Ambasadori amerikan Greg Delawie ka reaguar ndaj opozitës në Kosovë, e cila ka vlerësuar se thirrja e seancës së jashtëzakonshme për nesër në orën 9:00, është “provokim”.
Delawie, vlerëson, se në fakt, provokim është dhuna e përdorur në Kuvend.
“Përdorimi i dhunës për të penguar Kuvendin – anëtarët e së cilit janë zgjedhur nga shumica e popullit të Kosovës – është provokimi i vërtetë”, ka thënë Delaëie në një postim në profilin e tij zyrtar në Twitter.
Partitë opozitare, sot kanë dalë në konferencë për media, me të mësuar se nesër do të ketë seancë të jashtëzakonshme të Kuvendit të Kosovës.
Ata thonë se nuk do të lejojnë seancë normale të Kuvendit, duke e cilësuar si “provokim” hapin e mbajtjes së seancës.