjeç.

Aktori ka luajtur në serialin “Lost” dhe në filmin “Green Mile”.

Golf 3 për vetëm 150 euro!

admin
-
0
Golf 3 për vetëm 150 euro!

Për vetëm 150 euro në Kosovë mund të pajiseni me Golf 3.

Me këtë çmim këso veture mund të blihet në komunën e Podujevës që udhëhiqet nga kryetari Agim Veliu.

Kjo komunë sot ka hapur ankandin publik për shitjen e tetë automjeteve.

Për tetë automjetet kjo komunë ka vendosur çmimin total fillestar prej vetëm 1920 euro, përderisa në tregun e automjeteve me këtë shumë mund të blihet vetëm një veturë e markës Golf 3.

Çmimi i veturës më të shtrenjtë në këtë ankand publik është vendos të jetë prej 350 eurove.

Ankandi publik i hapur nga komuna e Podujevës për shitjen e automjeteve do të mbahet më 6 maj të këtij viti. /ORAinfo/

Nënkryetari i komunës, në hetim për favorizim

admin
-
0

Dy zyrtarë në një komunë në Korçë po hetohen me akuzën se kanë dhënë dokumenta të falsifikuara, për njerëz që janë larguar më pas drejt vendeve të BE-së për të kërkuar strehim politik.

Dy zyrtarët që po hetohen janë të komunës Libonik dhe akuzohen se kanë lëshuar një dokument të falsifikuar në favor të një 42-vjeçareje, e cila më pas është larguar nga Shqipëria për të kërkuar strehim politik në BE.

Zyratërt që po hetohen janë nënkryetari i komunës Kastriot Malushi 50-vjeç dhe sekretarja 53-vjeçare e komunës V.A.

Akuza e ngritur ndaj tyre është ajo e shpërdorimit të detyrës.

Qentë e bërlloku “pushtojnë” Prizrenin

admin
-
0
Qentë e bërlloku “pushtojnë” Prizrenin

Rrugëve të qytetit të Prizrenit mund të hasësh në çdo kohë në qenë endacakë. Madje ata lëvizin lirshëm edhe në pikë të ditës e në prani të qytetarëve.

Po ashtu në këtë qytet turistik mund të shihen edhe grumbuj të bërllokut. Këtë fakt e tregojnë edhe disa fotografi të dërguara nga një lexues i Gazetës Express.

 

Policia në Prizren ligjëron për krimin dhe urrejtjen në shkolla

admin
-
0
Policia në Prizren ligjëron për krimin dhe urrejtjen në shkolla

Me moton “ Të kuptuarit e krimit kundër urrejtjes” Policia në bashkëpunim me OSBE-në, ka filluar një aktivitet sensibilizues për nxënësit e komunave të rajonit të Prizrenit.

Një aktivitet i tillë është mbajtur sot në shkollën “ Lekë Dukagjini”, me ç’rast zyrtari për informim i Drejtorisë Rajonale të Policisë në Prizren, rreshteri Vesel Gashi, tha se ky aktivitet ka për qëllim informimin dhe vetëdijesimin e nxënësve të të gjitha komuniteteve, për të kuptuar hollësisht shmangien e krimit në baza të urrejtjes ndërnjerëzore të nacionaliteteve të ndryshme.

Rreshteri Gashi, tha më tej se gëzon fakti se kjo dukuri nuk është e pranishme në zonën e përgjegjësisë së Prizrenit, por shton ai asgjë nuk mund t’ia lëm rastësisë dhe për këtë arsye, theksoi ai, është paraparë organizimi i këtij aktiviteti.

Nxënësja e klasës së IX-të të SHFMU “ Lekë Dukagjini”, Anabella Smajlloviq, nga komuniteti boshnjak thotë se nuk ndjehet e rrezikuar në aspektin ndërnacional, por me dukuritë e pranishme që po e rrezikojnë sigurinë.

“Në komunën e Prizrenit sa i përket marrëdhënieve ndëretnike nuk ka asnjë problem rreth sigurisë, mirëpo huliganizmi dhe prania e shumë dukurive tjera negative nuk na bën të sigurt në ambientet shkollore”, thonë nxënësit.

Ka shumë rrahje masive të nxënësve, dëgjojmë shumë gjëra për përdorim të substancave narkotike, kemi prani të huliganëve, dhe të gjitha këto na bëjnë të mos ndihemi të sigurt gjatë kohës që kalojmë në shkollë thonë ata.

