I quan shpifje akuzat se ai edhe “Vetëvendosje” janë kundër amerikanëve dhe perëndimit. “Unë nuk jam servil ndaj zyrtarëve ndërkombëtarë, e kjo nuk më bën të jem kundër tyre”, thotë ish-kryetari i Lëvizjes “Vetëvendosje”, Albin Kurti, në pjesën e dytë të intervistës dhënë gazetës “Zeri”.

Madje, sqaron se nuk ka asnjë subjekt në Kosovë që e ka programin më të afërt me idenë dhe me politikat e Obamës sesa Lëvizja “Vetëvendosje”. Nuk e pranon se flirton me rrymat radikale në Kosovë. Madje kritikon Qeverinë duke thënë se “është kjo Qeveri, që e ka bërë Kosovën tokë pjellore edhe për ekstremizëm, kurse tani prirja e saj është të bëjë paqe me Serbinë, e t’i shpallë luftë islamit”.

Për ekstremizmit fetar, thotë se nuk ka më shumë në Kosovë, se në Evropë, por, sipas tij, këtë fenomen Qeveria po e përdor për të mbuluar të zezat e veta. Ai foli edhe për qasjen e ndërkombëtarëve në raport me Serbinë. “Është e tmerrshme se si ndërkombëtarët po e përkëdhelin Serbinë, ndërsa për Kosovën me qasjen e tillë “hajt se durojnë këta’”, ka thënë mes tjerash Kurti.

Zëri: Në opinion është krijuar përshtypja se ju jeni kundër amerikanëve, kundër perëndimorëve?

Kurti: Më shumë ka politikanë dhe analistë të regjimit që mendojnë ashtu sesa qytetarë të Kosovës…

Në pjesën e parë të muajit maj në Kuvendin e Kosovës pritet të votohet formimi i Gjykatës Speciale, e cila do të jetë sfida më e rëndësishme e “koalicionit të madh” në këtë nomenklaturë. Deri në atë kohë, pritet që në Kuvend të kthehen edhe deputetët e Listës Serbe, në mënyrë që të garantohen votat për formimin e këtij Tribunali.

Për votimin e kësaj Gjykate, e cila ekskluzivisht do të merret me gjykimin e ish-guerilëve të pensionuar të UÇK-së, janë deklaruar kundër partitë opozitare edhe disa nga deputetët e koalicionit. Ndërsa, që kjo Gjykatë të themelohet me iniciativën e Prishtinës zyrtare duhen dy të tretat e deputetëve të Kuvendit të Kosovës (81 nga 120).

Presidentja e vendit, Atifete Jahjaga, dje zyrtarisht nisi takimet me shefat e grupeve parlamentare të partive të përfaqësuara në Kuvend për t’ua sqaruar atyre procesin dhe konsekuencat e mundshme nëse nuk formohet Specialja.

Megjithatë, përfaqësuesit e subjekteve opozitare ia kanë bërë të qartë shefes së shtetit se nuk do ta mbështesin këtë proces, pasi, sipas tyre, formimi i Gjykatës Speciale për krime lufte në Kosovë është padrejtësi për vendin./ Zëri/

I propozuari për Kryeprokuror të Shtetit, Aleksandër Lumezi, po pret që ta marrë një thirrje nga Presidenca e Kosovës për të shkuar ta marrë dekretin e Presidentes Atifete Jahjaga për pozitën e re në krye të organit të akuzës.

Në ditën kur Gjykata Kushtetuese e Kosovës i dha Presidentes ‘dritën e gjelbër’ për të vazhduar me dekretimin e Kryeprokurorit të Shtetit, Lumezi tha për KALLXO.com se pret që kreu i shtetit ta finalizojë këtë proces të tejzgjatur.

“Kushtetuesja dhe KPK-ja i kanë kryer obligimet e tyre ligjore. Pres që edhe Presidentja e vendit Zonja Atifete Jahjaga të veprojë në përputhje me autorizimet e veta kushtetuese dhe ligjore dhe ta finalizojë procesin e emërimit të Kryeprokurorit të Shtetit dhe në asnjë moment nuk e vë në dyshim respektin e Presidentes ndaj ligjit dhe kohës e cila i duhet për ta nxjerrë dekretimin”, tha Lumezi.

“Ligji është pikërisht ajo force që ia bën të mundur Presidentes ta nënshkruajë aktin e dekretimit për emërimin e Kryeprokurorit në sistemin tonë juridik”, u shpreh Lumezi.

“Mosdekretimi eventual do të ishte në kundërshtim me parimin e ndarjes së pushteteve, pavarësinë e KPK-së dhe do të konsiderohej përzierje në punën e pavarur të KPK-së lidhur me kompetencat e tij kushtetuese dhe ligjore”, tha Lumezi për KALLXO.com.

Ndërsa kabineti i Presidentes ka konfirmuar se e ka marrë shkresën e Gjykatës Kushtetuese dhe është duke e shqyrtuar atë.

“Zyra e Presidentes së Republikës së Kosovës ka pranuar sot shkresën e Gjykatës Kushtetuese për zbatimin e Aktgjykimit të saj nga Këshilli Prokurorial i Kosovës dhe të njëjtën është duke e shqyrtuar. Presidentja Jahjaga do të veprojë në përputhje me Kushtetutën e vendit dhe në respektim të ligjshmërisë me qëllim të garantimit të funksionimit demokratik të institucioneve”, tha Arbër Vllahiu, zëdhënës i Presidentes së Kosovës.

Nënkryetari i Aleancës për Ardhmërinë e Kosovës, Ahmet Isufi, ka deklaruar se protesta e nesërme (18 prill) e organizuar nga partitë opozitare, do të jetë paqësore.

Sipas tij, fjalori që kanë përdorur kryeministri i Republikës, Isa Mustafa, si dhe zëvendësi i tij, Hashim Thaçi, ishte kërcënues.

“Ne kemi ftuar protestën në mënyrë paqësore të dinjitetshme, ndërsa fjalori i Qeverisë dhe i dy kryeministrave ka qenë i dhunshëm dhe një fjalor kërcënues që nuk mund t’i frikësojë qytetarët”, ka thënë ai.

Më tej, zyrtari i AAK-së moslajmërimin e protestës në organet e rendit e arsyeton me “marshimin e protestës”.

“Ne e kemi paralajmëruar protestën, është krejtësisht publike dhe është marshim i protestës përmes një harte që e kemi shpalosur dhe besojmë se është krejt e qartë se është e njoftuar edhe Policia dhe ftojmë qytetarët të dalin të protestojnë”, ka thënë ai.

Nga ana tjetër, Policia e Kosovës ka njoftuar se ka bërë të gjitha përgatitjet në lidhje me protestën e e cila pritet të mbahet nesër në orën 14:00 në Prishtinë.

“Si pjesë e planit operativ, janë bërë planifikimet për ri-orientimin e trafikut në rrugë alternative përgjatë kohës sa protestuesit shfrytëzojnë kalimin e tyre në rrugë, ku për këtë Policia e Kosovës kërkon mirëkuptim dhe apelon tek qytetarët që të shmangin vozitjen gjatë kohës së protestës në akset rrugore ku zhvillohet protesta”, thuhet në komunikatë.

Gjatë kësaj kohe do të jenë të bllokuara për vetura rrugët, “Garibaldi”;“Gjorgj Bush”; “Luan Haradinaj”; “Robert Doll”; “Kosta Novakoviq”; Bill Klinton”; “Eqrem Çabej”; “Agim Ramadani”; “Xhemajl Prishtina”; “Ilaz Agushi” dhe “Ilir Konushevci”. /Zëri/