Dje në një lokal në Prizren ka ndodhur një incident pasi, një person ka sulmuar një person tjetër me shishe qelqi duke i shkaktuar lëndime trupore, njofton Policia.
Sipas policisë, viktima ka pranuar tretman mjekësorë.
Nuk raportohet për të arrestuar. /PrizrenPress.com
BLENDI FEVZIU
Ishin në protestë! Do shkojnë në protestë. Opozita shqiptare e ka përcaktuar qartë atë që sipas saj do jetë mjeti kryesor për bllokimin e qeverisë, shpalljen e zgjedhjeve të parakohshme dhe ndërtimin e një qeverie teknike që do mundësojë ato. Objektiv ambicioz që ka në Shqipëri 2 precedentë të tjerë, por në kontekste dhe rrethana të ndryshme. Edhe pse protesta në vetvete ka qenë një element i rëndësishëm i politikës shqiptare këto 25 vjet të pluralizmit politik.
Ishin në protestë! Do shkojnë në protestë. Opozita shqiptare e ka përcaktuar qartë atë që sipas saj do jetë mjeti kryesor për bllokimin e qeverisë, shpalljen e zgjedhjeve të parakohshme dhe ndërtimin e një qeverie teknike që do mundësojë ato. Objektiv ambicioz që ka në Shqipëri 2 precedentë të tjerë, por në kontekste dhe rrethana të ndryshme. Edhe pse protesta në vetvete ka qenë një element i rëndësishëm i politikës shqiptare këto 25 vjet të pluralizmit politik.
Ka pasur dy produkte të protestës në Shqipëri. I pari ai kur protesta është përshkallëzuar dhe është kthyer në konflikt që kërkonte zgjidhje dhe e dyta, kur protesta ka ruajtur një dimension masiv, por jo konfliktual dhe ka shërbyer më shumë për sensibilimin dhe unifikim të opozitës. Rastet vlejnë më shumë për ta ilustuar këtë.
Pas fitores së PPSH – së në zgjedhjet e 31 Marsit, opozita e athershme në bashkëpunim me sindikatat organizoi një grevë të përgjithshme. Greva nisi me 15 Maj 1991 dhe për 23 ditë bllokoi krejt vendin. Minatorët e Valiasit hynë në grevë urie në galeri dhe qytetarët e Tiranës rrethuan Parlamentin. Nën presionin masiv PPSH u detyrua të dorëzohet, duke ngritur një qeveri me bazë të gjerë që u quajt: Qeveria e Stabilitetit dhe duke shpallur zgjedhjet e parakohshme.
Më 1997 humbja e parave në firmat piramidale nxiti protesta që dolën edhe nga kontrolli i opozitës. Protesta u bë aq e dhunshme sa më 9 Mars 1997 Presidenti Berisha u detyrua të pranonte krijimin e një Qeverie të Pajtimit Kombëtar dhe zgjedhjet e parakohshme.
Rastet e protestave pa një produkt konkret kanë pasur një tjetër synim.
Më 2004 PD lançoi një fushatë protestash nën Logon Nano ik. E para dhe e dyta ishin masive, por e treta dhe e katërta filluan të shuen për arsye të mungesës së një zgjidhjeje konkrete. Por në një farë mënyrë ato përgatitën fitoren e PD në 2005.
Më 2009 PS po ashtu njoftoi një seri protestash që vijuan disa muaj, duke kulmuar me Grevën e Urisë së Deputetëve në Bulevard. Ato ashtu u shuan pa ndonjë rezultat, por i shërbyen Ramës për të konsoliduar pozitat e tij të lëkundura në parti dhe për ta mbajtur opozitën në gjendje përplasjeje.
Cfarë do të bëjë aktualisht PD? Lulzim Basha ka deklaruar në OPINION, por edhe ka përsëritur për Opinion.al që protesta e opozitës do të vijojë deri në gjetjen e një zgjidhjeje. Zgjidhjen ata e kanë propozuar. Zgjedhje të parakoshme dhe Qeveri teknike. Për të arritur këtë, si edhe në dy rastet e para historike të 1991 dhe 1997, Basha duhet të shkojë përtej “protestës në formën e xhiros”. Ai ka deklaruar mosbindjen civile. Kreu i PD i është referuar rasteve të Rumanisë dhe Maqedonisë, por raste të ngjashme me më pak sukses ka pasur në Hungari, Greqi dhe Kosovë.
