Ka kaluar tashmë një vit që nga humbja tragjike e kantautorit Dr. Flori, një prej personazheve më të dashur të muzikës shqiptare.
Kompozitori dhe tekstshkruesi i shumë hiteve që do të rrembënin zemrën e fansave, u nda nga jeta më datë 17 nëntor 2014, në moshën 35 vjeçare, duke lënë pas, jo vetëm bashkëshorten Blerinë dhe dy fëmijë, vajzën Kaltrina dhe djalin Daniel, por dhe shumë këngë të papërfunduara. E tillë ishte dhe një demo e lënë në studio, të cilën i vëllai i tij Albani sëbashku me një prej mikeshave të tij më të ngushta Aurela Gaçe, e shndërruar një hit me titullin “Baba në ktë skenë” pikërisht këtë verë që lamë pas.

Një dedikim të ndjerë i ka bërë bashkëshortja e tij, Blerina, e cila i shkruan disa radhë shumë prekëse. Ja çfarë shkruan ajo:

“Sot u bë një vit pa ty, pa gjënë më të çmuar të jetës sime, kam mbetur ende tek 17 nëntori i një viti më parë, ku nuk mund të besoja se tashme do të më duhej të ecja e vetme, në udhëtimin që nisëm bashkë. Flori na ka marrë marrë të gjithëve për ty. Kaltrina përpiqet të jetë e përmbajtur se ka hallin tim, përpiqet të fshehë gjithçka që ndodh brenda saj, por ka ditë që shpërthen në lot dhe unë e lë të qajë dhe i bashkohem fshehurazi lëtove të saj. Ishte shumë e vogël për të pasur një mugesë kaq të madhe Flori, por ndidhet krenare kur flitet për ty. Danieli të përqafon. Po, po merr fotografinë tënde dhe i flet asaj. Po përpiqem të dëshifroj dhe më duket sikur pyet … pse .. pse .. pse Pse s’mund të luajmë bashkë, pse nuk ece dhe pak kohë mbi tokë dhe unë do të isha një arsye më shumë për të vazhduar udhëtimin bashkë me mamin.

Flori, ti thjesht mungon fizikisht sepse unë sërisht flas me ty thuajse gjithë ditën dhe kur flenë femijët jam sërisht me ty, sepse ti je ëndrra ime çdo natë, pastaj zgjohem me ty dhe kështu përsëritet çdo ditë. Ndryshimi i vetëm është se fëmijët po rriten dhe bashkë më to dhe mungesa jote. Flori ju mungon të gjithëve, mamit, babit, Albanit, Idës, të gjithëve. Të duam shumë shumë Blerina, Kaltrina, Daniel”/tvklan.al

Franca ka deklaruar të hënën se “shfaqja duhet të vazhdojë”, duke bërë thirrje publike për t’u kthyer në bare, restorante dhe koncerte, pavarësisht nga sulmet terroriste që goditën Parisin të premten.

Ministri i Kulturës, Fleur Pellerin, ka thënë se artistët kurrë nuk do të duhej t’i linin koncertet.

“Përpara barbarisë, kultura është mburoja jonë më e madhe dhe artistët janë arma jonë më e mirë”, është shprehur ai, shkruan Politiko.net.

Simboli i Parisit, Kulla Eiffel, e cila u mbyll të premten pas tragjedisë, tashmë është hapur për publikun – e ndriçuar me ngjyrat kaltër, bardhë dhe kuq të flamurit francez.

Teksa Kryeqyteti i Francës po përpiqet ta marrë veten nga të shtënat dhe shpërthimet e kamikazëve që lanë 129 të vdekur, disa nga qytetarët kanë nisur t’ua thyejnë hundët terroristëve me idenë për jetën.

Adhurues të muzikës kanë shpërndarë në Twitter kujtimet e tyre më të bukura nga Salla e Koncerteve “Bataclan” – ku shumica e viktimave të sulmeve të së premtes vdiqën aty, ndërsa të tjerë filluan një kampanjë në Facebook për ta çuar bendin Eagles of Death Metal në krye të top-listës britanike.

