Instituti Demokratik i Kosovës ka vazhduar me aktivitetet avokuese për përmirësimin e indikatorëve të transparencës komunale. Tryeza me aktorët kyç në nivel komunal për të diskutuar transparencën komunale sot u mbajt në Komunën e Suharekës dhe qëllim në vete kishte ndikimin në përmirësim të performancës komunale në katër shtyllat e vlerësimit.Nënkryetari i Komunës, Rexhep Kuçi, në fillim të kësaj tryeze potencoi rendësin e transparencës në nivel komunal dhe duke ju referuar të gjeturave të KDI-s ai theksoi se e përgjithshmja është afër mesatares megjithatë ka hapësirë për shumë përmirësime.

Ky rezultat mund të jetë edhe për shkak të kufizimit të numrit të angazhimit të stafit plotësues në zyrën e informimit sidomos të mungesës së zyrtarit në plasimin e dokumenteve në uebfaqen e komunës.Kryesuesi i Kuvendit të Komunës,Refki Gega, tha se mungesa e vlerësimit të disa indikatorëve rreth punës dhe transparencës së kuvendit të komunës janë më tepër çështje teknike që duhet të reflektojmë me qëllim të përmirësimit. Sektorët e caktuar duhet të rrinë në koordinim të vazhdueshëm për të mos dal keq në transparencën komunale. Si kuvend, ky dokument do të na shërben si udhëzues në mbikëqyrjen e transparencës në ekzekutivin e komunës.

Bexhet Kuçi, drejtor për ekonomi dhe financa tha se me qytetarët jemi transparentë, ne organizojmë shumë takime publike për buxhetin por qytetarët nuk i përgjigjet shumë takimeve. Çështja e mos publikimit të raporteve financiare është me tepër çështje teknike ngase në asamble janë diskutuar. Ne do të përmirësojmë edhe këtë indikatorë në publikimin e raporteve financiare dhe borxheve komunale edhe ne uebfaqen e komunës.Reshat Reshitaj, zyrtar për informim në komunën e Suharekës nuk është pajtuar me vlerësimin, duke aloduar në shkaqe teknike në indikatorët vlerësues përmes ueb faqes megjithatë ai pohoi faktin se shumë indikatorë janë plotësuar dhe do të vazhdojmë ti plotësojmë.

Adrian Kotorri, anëtar i Kuvendit të Komunës së Suharekës nga radhët e AAK-së vuri theksin tek mungesa e raportimit të Kryetarit në Kuvend për gjashtë-mujorin e parë të këtij viti si dhe mos diskutimi i raportit të Auditorit në Kuvend. Ai pohoi se duhet të ketë angazhim më të madh në transparencën financiare.Ndërkaq, Komuna e Suharekës gjatë periudhës janar-qershor 2015 është vlerësuar me mungesë të theksuar të transparencës komunale duke arritur vetëm 34.1% të vlerësimit të përgjithshëm në katër shtyllat e vlerësimit: Zyra e Kryetarit, Kuvendi i Komunës, Financat Komunale dhe transparenca në Konsultime me Publikun (secila nga katër shtyllat përmban nga 11 indikator). Në këtë periudhë komuna e Suharekës ka qëndruar më dobët në transparencën e financave duke arritur vetëm 5 pikë nga 35 të mundshme, njofton përmes një komunikate për medie,koordinatori i KDI-së për rajonin e Prizrenit, Naim Cahanaj…

Në kuadër të bashkëpunimit polici-qytetar, Policia e Kosovës, përkatësisht stacioni policor në Malishevë, sot ka hapur një zyre të kontaktit në fshatin Kijevë, me qëllim të bashkëpunimit sa më të mirë me qytetarët dhe për rritjen e sigurisë publike. Kijeva, është fshati me frekuentim më të madh të qytetarëve, pas qendrës komunale, dhe aty gjinden, shkolla fillore, shkolla e mesme dhe qendra e mjekësisë familjare, ndërsa aty gravitojnë nxënës dhe qytetar nga tri komuna.

“Bashkëpunimi qytetar-polici duhet të rritet edhe më shumë, pasi tani jetojmë në kushte dhe rrethana tjera, dhe për këtë duhet të krijohet një siguri e plotë për të gjithë qytetarët. Pasi Kijeva, është një qendër mjaft e frekuentuar, hapja e kësaj zyre të kontaktit ka qenë e nevojshme, që policia të jetë më afër qytetarëve”, tha mes nënkryetari i Komunës së Malishevës, Rexhep Mazreku, me rastin hapjes së kësaj zyre të kontaktit të policisë.

Ndërsa komandanti i stacionit policor në Malishevë, kapiteni Halil Morina, tha se “kjo zyre është hapur me qëllim që të jemi sa më afër dhe me qytetarin. Pra, Policia është Populli dhe Populli është Policia”. Kapiteni Morina, falënderoi edhe Komunën e Malishevës, për përkrahjen e dhënë, për hapjen e kësaj zyre, ndërsa sqaroi se “hapja e kësaj pike, ka qenë edhe kërkesë e banorëve të kësaj ane”.

Paraprakisht, në Kijevë, është mbajtur edhe një takim i Komitetit Lokal për Sigurinë Publike (KLSP), ku kryetari i këtij komiteti, Maliq Kryeziu, e prezantoi ekipin e KLSP-së, qëllimin e formimit dhe misionin që ka ky këshill. Sipas Kryeziut, edhe hapja e zyrës kontaktuese të policisë, është realizimin i kërkesës së parë të KLSP-së, ndërsa ky komitet, do të vazhdoj me projekte tjera, në shërbim të komunitetit, me qëllim të sigurimit të një sigurie sa më të lartë.

Formimi i KLSP-së, është ndihmuar edhe nga misioni i OSBE-së në Kosovë. Me këtë rast, znj.Tinatin Bezhanishvilli, nga sektori për zhvillimin e sigurisë në bashkësi, në OSBE, tha se “e kanë përkrahur KLSP-në në formimin e tij, pastaj fazën e parë të trajnimit, ndërsa tani do të vazhdojnë përkrahjen në projekte konkrete, të cilat lidhen me sigurinë e përgjithshme në bashkësi”.

Sa i përket, situatës së sigurisë dhe hapjes së kësaj zyre të kontaktit, komandanti i stacionit policor në Malishevë, kapiteni Halil Morina, tha se “Malisheva, në aspektin e sigurisë së përgjithshme, vazhdon të jetë njëra prej vendeve më të sigurta dhe pa tendencë të rritjes së veprave kriminale, të cilat e prishin sigurinë, mirëpo hapja e kësaj zyre, do ta rrisë edhe më shumë sigurinë, pasi këtu, qytetarët do të kenë mundësi më të lehta, për paraqitjen e kërkesave të ndryshme në raport me policinë, sugjerimet e ndryshme dhe parashtrimin e ankesave që kanë”./PrizrenPress.com/