Të gjithë këto protesta, pavarësisht vendit ku janë zhvilluar kanë pasur një inspirim, revolucionin Portokalli të Ukrainës në 2004 dhe protestën që çoi në rrëzimin e Janukoviçit në Kiev në Janar 2014. Të dy eventet, ndër më të suksesshmet në historinë botërore të protestave kanë pasur në thelb mobilizimin publik dhe bllokimin e institucioneve. Ato janë zhvilluar në rrethanat kur Kryeqyteti ka qenë masivisht në favor të forcave progresiste. Një histori e ngjashme me Tiranën e vitit 1991. Ideja bazë e tyre ka qenë rrethimi i Institucioneve dhe mos mundësimi i funksionimit normal në to. Protesta të tilla janë shumë afër përplasjes dhe madje në disa raste në Janar 2014 kjo ndodhi?
A do shkojë realisht PD drejt një skenari të tillë? A do mundohet ajo të bllokojë institucionet dhe të mos lejojë zhvillimet në Parlament apo hyrjen në zyrë të Ministrave dhe Kryeministrit? A do vijojë ajo me veprime konkrete, apo thjeshtë do mbajë në këmbë një seri protestash që më shumë vlejnë për të tonifikuar opozitën dhe konsoliduar atë se sa për një zgjidhje konkrete? Vështirë që t’u japësh përgjigje këtyre pyetjeve dhe vështirë se edhe vetë opozita e ka shumë të qartë këtë. Por një gjë është e sigurtë, Basha duket se ka vënë një lloj basti politik në këtë drejtim dhe me gjasë, Janari do të jetë një muaj i trazuar për politikën!
Një veturë është rrokullisur në Reçan të Prizrenit. Policia njofton se në këtë aksidet lëdime ka marrë vetëm vozitësi i veturës.
“Viktima duke drejtuar veturën e tij nga pakujdesia dhe mospërshtatja e shpejtësisë së lëvizjes me kushtet e rrugës del nga rruga duke u rrokullisur ,me ç’rast pëson lëndime trupore”, njofton Policia e Kosovës .
I lënduari pas tretmanit mjekësore është liruar në shtëpi/PrizrePress.com/ .
Në Gjimnazin “Hamdi Berisha” këtë viti shkollor nuk ka pasur fare konkurse, por kjo nuk e ka ndaluar edhe punësimin në këtë gjimnaz.
Edhe pse nuk kishte fare konkurs për vende të lira të punës në Gjimnazin “Hamdi Berisha” në Malishevë, aty janë punësuar pa konkurs 5 mësimdhënës.
Drejtori për Arsim në Komunën e Malishevës Blerim Thaçi thotë se bëhet fjalë për punësime për orë të lëndëve zgjedhore.
“Jo nuk ka pasur, konkurs nuk ka pasur, sepse nuk ka qenë asnjëherë kjo praktikë që të shpallen orët zgjedhore, që të ketë konkurs për këto”, tha Thaçi.
Ai deklaroi se vetëm Malishevës i kërkohet llogari pse nuk hapë konkurse për orë të tilla.
“Të çështja e Malishevës, e këtyre lëndëve zgjedhore, unë po them se Malisheva është si rast sui generis, sikur Kosovës që i kanë thënë më herët, sepse vetëm në Malishevë kërkohet sot për sot të shpallen vendet e punës për lëndët zgjedhore, asnjë komunë tjetër nuk ka presionin e tillë,” tha Thaçi.
Por KALLXO.com shkroi gjatë nëntorit se në këtë gjimnaz u pranua pa konkurs asamblistja e Nismës Floriana Demaj për orët e historisë që nuk janë zgjedhore.
Atëherë asamblistja mohoi se ishte pranuar pa konkurs, ndërsa Drejtori i Arsimit në Malishevë tha se ajo i ishte nënshtruar më herët intervistimit për punësim në arsim.
Përveç asamblistes Demaj, të punësuar pa konkurs në këtë gjimnaz janë edhe Liridon e Luljeta Hoti, Filloreta Shala, Naser Samadraxha dhe Hafri Xhyliqi.
Asnjëri nga këta pesë të punësuar nuk u janë përgjigjur pyetjeve të KALLXO.com për mënyrën e punësimit të tyre.
Opozita në Malishevë pretendon se Liridon e Luljeta Hoti janë të afërm të Izet Hotit, ushtruesit të detyrës së drejtorit në Gjimnazin “Hamdi Berisha”.