Sipas mendimit të nxënësve prania e policisë nëpër shkolla, do të mundësonte më shumë siguri për nxënësit. Aktivitetet për vetëdijesimin e nxënësve do të vijojnë edhe në komuna të tjera të regjionit të Prizrenit./TV Opinion/

Ymer Berisha: Reagimi i LDK-së ishte i kotë

admin
-
0
Ymer Berisha: Reagimi i LDK-së ishte i kotë

Zëdhënësi i Komunës së Prizrenit,Ymer Berisha , akuzat e fundit të LDK-së i ka vlerësuar si të kota. Sipas tij, LDK-ja në Prizren me reagime të tilla nuk po  thotë asgjë të vërtet.

“Reagimi i LDK-së për mendimin tim ishte i kot ”, tha Berisha.

Lidhja Demokratike e Kosovës (LDK) në Prizren, dje ka shprehur shqetësimin për keqpërdorimet e parasë publike, në emër të angazhimit të praktikantëve në kohë të pacaktuar.

“Janë bërë punësim të paligjshme të një numri të madh të praktikantëve, të cilët paraprakisht ishin angazhuar përkohësisht në Komunë”, pat vlerësuar LDK-ja në Prizren.

“Puna e praktikantëve fillon zakonisht nga muaji qershor e deri në muajin shtator, ku përkundër kësaj shumica prej tyre edhe pse ju ka skaduar kontrata e vazhdojnë punën si të punësuar në mënyrë jashtëligjore për gati 2 vite”.

Zëdhënësi i Komunës Ymer Berisha, ndërkaq nuk pajtohet me konstatimin e LDK-së. Sipas tij, praktikantët që janë pranuar me konkurs “kanë shkuar në shtëpi”.

“Kur ju skadon afati 6 mujor shkojnë via te shpija”.

Ai tregon se praktikë aktualisht janë duke bërë studentët e Universitetit të Prizrenit “Ukshin Hoti”.

“Ka shumë studentë që bëjën praktikë në Administratën e Prizrenit”, tregon ai. /PrizrenPress.com/

QRTK në Prizren me sqarime shtesë për punimet në Hamamin e Gazi Mehmet Pashës

admin
-
0
QRTK në Prizren me sqarime shtesë për punimet në Hamamin e Gazi Mehmet Pashës

Në bazë të marrëveshjes mes QRTK (Qendra Rajonale e Trashëgimisë Kulturore) e Prizrenit dhe UNESCO-së të nënshkruar me 17.03.2010, QRTK e Prizrenit (contract No: 4500097131) ka hartuar projektin e restaurimit dhe rehabilitimit të hamamit të Gazi Mehmed Pashës në Prizren. Sipas paramasës për punët restauruese nevojiten rreth 670.190.00 Euro. Nga konferenca e donatorëve për Kosovën të mbajtur në vitin 2005, Qeveria e Turqisë ka ndarë një shumë të caktuar të mjeteve për restaurimin e monumenteve në Kosovë, e nga ajo shumë është paraparë që një sasi të investohet në hamamin e Prizrenit. Tenderimi dhe përzgjedhja e punëkryesit është bërë nga ana e UNESCO-së me ç’rast është kontraktuar kompania ndërtimore NN “El-Com” nga Prizreni për shumën rreth 214.000.00 Dollarë Amerikan. Të gjitha transakcionet bankare të pagesës janë bërë drejt-përdrejt mes UNESCO-së dhe NN “El Com”-it. Natyrish që këto mjete ishin të pamjaftueshme për restaurimin e tërësishëm të hamamit kështu që punimet janë ndarë në faza. Duke dhënë prioritet eliminimit të rrezikut më të madh që kanosej ndërtesës, përfaqsuesi i UNESCO-së në konsultim me arkitektët e QRTK-së në Prizren, ka hartuar planin për zbatimin e punimeve për fazën e parë duke pasur parasysh shumën e mjeteve që janë në dispozicion.

Gjatë hartimit të projektit për restaurim si konsulent kemi pasur Prof. Dr. Zejnep Ahunbaj eksperte e njohur ndërkombëtarisht për arkitekturën e periudhës Osmane. Në projekt është marr parasysh se mund të dalin punë të pa parapara që është një fenomen i zakonshëm kur bëhet fjalë për plane restaurimi-konservimi apo gërmimi. Disa nga këto “parashikime” është përmendur në projektin e restaurimit (psh. qemeri i pjesës së vaktë të pjesës për meshkuj,etj.), por megjithatë nuk mund të dihet sigurtë derisa nuk filluan punimet. Po ashtu duhet cekur se në parim dhe çdo herë “projekti i restaurimit përfundon kur përfundojnë punimet e restaurimit”, andaj ndryshimet që mund paraqiten gjatë restaurimit bazuar në fakte që zbulohen gjatë punës është shumë normale. Duke mos dashur të thellohemi në përkufizimet e restaurimit, konservimit, rehabilitimit,etj. vetëm duhet theksuar se gjatë restaurimit prioritet ka orgjinaliteti ndaj falsifikimit, gjithnjë kur bëhet fjalë për renovime (falsifikime) të bëra vonë.