Me deklaratat emocionale se “muzika live” duhet të vazhdojë në qytetin e shokuar, hashtag’u #MonPlusBeauSouvenirDuBataclan (Kujtimet e mia më të bukura nga Bataclan) u shndërrua në një prej temave më të diskutuara në Twitter, në Francë, me plotë veta që shpërndanin foto dhe video të artistëve që dikur kishin performuar aty – përfshirë Jeff Buckley dhe Arctic Monkeys.
Ministri Pellerin ka pohuar se Qeveria është duke përgatitur një fond të veçantë për të ndihmuar që argëtimi të merrte jetë sërish, duke shtuar masa të reja sigurie.

“Francezët nuk do të ndalojnë së shkuari në koncerte dhe nuk do të pushojnë t’i shpërndajnë momentet e tyre të kënaqësisë”, ka thënë ai. /Politiko.net

https://youtu.be/5wlL0-xvHb4

Gjendja në Qendrën Historike të Prizrenit gjatë vitit që po e lëmë pas nuk ka pësuar ndonjë ndryshim të ndjeshëm. Madje zhvillimet në këtë zonë janë më problematike sesa që përshkruhen në Raportin e sivjetmë të Komisionit Evropian për Kosovën.

Raporti i Komisionit Evropian ka konstatuar se ka progres në zbatimin e Ligjit për Qendrën Historike të Prizrenit, ndërkohë që si argument jepet vetëm ofrimi i pajisjeve dhe hapësirave për Këshillin e Trashëgimisë Kulturore, derisa në vazhdim theksohet se mjetet për këtë trup nuk janë dhënë ende.

Mirëpo zhvillimet në terren gjatë këtij viti kanë treguar një pasqyrë tjetër, sa i përket Qendrës Historike dhe Këshillit në fjalë. Raporti i Progresit askund nuk e përmend dorëheqjen e tashmë ish-kryetarit të Këshillit, apo letrën e tij, që është informatë e dorës së parë se ligji në fjalë nuk po zbatohet dhe se ka plotë defekte tjera në sistemin institucional për mbrojtjen e trashëgimisë kulturore, me ç’rast kulturën e pandëshkueshmërisë e konfirmojnë edhe statistikat e viteve të fundit të organeve të drejtësisë.

Përtej zyrtarëve evropianë, letra e ish-kryetarit të Këshillit është dashur që të alarmojë vet institucionet vendore. Këto të fundit, e veçmas pushteti lokal i Prizrenit, në vend se të reflektojë mbi këto zhvillime, ka ndërmarrë hapa tjerë degradues në raport me përbërjen e Këshillit, duke e zgjedhur si anëtar një person të dënuar për mashtrim në votime, ani pse ai ka qenë i katërti në listën e kandidatëve të vlerësuar. Pos kësaj, paraprakisht ka vepruar në kundërshtim me dispozitat e Udhëzimit Administrativ për caktimin e Komisionit ad-hoc për shqyrtimin e vlerësimin e aplikacioneve të kandidatëve për KTK, duke e përjashtuar shoqërinë civile tërësisht nga procesi.

Megjithëkëtë, Raporti i KE-së thekson nevojën për zbatimin dhe fuqizimin e legjislacionit për të adresuar zhvillimet negative në raport me trashëgiminë kulturore.

“Incidentet e rrënimeve të trashëgimisë kulturore kanë vazhduar. Task Forca e krijuar në vitin e kaluar që duhet të merret me ndërtimet e jashtëligjshme në Prizren, është funksionalizuar, por deri më tani nuk ka ofruar ndonjë veprim konkret. Duhen më shumë përpjekje për të hetuar shkeljet dhe për të dënuar kryesit. Nevojiten rezultate konkrete në luftimin e ndërtimeve ilegale, rrënimeve dhe zhvillimeve të dëmshme për të demonstruar përkushtimin e Qeverisë për mbrojtjen e trashëgimisë kulturore”, thuhet në Raport.

EC Ma Ndryshe konsideron se institucionet që kanë përgjegjësi ligjore e kushtetuese për mbrojtjen e trashëgimisë kulturore duhet të ndryshojnë qasjen e deritanishme dhe të vihen në mbrojtje të sinqertë të Qendrës së Prizrenit, me qëllim që me një menaxhimin të mirëfilltë të kësaj zone, e njëjta të vihet në funksion të zhvillimit të përgjithshëm kulturor, shoqëror dhe ekonomik të qytetit, por dhe komunave të rajonit.