KALLXO.com kontaktoi edhe drejtorin e gjimnazit Izet Hotin, i cili mohoi se dy nga të punësuarit pa konkurs janë familjarë të tij, duke thënë se vetëm e ka mbiemrin e njëjtë me ta.
Bekim Gashi nga Lëvizja “Vetëvendosje” thotë se punësimet e tilla po e ulin cilësinë e arsimit në Malishevë.
“Këto veprime janë të kundërligjshme dhe nuk i kontribuojnë rritjes së cilësisë së arsimit në Malishevë, i cili po degradon çdo ditë e më shumë nga qeverisja e kaluar, e cila po vazhdon edhe te kjo qeverisje e zotit Begaj”, thotë Gash
Edhe pse ende nuk është bërë funksionale Gjykata Speciale, ku pritet të gjykohen ish- eprorët e Ushtrisë Çlirimtare të Kosovës nën dyshime për krime lufte, merret vesh se tashmë janë përgatitur edhe aktakuzat për shumicën e të dyshuarve potencial.
“Aktakuzat për thuajse të gjithë të dyshuarit potencial për krime lufte janë gati. Posa të përfundojnë të gjitha çështjet ligjore dhe teknike për funksionalizimin e Gjykatës Speciale, do të ngriten aktakuzat e një pjese të madhe të të dyshuarve për krime lufte”, ka thënë ky burim ndërkombëtar për Gazetën Blic.
Sipas këtij burimi, pavarësisht pse ka pasur vonesa nga institucionet e Kosovës për themelimin e kësaj gjykate, është punuar shumë me dëshmitarë dhe kanë përfunduar shumica e aktakuzave, në mënyrë që të mos ketë vonesa të mëtutjeshme.
Në anën tjetër, kryeministri i vendit Isa Mustafa para disa ditësh ka theksuar se Kosova dhe Holanda janë dakorduar për selinë e Gjykatës Speciale, e cila do të jetë në Hagë.
Ndërkohë, muaj më parë Kuvendi i Kosovës e kishte miratuar ndryshimin kushtetues, përmes të cilit i hapet rruga themelimit të kësaj gjykate.
Menjëherë pas miratimit në Kuvend të Gjykatës Speciale, në medie patën filluar që të qarkullojnë edhe emrat e mundshëm që do të akuzohen nga kjo gjykatë, ku sipas kësaj liste janë shumica e anëtarëve të ish- Shtabit të Ushtrisë Çlirimtare të Kosovës.
Gazeta Blic para disa muajsh ka raportuar se të akuzuar mund të jenë 11 ish- eprorë të UÇK-së.
Deri te themelimi i kësaj gjykate erdhi për shkak të dyshimeve të ngritura nga ish- senatori zviceran Dick Marty, i cili e kishte publikuar një raport, për gjoja krimin e eprorëve të lartë të UÇ K-së me trafikimin me organëve gjatë luftës. Marty akuzat kryesore i kishte drejtuar kah ish- drejtori politik i UCK-së, Hashim Thaçi, i cili sot është ndër udhëheqësit kryesor të Kosovës.
Pas këtij raporti, angazhohet një prokuror amerikan, Clint Williamson që të hetoj pretendimet e ngritura nga senatori Dick Marty.
Edhe pse raporti i fundit i Agjencisë së Statistikave të Kosovës thotë së numri i lexuesve në bibliotekat e vendit ka rënë për 4.8% edhe libraritë janë ende një referim kur duam ta dimë se sa lexohet dhe cilët shkrimtarë kërkohen më shumë.
Edon Zeneli, nga libraria “Buzuku” në Prishtinë, mendon se trendi botëror i leximit të librave informativ dhe publicistikë vlen edhe për lexuesin në Kosovë.
“Librat që shiten më së shumti në librarinë tonë janë libra publicistikë, të pasuara nga fiksioni në prozë, pra romanet dhe novelat, e më së paku siç pritet, poezia, meqë lexuesi i poezisë është specifik”, thotë Zeneli.
I pyetur nga KosovaLive se cilët kanë qenë titujt më të kërkuar gjatë këtij viti që lamë pas, Zeneli bën me dije se ndër shqiptarët ende lexohet shumë Ismail Kadare, por kërkohen edhe nobelistët e fundit të letërsisë, të cilët shtëpia e tyre botuese “Buzuku” i ka sjellë në shqip, Patrick Modiano e Svetlana Alexievich.