Pra këtu nuk bën pjesë fazat e ndërhyrjeve që ka pasur monumenti në shekujt e kaluar. Kështu është edhe me rastin e hamamit të Gazi Mehmed Pashës. Gjatë punimeve renovuese që është bërë këtij monumenti mes dy Luftërave Botërore, e sidomos gjatë restaurimit të viteve 1960/75, janë bërë rindërtime të kubeve, qemerëve, tamburëve dhe nivelizimi i çatisë duke mbushur dhe ngarkuar konstruksionin e monumentit vetëm e vetëm për të fituar ramje më të madhe me ç’rast janë mbyllur më se 65vrima për ndriçim. Andaj pamja “orgjinale” e hamamit në fakt është pamja e formësuar dhe prezentuar publikut pas restaurimit të viteve 1960/75 dhe nuk është bazuar në fakte. Se hamami ka qenë i suvatosur shihet edhe nga fotografitë e vjetra, por me rëndësi është se kjo është vërtetuar edhe gjatë hapjes së një sonde kontrolli në çatinë e hamamit. Gjatë ndërtimit të hamameve zakonisht nuk është dhënë rëndësi pamjes së jashtme, bile shpesh herë kanë qenë të rrethuar me lokale ose ndërtesa tjera. Andaj këto ndërtesa kanë qenë të suvatosura me llaq horosan si hidroizolator i mirë. Kur muratimi i hamameve është bërë me blloqe gurësh dhe ndërmjet tyre janë vendosur një, dy ose më tepër reshta tullash (stili “klausonazh”) ato shpesh herë nuk janë suvatosur pasi vet pamja e ndërtimit ka qenë si një lloj muri dekorativ.

Në rastin e hamamit të Gazi Mehmed Pashës nuk bëhet fjalë për ndërtim me teknikë “klausonazhë” si murë dekorativ, por me ndërtim me gurë të ndryshëm dhe ka qenë e suvatosur dhe e rrethuar me lokale. Deri në vitin 1965 derisa nuk bëhet rrënimi i lokaleve përreth hamamit, ndërtesa e hamamit ka qenë jashtë shiqimit të popullatës andaj edhe nuk dihej edhe pamja burimore e tij. Kur është bërë restaurimi i hamamit dhe është bërë rrënimi i lokaleve, atëherë popullata ka parë pamjen e restauruar e jo pamjen burimore.Në fund, suvatimi i tambureve me llaq horosan është bërë në bazë të gjetjeve orgjinale në vend (por edhe fotove), por edhe për shkaqe praktike-sigurie nga lagështia që tullat nuk janë rezistenete ndaj kushteve atmosferike është marrë vendimi në konsultim me Prof. Dr. Zeynep Ahunbay si mbikqyrëse e punimeve nga ana e UNESCO-së. Po ashtu duhet theksuar se në restaurim nuk ka vend për termin”po më pëlqen, ose jo”, por a është në përputhje me orgjinalin edhe pse ajo mund të mos duket mirë. Kështu u bë edhe me rastin e kroit të “shadrvanit” ku pati reagim nga një pjesë e banorëve gjoja se po shkatërohet orgjinaliteti i kroit, e që në fakt ajo ishte një gyp kanalizimi prej azbesti të vendosur në vitin 1967…

Armiku nuk është Amerika

admin
-
0
Armiku nuk është Amerika

Angelo Panebianco
Presidenti i Shteteve të Bashkuara, Barak Obama, duke iu kërkuar falje familjeve, në cilësinë e tij si komandant i forcave të armatosura amerikane, mori përsipër përgjegjësinë për vdekjen e dy bashkëpunëtorëve, Giovanni Lo Porto dhe Warren Weinstein. Shpresojmë që askujt, këtu te ne, t’i vijë nëpër mend t’i dërgojë ndonjë urdhër arresti.

Precedentët nuk mungojnë. Është rasti, për shembull, i hetimit të çuditshëm gjyqësor në vitet ’90, i quajtur Cheque to Cheque, lidhur me dyshimin për një trafik ndërkombëtar armësh. Ai hetim përfundoi sikurse duhet të përfundonte, ose më saktë me asgjë. Por i mbajti për muaj të tërë gjallë faqet e para të gazetave sepse ishte e përbërë dhe e “ngarkuar” me hetime mbi personalitete ndërkombëtare të ndryshme, që nga lideri i atëhershëm nacionalist rus, Zhirinovski, deri tek arqipeshkvi i Barcelonës.

