Sot rreth orës 10:50, në një lokal në qytetin e Rahovecit një person ka shkrepur me armë zjarri ndaj një 39 vjeçari, duke e lënë të vdekur atë. Policia ka bërë të ditur se viktima dhe dorasi kanë qenë duke pirë kafe bashkë. Dorasi është në arrati.
Osman Islamaj, komandat i Policisë rajonale të Rahovecit, ka konfirmuar për Gazetën Express vrasjen në Rahovec. Ai ka bërë me dije se policia është në kërkim të dyshuarit, pasi që i njëjti është arratisur.
“Sot rreth orës 10:50, në një kafe ka ndodhur një aksident. Një mashkull i moshës 39 vjeçare është vrarë. I dyshuari, i cili është mashkull, është në arrati”, ka thënë Islamaj për Express.
Sipas Komandantit Islamaj, gjithçka ishte momentale në një kafe, duke pirë së bashku janë nxehur gjakrat dhe ka ndodhur aksidenti.