Për t’i evituar përmbytjet e tokave bujqësore, Komuna e Rahovecit ka filluar punimet për pastrimin e lumit “Remnik” dhe Përrockës së Re.
Projekti parasheh pastrimin e shtratit të lumit “Remnik” nga Bërnjaka deri në fshatin Fortesë me gjatësi 1400 metra; më pas do të vazhdohet me pastrimin e Përrockës së Re, në mes të fshatit Krushë e Madhe dhe Celinë, me gjatësi prej 1 200 metra.
Lulzim Hasku, drejtor i Drejtorisë së Bujqësisë në Komunën e Rahovecit, thotë pastrimi i shtretërve të këtyre dy lumenjve bëhet me qëllim të parandalimit të përmbytjeve të tokave punuese, që iu shkaktojnë dëme fermerëve, në sezonin e shirave.
Vlera e përgjithshme e këtyre dy projekteve është rreth 10 000 euro./PrizrenPress.com/