“Si gjithmonë, ndër më të kërkuarit është Ismail Kadare, pastaj kemi Roland Gjozën, Kasëm Trebeshinën, Artan Mullaj por edhe autorë të rinj si Albatros Rexha, Ndriçim Ademaj e Arbër Salihu. Nga autorët e huaj, prinë nobelistja e sapo shpallur Svetlana Alexievich, për të vazhduar me autorë si Milan Kundera, Patrick Modiano, Umberto Ecco etj”, tregon ai.
Se autorët Ismail Kadare e Dritëro Agolli vazhdojnë të lexohen nga shqiptarët thonë për KosovaLive edhe administratorët e faqes “Shtëpia e Librit”, që janë vazhdimit në kontakt me lexuesit, për sugjerimet, kritikat dhe opinionet rreth librave. Sipas tyre, nëse duhet veçuar disa libra që një pjesë e madhe e shoqërisë sonë i kanë lexuar ata janë “Prilli i thyer” nga Kadare dhe “Sikur të isha djalë” nga Haki Stërmilli.
Një shenjë e mirë që shprehia e leximit po kultivohet duket të jetë shitja në numër të konsiderueshëm e librave për fëmijë. Sipas Zenelit kjo është rrjedhojë e vetëdijesimit të prindërve të rinj.
“Autorë që janë më atraktivë dhe koherent shiten më shumë. Fjala bie, David Walliams dhe Mary Pope Osborne, janë dy autorë shumë të shitur, pastaj Jeronim Stilton, Luka Noveli, por pa lënë anash edhe autorë klasik të përshtatur për mosha të reja si Herman Melville, Zhyl Vern, Xhejn Ostin etj”, tregon ai.
Përkundër faktit se në raftet e shtëpive tona mund të këtë plotë libra, nuk mund të mohohet se të rinjtë po priren të lexojnë me shumë përmes platformave digjitale që i ofron teknologjia. Liza Jaha, studente dhe adhuruese e letërsisë thotë se për të, teknologjia është një mike e lexuesve dhe e librit.
“Kur e mendon se me pak kërkim mund të gjesh online librin që e ke kërkuar me muaj në libraritë e Prishtinës dhe ta lexosh kur e ku të duash, nuk mund të mendosh për teknologjinë si armike të librit, apo t’i rrish besnike asaj që quhet klasike. Madje kur marrim parasysh çmimet me të cilat shitën librat në Kosovë, e kushtet në të cilat jetojmë, librat që i gjejmë në internet janë dhurata e lehtësim për ne”, thotë Jaha, duke shtuar se për të e rëndësishme është të lexohet, pavarësisht formës.
Librarët deklarojnë se ndonëse përpiqen të sjellin sa më shumë botime edhe në gjuhën angleze, të pakët janë lexuesit që blejnë libra në anglisht, ndërsa lexuesit vazhdimisht ankohen për çështjen e përkthimit joadekuat të librave dhe vonesën deri sa ato vijnë në gjuhën shqipe. /KosovaLive
Kryetari i Lëvizjes Vetëvendosje, Visar Ymeri ka thënë se Hashim Thaçi dhe Isa Mustafa po e falin pasurinë e Kosovës pak nga pak, njëjtë sikur hajni që e shet veturën pjesë-pjesë.
Ymeri në mbledhjen e XXII-të, të Këshillit të Përgjithshëm të Lëvizjes Vetëvendosje, ka thënë se katër muajt e fundit ishin muaj aktiv dhe të protestave por njëjtë edhe muajt në vazhdim do të jenë të tillë.
Ai foli për marrëveshjet me Serbinë, ku tha se Thaçi dhe Mustafa tash po duan që Serbisë të ia japin kontrollin e një pjese të Trepçës. Serbia, sipas tij, dëshiron të shtrijë kontrollin edhe mbi pjesën ajrore të Kosovës.
Ymeri tha se Thaçi, Jahjaga dhe Mustafa po kërkojnë dialog por nuk do të ketë dialog për “Zajednicën”, pasi dialogu do të nënkuptonte mohim të vullnetit të qytetarëve të Kosovës dhe aktivistëve të VV-së.
Nga Bekim Gashi
Rrethina e Llapushës, në të cilën është e shtrirë Komuna e Malishevës, gjatë gjithë historisë së ekzistimit të saj, ka qenë vatër e rezistencës, dhe prijëse e proceseve historike kombëtare.
Malisheva edhe në fundshekullin e kaluar ka treguar vetën se din të organizohet, të protestojë, të luftojë, pra ti dal për ballë të keqes që i kanosej nga pushtuesi serb.
Djem dhe vajza të kësaj zone gjatë gjithë historisë kanë rënë dëshmorë në të gjitha trevat shqiptare duke luftuar për liri dhe bashkim kombëtar.
Por, kjo rrethinë, po ashtu ka pasur edhe njerëz, që në kohët më të vështira, i kanë kthyer kurrizin vendit, duke bashkëpunuar me armikun dhe në dëm të interesave kombëtare e shtetërore.
Fatkeqësisht historia po na përsëritet, në këto muaj gjendemi përball një realiteti, ku po tentohet që shtetin që e ndërtuam me shumë mund dhe sakrificë, të defunksionalizohet dhe të copëtohet.
Edhe në këtë rast prapë shfaqet zona e Llapushës, përsëri qytetarë të Malishevës dhe mbarë Kosovës po mundohen që ta ndalin këtë të keqe, dhe po i dalin zot Republikës.
Kuvendi Komunal i Malishevës është ndër të parët kuvende në nivel të republikës, që ka nxjerrë një rezolutë në kundërshtim të Zajednicës dhe Demarkacionit me Malin e Zi. Kjo Rezolutë u miratua nga përfaqësuesit e Nismës, Vetëvendosjes dhe AAK-së. Mirëpo, si edhe në të kaluarën, edhe tash na shfaqën disa “malishevas” që po tentojnë me çdo kusht ti mbrojnë këto projekte antikombëtare, pasi që përfaqësuesit e PDK-së dhe LDK-së, në momentin kur u miratua kjo rezolutë e bojkotuan seancën e Kuvendit Komunal.
Këto subjekte u munduan që të pengojnë edhe peticionin e opozitës, duke ju bërë thirrje anëtarëve të tyre që mos ta nënshkruajnë, por nuk ja dolën.
Po të njëjtit pas manifestimit të opozitës që u mbajt ditën e enjte dolën me reagime dhe propaganda se gjëja qytetarët janë pro këtyre marrëveshjeve, dhe se nuk po protestojnë.
Të njëjtën gjë këto subjekte e patën bërë edhe me 22 janar të vitit të kaluar me ç’rast nuk patën marrë pjesë në protestën ku kërkohej shkarkimi i ministrit të qeverisë së Isa Mustafës, Aleksandër Jabllanoviq, i cili i kishte quajtur nënat e të zhdukurve të luftës së fundit në Gjakovë, si egërsira.
Po ashtu këto subjekte trumbetojnë çdo ditë në mbrojtje edhe të Gjykatës Speciale, e cila është krijuar për ta gjykuar luftën e drejtë të UÇK-së, madje zyrtarë të tyre, rrahin gjoks duke thënë se do ti bëhemi edhe dëshmitar kësaj gjykate.
Kur i numërojmë këto veprime, atëherë dalim në përfundim se këto subjekte po dalin kundër interesave kombëtare, e shtetërore, dhe me apo pa vetëdije në shërbim të politikave ditore të Beogradit, duke pasur parasysh se janë vënë në shërbim të një qeverie e cila u themelua në Rashkë të Serbisë.
Mirëpo, qytetarët e ndershëm malishevas, çdo ditë e më tepër po braktisin këta njerëz, dhe po i dalin zot historisë, republikës dhe kombit.
Personalisht ndihem me fat që në këto momente historike jam rreshtuar në kahun e duhur.
Zajednica dhe Demarkacioni me Malin e Zi nuk do të kalojnë.
Ragip Gajraku
Pse mor vëlla nuk dalin haptas këta trima që po mbledhin nënshkrime për shkarkimin e Dr. Haxhi Avdylit nga kreu i LDK-se ne Prizren dhe të tregojnë se cfare ka bërë ky njeri, cilat norma statutare i ka shkelur, ku rreshiti në program të LDK-së dhe pse,për cilat shkaqe e sebepe, po sakrifikohet një kuadër i ri e premtues?
C’është tërë ky konspiracion dhe hakmarrje e ish krerëve lokal të LDK-së kundër tij? Kujt është duke ia rrezikuar fotelen ky njeri? Dhe, cili është cmimi për kokën politike të një kuadri që në krye të degës së LDK-së në Prizren, ka ardhur në mënyrën më statutare dhe me demokratike të mundshme, pas një procedure shume korrekte (sipas fjaleve te aktereve qe kane udhehequr me procesin),ne konkurrence edhe me 3 kunderkandidat? Pse Prizreni, sot nuk ka asnje kuader te hajrit ne asnje organ qendror? Pse kjo logjik perjashtuese eshte instaluar ne te? A e bene dikush kete pyetje ne menyre te sinqerte ndonjehere?
Kujt i konvenon, qe kete parti,qe mburrej per demokraci te brendeshme,tolerance e mirekuptim,debat te hapur dhe ide kreative, t’a ndrydhe ne nje klub interesxhinjes,qe jane me vite drite larg filozofise politike e ideologjike te saj dhe LDK-n, e trajtojne si lope, te cilen mundesisht duhet mjelur perdite e sa me rrept,pa i dhene asaj, asgje? A ka mor ne ate Prishtine ndonje koke, qe i mendon keto ceshtje, qe nuk jane ne rend dite nga sot,por zvarriten me vite,pa i dhene shanse asnje organi qe te merret seriozisht me to?
Sakrifikimi Haxhi Avdylit ,eshte fillimi i fundit te cdo demokracie te brendeshme dhe sinjal per spastrime te metejme,ne stilin e pas Kuvendit te 6-te,kur kreret e instaluar nga kush e di kush,krenoheshin edhe kur ndahej nga trungu i saj , edhe me dege e nendege ,me arsyetimin cinik se “partia po spastrohet nga egjra”.Dhe dihet, ai “spastrim” gjeneral,kur u larguan kuadra, nder me profesionalet qe kishte LDK, ne zgjedhjet e para,me 2007,nga 45 perqind LDK ra ne 24 perqind dhe definitivisht e spostoi ate,nga primati qe gezonte dikur,jo vetem me numra,por edhe me ide,ne parti paterice per dikend tjeter.
Perkunder ndonje zeri te paqarte,aty-ketu, kurr nuk u analizuan shkaqet, edhe pse u paten pas krijuar disa mekanizma shume special per kete pune,jashta cdo norme statutare.Doli se ,ato fare komisionesh,me shefa e emra te medhej,kishin patur vetem nje synim; shpetimin e disa kokave te “medha” te LDK dhe blereje kohe,deri ne raundin tjeter….Haxhi Avdyli, eshte kryetari me legjitim ne krejte strukturat e LDK-se.Asnje ,asnje nga anetaret e KP e deri te Kryesia e Kryetari,nuk kane kaluar procedurat statutare,cfare i ka kaluar ky njeri.Heshtja e zerit te Haxhi Avdylit eshte fundi i cdo norme statutare e demokratike ne kete parti. Mos lejoni te ndodhe kjo!
(Marrë nga Facebook-u)
Zëdhënësi i Komunës së Prizreit, Ymer Berisha, deri më tash ka “ngrënë” hiq më pak se një bibliotekë të librave. Ai në një debat në TV Prizren, ka treguar “gëlltitja” e librave i ka ndihmuar në përvetësimin e retorikës nëpër debate televizive.
“Për t’i mësuar shprehjet retorike si unë duhet m’i hangar një bibliotekë me libra”, ka thënë Berisha në një ballafaqim televiziv që ka pasur me kuvendaren e VV-së, Drita Millaku.
Ndërkaq, Millaku ka sugjeruar Berishën, që të jetë më i qartë në komunikim me publikun. Ajo tregon se për dhjetë vite sa ka punuar në Bibliotekë Ndërkomunale, asnjëherë nuk e ka parë zëdhënësin Berisha, duke lexuar libra.
“Shprehjet retorike i ke mësuar përmendësh. Kthehu në koncept. Nuk ke pasur nevojë me hëngër libra,por me i lexu e me mësu naj sen”, ka sugjeruar Millaku, Berishën, transmeton PrizrenPress.
Ymer Berisha për tre mandatet të “Qeverisë Muja” ka ushtruar detyrën e zëdhënësit të Komunës së Prizrenit. Ai po ashtu është këshilltar politik i kryetarit të Prizrenit, Ramadan Mujës. /PrizrenPress.com/
Shikoni videon nga 53:40 minuta deri në 54:30 minuta