Nuk do t’i ndodhë edhe Obamës (shpresojmë), por ajo që e bën një mundësi të tillë jo dhe aq të pamundur është klima politike që përjetojmë sot në vendin tonë. Po të dëgjosh disa komente të caktuara duket sikur janë amerikanët “armiku” dhe vrasësit e vërtetë. Vrasës të rangut të ulët për më tepër: tema kryesore e diskutimit është nëse Obama e dinte apo nuk e dinte dhe në rast se e dinte, përse nuk e tha më parë.

Në këtë mënyrë humbasim nga shikimi thelbin. Dhe thelbi është se, edhe nëse amerikanët kanë bërë një gabim (e kush nuk bën të tilla në luftë?) armiqtë, vrasësit, nuk janë ata, por janë ata që rrëmbyen, i mbajtën të burgosur për vite të tëra dhe nuk i liruan kurrë Lo Porton dhe Weinstein. Përse kjo e vërtetë e thjeshtë dhe e pamohueshme e ka të vështirë të pohohet? Kryesisht, sepse legjitimiteti i aksionit ushtarak ndërkombëtar kundër grupeve xhihadiste në pjesë të ndryshme të botës kundërshtohet dhe nuk pranohet nga sektorë të rëndësishëm në vend. Shihni për shembull si flet shumëkush për luftën në Afganistan.
Duke e djegur edhe barin e njomë me të thatin, e vendosin në një plan me pushtimin e Irakut. Pra edhe ajo do të na ishte asgjë më shumë sesa një “luftë e Bushit”. E harrojnë se, nëse sigurisht Iraku është një rast i kundërshtueshëm, sulmi ndaj të cilit që prej fillimit nuk gjeti plotësisht mbështetjen e opinionit publik perëndimor, kjo nuk është e vërtetë për Afganistanin. Amerikanët ndërhynë në Afganistan si pasojë e 11 shtatorit 2001, pikërisht sepse aty ishte konceptuar dhe organizuar ai sulm.

Nëse ka patur një luftë me të gjithë elementët e “luftës së drejtë” (ashtu sikurse kodifikohej nga krishterimi mesjetar) ajo është padyshim lufta në Afganistan. Por fakti që ky aspekt nuk pranohet apo është harruar, kontribuon në shpjegimin e dallimit dhe ndarjes, me të cilin aksionet amerikane në atë pjesës së botës shihen nga disa sektorë të caktuar të opinionit publik italian: një mosbesim dhe një distancim edhe më të papëlqyeshëm dhe pa vend nëse kihet parasysh roli aktiv që kanë patur dhe kanë akoma ushtarët tanë në Afganistan dhe nga kontributi me gjak që kanë paguar shumë prej ushtarëve tanë në atë mision.
Vështirësi për të dalluar mes amerikanëve dhe armiqve të vërtetë, vështirësi për të pranuar legjitimitetin e plotë të veprimeve ushtarake për t’u bërë ballë grupeve xhihadiste nëpër vende të ndryshme ku luftohet, duke na shkaktuar një rrezik të afërt dhe të menjëhershëm. Rreziku i rëndë është ai i çarmatosjes morale përballë një agresioni xhihadist, e cila tashmë na ka edhe ne italianëve në shënjestër.

Rreziku është që të mbetemi psikologjikisht dhe për rrjedhojë edhe praktikisht, të papërgatitur përballë kërcënimit. Mes nesh ka njerëz që refuzojnë ta pranojnë natyrën e së keqes dhe arsyet përse po përhapet, njerëz që nuk duan ta shohin në fytyrë realitetin, që preferon të kapet pas idesë garantuese, sipas së cilës lufta e xhihadistëve ka një armik të vetëm të vërtetë: myslimanët e tjerë. Këta naivë nuk duan të dëgjojnë t’iu thuhet se armiqtë xhihadistë, përkundrazi, janë të dy llojeve: myslimanët e korruptuar nga moderniteti dhe bota perëndimore (kryqtarët) epiqendër e atij moderniteti.
Ndoshta ka ardhur momenti të zgjohemi. Armiqtë ekzistojnë dhe nuk janë amerikanët. E është për të të ardhur keq që nuk mjaftojnë urdhër-arrestet për t’i ndalur.

1...6 8766 8776 878...8 677Page 6 877 of 8 677

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne